שמואל ב 22
| וידבר דוד ליהוה את דברי השירה הזאת ביום הציל יהוה אתו מכף כל איביו ומכף שאול | 1 |
Davide anayimbira Yehova nyimbo iyi pamene Yehovayo anamupulumutsa mʼdzanja la adani ake onse ndiponso mʼdzanja la Sauli.
| ויאמר יהוה סלעי ומצדתי ומפלטי לי | 2 |
Iye anati, “Yehova ndiye thanthwe langa, chitetezo changa ndi mpulumutsi wanga.
| אלהי צורי אחסה בו מגני וקרן ישעי משגבי ומנוסי משעי מחמס תשעני | 3 |
Mulungu wanga ndiye thanthwe langa, mʼmene ndimathawiramo, chishango changa ndi ndodo yachipulumutso changa. Iye ndi linga langa, pothawirapo panga ndi mpulumutsi wanga. Munandipulumutsa mʼmanja mwa anthu ankhanza.
| מהלל אקרא יהוה ומאיבי אושע | 4 |
“Ndimayitana Yehova amene ndi woyenera matamando, ndipo ndapulumutsidwa kwa adani anga.
| כי אפפני משברי מות נחלי בליעל יבעתני | 5 |
“Mafunde a imfa anandizinga; mitsinje yothamanga yachiwonongeko inandiopsa kwambiri.
| חבלי שאול סבני קדמני מקשי מות (Sheol h7585) | 6 |
Anandimanga ndi zingwe za ku manda; misampha ya imfa inalimbana nane. (Sheol h7585)
| בצר לי אקרא יהוה ואל אלהי אקרא וישמע מהיכלו קולי ושועתי באזניו | 7 |
“Mʼmasautso anga ndinapemphera kwa Yehova; ndinapemphera kwa Mulungu wanga. Iye ali mʼnyumba yake, anamva mawu anga; kulira kwanga kunafika mʼmakutu ake.
| ותגעש (ויתגעש) ותרעש הארץ מוסדות השמים ירגזו ויתגעשו כי חרה לו | 8 |
“Dziko lapansi linanjenjemera ndi kuchita chivomerezi, maziko a miyamba anagwedezeka; ananjenjemera chifukwa Iye anakwiya.
| עלה עשן באפו ואש מפיו תאכל גחלים בערו ממנו | 9 |
Mʼmphuno mwake munatuluka utsi; moto wonyeketsa unatuluka mʼkamwa mwake, makala amoto anali lawilawi mʼkamwa mwake.
| ויט שמים וירד וערפל תחת רגליו | 10 |
Iye anangʼamba thambo natsika pansi; pansi pa mapazi ake panali mitambo yakuda.
| וירכב על כרוב ויעף וירא על כנפי רוח | 11 |
Iye anakwera pa Kerubi ndi kuwuluka; nawuluka ndi mphepo mwaliwiro.
| וישת חשך סביבתיו סכות חשרת מים עבי שחקים | 12 |
Iye anapanga mdima kukhala chofunda chake, mitambo yakuda ya mlengalenga.
| מנגה נגדו בערו גחלי אש | 13 |
Mʼkuwala kumene kunali pamaso pake munkachokera makala amoto alawilawi.
| ירעם מן שמים יהוה ועליון יתן קולו | 14 |
Yehova anabangula kumwamba ngati bingu, mawu a Wammwambamwamba anamveka ponseponse.
| וישלח חצים ויפיצם ברק ויהמם (ויהם) | 15 |
Iye anaponya mivi yake, nabalalitsa adani ake, ndi zingʼaningʼani zake anawagonjetsa.
| ויראו אפקי ים יגלו מסדות תבל בגערת יהוה מנשמת רוח אפו | 16 |
Zigwa za mʼnyanja zinaonekera poyera, ndipo maziko a dziko lapansi anakhala poyera, Yehova atabangula mwaukali, pamene mpweya wamphamvu unatuluka mʼmphuno mwake.
| ישלח ממרום יקחני ימשני ממים רבים | 17 |
“Ali kumwamba, Iye anatambalitsa dzanja lake ndipo anandigwira; anandivuwula mʼmadzi ozama.
| יצילני מאיבי עז משנאי כי אמצו ממני | 18 |
Anandipulumutsa kwa mdani wanga wamphamvu, adani anga amene anali amphamvu kuposa ine.
