איוב 8

1 ויען בלדד השוחי ויאמר

Unya mitubag si Bildad ang Suhitanhon, ug miingon:

2 עד-אן תמלל-אלה ורוח כביר אמרי-פיך

Hangtud anus-a ba mosulti ikaw niining mga butanga? Ug hangtud anus-a ang mga pulong sa imong baba mahisama sa usa ka hangin nga makusog?

3 האל יעות משפט ואם-שדי יעות-צדק

Balit-aron ba sa Dios ang justicia? Kun balit-aron ba sa Makagagahum ang pagkamatarung?

4 אם-בניך חטאו-לו וישלחם ביד-פשעם

Kong ang imong mga anak nakasala batok kaniya, Ug siya mitugyan kanila ngadto sa kamot sa ilang paglapas;

5 אם-אתה תשחר אל-אל ואל-שדי תתחנן

Kong ikaw sa Dios mosingkamot sa pagpangita, Ug maghimo ka sa imong pangamuyo sa Makagagahum;

6 אם-זך וישר אתה כי-עתה יעיר עליך ושלם נות צדקך

Kong ikaw maputli ug matul-id pa unta, Sa pagkamatuod nahigmata unta siya tungod kanimo, Ug magahimong mauswagon sa puloy-anan sa imong pagkamatarung.

7 והיה ראשיתך מצער ואחריתך ישגה מאד

Ug bisan diyutay ra ang imong sinugdan, Apan magauswag kaayo ang imong kaulahian.

8 כי-שאל-נא לדר רישון וכונן לחקר אבותם

Kay susiha, ipangamuyo ko kanimo, ang panahon nga ming-agi, Ug magpahimulos ka sa imong kaugalingon niadtong ginapangita sa ilang mga amahan.

9 כי-תמול אנחנו ולא נדע כי צל ימינו עלי-ארץ

(Kay kita ingon lamang sa kagahapon, ug walay hibangkaagan, Kay anino lamang ang atong mga adlaw sa ibabaw sa yuta):

10 הלא-הם יורוך יאמרו לך ומלבם יוצאו מלים

Dili ba sila motudlo kanimo, ug kanimo mosugilon, Ug magasulti sa mga pulong nga gikan sa ilang kasingkasing?

11 היגאה-גמא בלא בצה ישגה-אחו בלי-מים

Makatubo ba ang nipa kong walay lapok? Makatubo ba ang tangbo kong walay tubig?

12 עדנו באבו לא יקטף ולפני כל-חציר ייבש

Sa diha nga lunhaw pa kini ug dili pinutol, Kini malaya una sa ubang kabunglayonan.

13 כן--ארחות כל-שכחי אל ותקות חנף תאבד

Mao man ang kadalanan sa tanan nga mahikalimot sa Dios; Ug ang paglaum sa tawo nga walay Dios mawagtang:

14 אשר-יקוט כסלו ובית עכביש מבטחו

Ang iyang pagsalig pagaputlon, Ug ang iyang kalig-onan maoy usa ka balay sa lawa-lawa.

15 ישען על-ביתו ולא יעמד יחזיק בו ולא יקום

Siya mosandig sa iyang balay, apan kana mahuyang; Mopuyo siya dinha, apan kana dili molungtad.

16 רטב הוא לפני-שמש ועל גנתו ינקתו תצא

Siya malunhaw sa atubangan sa adlaw, Ug ang iyang mga salingsing molabaw sa iyang tanaman.

17 על-גל שרשיו יסבכו בית אבנים יחזה

Ang iyang mga gamut mangapot duol sa tapok nga bato, Iyang makita ang dapit sa mga kabatoan.

18 אם-יבלענו ממקמו וכחש בו לא ראיתיך

Kong siya pagapukanon gikan sa iyang dapit, Nan kini molimod kaniya, nga magaingon: Wala ako makakita kanimo.

19 הן-הוא משוש דרכו ומעפר אחר יצמחו

Ania karon, kini mao ang kalipay sa iyang dalan; Ug gikan sa yuta ang uban manggula.

20 הן-אל לא ימאס-תם ולא-יחזיק ביד-מרעים

Ania karon, ang Dios dili mosalikway sa usa ka tawong hingpit. Ni motabang siya sa mga mamumuhat sa dautan.

21 עד-ימלה שחוק פיך ושפתיך תרועה

Ang imong baba pagapun-on niya sa katawa, Ug kasadya sa imong mga ngabil.

22 שנאיך ילבשו-בשת ואהל רשעים איננו

Kadtong managdumot kanimo pagasul-oban sa kaulaw; Ug ang balong-balong niadtong mga dautan mangawagtang.