תהילים 50

1 מזמור לאסף אל אלהים יהוה דבר ויקרא ארץ ממזרח שמש עד מבאו׃

Abụ Ọma Asaf. Onyenwe anyị, Chineke, Onye kachasị chi niile, ekwuola okwu ma kpọkọta ụwa niile, site na ọwụwa anyanwụ ruo na ọdịda ya.

2 מציון מכלל יפי אלהים הופיע׃

Chineke na-enwupụta dịka ìhè, site na Zayọn, nke zuruoke nʼime ịma mma.

3 יבא אלהינו ואל יחרש אש לפניו תאכל וסביביו נשערה מאד׃

Chineke anyị na-abịa, ọ gaghị emechikwa ọnụ; ọkụ na-erepịa erepịa dị nʼihu ya, oke ifufe na-efesi ike gbakwara ya gburugburu.

4 יקרא אל השמים מעל ואל הארץ לדין עמו׃

Ọ na-akpọku eluigwe na ụwa ka o kpee ndị ya ikpe: Ọ na-asị,

5 אספו לי חסידי כרתי בריתי עלי זבח׃

“Chikọtaranụ m ndị m e doro nsọ, bụ ndị mụ na ha ji ịchụ aja gbaa ndụ.”

6 ויגידו שמים צדקו כי אלהים שפט הוא סלה׃

Eluigwe na-ekwupụta ezi omume ya, nʼihi na Chineke nʼonwe ya bụ onye ikpe. (Sela)

7 שמעה עמי ואדברה ישראל ואעידה בך אלהים אלהיך אנכי׃

“Nụrụnụ, ndị m, m ga-ekwukwa, Izrel, aga m agba ama megide unu, Abụ m Chineke, Chineke unu.

8 לא על זבחיך אוכיחך ועולתיך לנגדי תמיד׃

Anaghị m abara unu mba nʼihi ịchụ aja unu, na aja nsure ọkụ unu nke na-adị m nʼihu oge niile.

9 לא אקח מביתך פר ממכלאתיך עתודים׃

Enweghị m mkpa maka oke ehi unu site nʼụlọ anụmanụ unu maọbụ mkpi site nʼọgba igwe ewu na atụrụ unu,

10 כי לי כל חיתו יער בהמות בהררי אלף׃

nʼihi na ụmụ anụmanụ niile nke oke ọhịa bụ nke m, ha na ehi niile nọ nʼelu otu puku ugwu.

11 ידעתי כל עוף הרים וזיז שדי עמדי׃

Amaara m ụmụ nnụnụ niile nọ nʼelu ugwu niile, ihe niile e kere eke nọ nʼọhịa bụ nke m.

12 אם ארעב לא אמר לך כי לי תבל ומלאה׃

Ọ bụrụ na agụụ agụọ m, agaghị m agwa gị ya, nʼihi na ụwa na ihe niile dị nʼime ya bụ nke m.

13 האוכל בשר אבירים ודם עתודים אשתה׃

Ana m ata anụ oke ehi, ka ọ bụ ọbara mkpi ka m ga-aṅụ?

14 זבח לאלהים תודה ושלם לעליון נדריך׃

“Chụọrọ Chineke aja ekele, mezuo nkwa i kwere Onye kachasị ihe niile elu,

15 וקראני ביום צרה אחלצך ותכבדני׃

ma kpọkuo m nʼụbọchị nsogbu gị, aga m agbapụta unu, unu ga-enyekwa m nsọpụrụ.”

16 ולרשע אמר אלהים מה לך לספר חקי ותשא בריתי עלי פיך׃

Ma Chineke na-agwa ndị na-eme ihe ọjọọ okwu sị, “Olee, nkwuwa okwu unu nwere ịgụgharị iwu m, maọbụ kwupụta ọgbụgba ndụ m nʼọnụ unu?

17 ואתה שנאת מוסר ותשלך דברי אחריך׃

Unu kpọrọ ndụmọdụ m asị, na-atụfekwa okwu m nʼazụ unu.

18 אם ראית גנב ותרץ עמו ועם מנאפים חלקך׃

Mgbe unu hụrụ onye ohi, unu na ya na-ejikọta aka; unu na ndị na-akwa iko na-ekekọkwa oke.

19 פיך שלחת ברעה ולשונך תצמיד מרמה׃

Ọnụ unu na-eme ọsịịsọ ikwu okwu ọjọọ, okwu aghụghọ na nke rere ure na-esikwa nʼọnụ unu na-asọpụta dịka iyi.

20 תשב באחיך תדבר בבן אמך תתן דפי׃

Unu na-ekwugide ụmụnna unu mgbe niile, na-ekwutọkwa nwanne unu nwoke.

21 אלה עשית והחרשתי דמית היות אהיה כמוך אוכיחך ואערכה לעיניך׃

Ihe ndị a ka unu mere ma agbachiri m nkịtị; unu chekwara na adị m ka unu. Ma aga m abara unu mba ma bokwaa unu ebubo unu nʼihu unu.

22 בינו נא זאת שכחי אלוה פן אטרף ואין מציל׃

“Tụgharịa uche na nke a, unu ndị na-echefu Chineke, ma ọ bụghị ya, aga m adọrisi unu, ọ dịkwaghị onye ga-agbapụta unu.

23 זבח תודה יכבדנני ושם דרך אראנו בישע אלהים׃

Onye na-eji ekele achụrụ m aja, na-asọpụrụ m, ọ bụkwa onye na-edozi ụzọ ya, ka m ga-eme ka ọ hụ nzọpụta Chineke.”