תהילים 130

1 שיר המעלות ממעמקים קראתיך יהוה׃

Se yon chante pou yo chante lè y'ap moute lavil Jerizalèm. Nan mizè mwen ye a, Seyè, m'ap rele nan pye ou.

2 אדני שמעה בקולי תהיינה אזניך קשבות לקול תחנוני׃

Seyè, koute m' non! Panche zòrèy ou pou ou tande jan m'ap lapriyè nan pye ou.

3 אם עונות תשמר יה אדני מי יעמד׃

Si ou t'ap make tout zak nou fè, Seyè, ki moun ki ta ka leve tèt devan ou?

4 כי עמך הסליחה למען תורא׃

Men, ou padonnen nou, pou n' ka respekte ou.

5 קויתי יהוה קותה נפשי ולדברו הוחלתי׃

Mwen mete tout espwa m' nan Seyè a, mwen mete espwa m' nan sa li di.

6 נפשי לאדני משמרים לבקר שמרים לבקר׃

N'ap tann Seyè a, tankou faksyonnè k'ap tann solèy leve, wi, tankou faksyonnè k'ap tann solèy leve!

7 יחל ישראל אל יהוה כי עם יהוה החסד והרבה עמו פדות׃

Nou menm pèp Izrayèl, mete tout espwa nou nan Seyè a, paske li renmen nou anpil. Li toujou pare pou delivre.

8 והוא יפדה את ישראל מכל עונתיו׃

Se li menm ki va delivre pèp Izrayèl la anba tout mechanste yo fè yo.