תהילים 148

1 הללו-יה הללו את-יהוה מן-השמים הללוהו במרומים

Louwe SENYÈ a! Louwe SENYÈ a soti nan syèl yo! Louwe Li kote ki wo yo!

2 הללוהו כל-מלאכיו הללוהו כל-צבאו

Louwe Li, tout zanj Li yo. Louwe Li tout lame Li yo!

3 הללוהו שמש וירח הללוהו כל-כוכבי אור

Louwe Li, solèy ak lalin nan. Louwe Li, tout zetwal ki limen yo!

4 הללוהו שמי השמים והמים אשר מעל השמים

Louwe Li, pi wo syèl yo, ak dlo ki anwo syèl yo.

5 יהללו את-שם יהוה כי הוא צוה ונבראו

Kite yo louwe non SENYÈ a, paske Li te pase lòd, e sa te fèt.

6 ויעמידם לעד לעולם חק-נתן ולא יעבור

Anplis, Li te etabli yo jis pou tout tan. Li te pase yon dekrè ki p ap janm disparèt.

7 הללו את-יהוה מן-הארץ-- תנינים וכל-תהמות

Louwe SENYÈ a soti sou latè, gwo bèt voras lanmè a ak tout fon an.

8 אש וברד שלג וקיטור רוח סערה עשה דברו

Dife ak lagrèl, lanèj ak nwaj, van tanpèt ki akonpli pawòl Li yo.

9 ההרים וכל-גבעות עץ פרי וכל-ארזים

Mòn yo ak tout kolin yo, pye fwi yo ak tout pye sèd yo,

10 החיה וכל-בהמה רמש וצפור כנף

Bèt sovaj yo ak tout bèt chan yo, sa ki trennen atè ak bèt ki vole yo,

11 מלכי-ארץ וכל-לאמים שרים וכל-שפטי ארץ

wa latè yo ak tout pèp yo, prens yo ak tout jij latè yo,

12 בחורים וגם-בתולות זקנים עם-נערים

ni jennonm, ni vyèj, granmoun ak timoun.

13 יהללו את-שם יהוה-- כי-נשגב שמו לבדו הודו על-ארץ ושמים

Kite yo louwe non SENYÈ a, paske se sèl non Li ki leve wo. Glwa Li pi wo tè a ak syèl la.

14 וירם קרן לעמו תהלה לכל-חסידיו-- לבני ישראל עם קרבו הללו-יה

Li te leve yon kòn pou pèp Li a, Lwanj pou tout fidèl Li yo, menm pou fis Israël yo, yon pèp toupre Li. Louwe SENYÈ a.