| יקדמני ביום אידי ויהי יהוה משען לי | 19 |
Adaniwo analimbana nane pamene ndinali pa mavuto, koma Yehova anali thandizo langa.
| ויצא למרחב אתי יחלצני כי חפץ בי | 20 |
Iye anandipititsa kumalo otakasuka; anandipulumutsa chifukwa amakondwera nane.
| יגמלני יהוה כצדקתי כבר ידי ישיב לי | 21 |
“Yehova wandithandiza molingana ndi chilungamo changa; molingana ndi makhalidwe anga abwino, Iye wandipulumutsa.
| כי שמרתי דרכי יהוה ולא רשעתי מאלהי | 22 |
Pakuti ine ndinatsata njira za Yehova; ndilibe mlandu wochoka pamaso pa Mulungu wanga.
| כי כל משפטו לנגדי וחקתיו לא אסור ממנה | 23 |
Malamulo ake onse ali pamaso panga, sindinasiye malangizo ake.
| ואהיה תמים לו ואשתמרה מעוני | 24 |
Ndakhala moyo wosalakwa pamaso pake ndipo ndakhala ndi kupewa tchimo.
| וישב יהוה לי כצדקתי כברי לנגד עיניו | 25 |
Yehova wandipatsa mphotho molingana ndi chilungamo changa, molingana ndi makhalidwe anga abwino pamaso pake.
| עם חסיד תתחסד עם גבור תמים תתמם | 26 |
“Kwa wokhulupirika, Inu mumaonetsa kukhulupirika kwanu, kwa anthu amakhalidwe abwino, Inu mumaonetsanso makhalidwe abwino,
| עם נבר תתבר ועם עקש תתפל | 27 |
Kwa woyera mtima, Inu mumaonetsa kuyera mtima kwanu, koma kwa anthu achinyengo mumaonetsanso kunyansidwa nawo.
| ואת עם עני תושיע ועיניך על רמים תשפיל | 28 |
Inu mumapulumutsa anthu odzichepetsa, koma maso anu amatsutsana ndi odzikuza ndipo mumawatsitsa.
| כי אתה נירי יהוה ויהוה יגיה חשכי | 29 |
Inu Yehova, ndinu nyale yanga; Yehova wasandutsa mdima wanga kukhala kuwunika.
| כי בכה ארוץ גדוד באלהי אדלג שור | 30 |
Ndi thandizo lanu nditha kulimbana ndi gulu la ankhondo, ndi Mulungu wanga nditha kuchita zosatheka ndi munthu.
| האל תמים דרכו אמרת יהוה צרופה-- מגן הוא לכל החסים בו | 31 |
“Kunena za Mulungu, zochita zake ndi zangwiro; mawu a Yehova alibe cholakwika. Iye ndi chishango kwa onse amene amathawira kwa iye.
| כי מי אל מבלעדי יהוה ומי צור מבלעדי אלהינו | 32 |
Mulungu wina ndi uti wofanana nanu Yehova? Ndipo ndani amene ndi Thanthwe kupatula Mulungu wathu?
| האל מעוזי חיל ויתר תמים דרכו (דרכי) | 33 |
Ndi Mulungu amene anandipatsa mphamvu ndi kulungamitsa njira yanga.
| משוה רגליו (רגלי) כאילות ועל במתי יעמדני | 34 |
Iye amasandutsa mapazi anga kukhala ngati ambawala yayikazi; Iye amandithandiza kuyimirira pamwamba pa mapiri.
| מלמד ידי למלחמה ונחת קשת נחושה זרעתי | 35 |
Iye amaphunzitsa manja anga kuchita nkhondo; manja anga amatha kuthyola uta wachitsulo.
| ותתן לי מגן ישעך וענתך תרבני | 36 |
Inu mundipatsa ine chishango chanu cha chigonjetso; mumawerama kuti mundikweze.
| תרחיב צעדי תחתני ולא מעדו קרסלי | 37 |
Inu mwalimbitsa njira yanga kuti ndiyende bwino, kuti mapazi anga asaterereke.
| ארדפה איבי ואשמידם ולא אשוב עד כלותם | 38 |
“Ine ndinathamangitsa adani anga ndi kuwakantha; sindinabwerere mpaka iwo atawonongedwa.
| ואכלם ואמחצם ולא יקומון ויפלו תחת רגלי | 39 |
Ndinawakantha kotheratu, ndipo sanathe kudzukanso; Iwo anagwera pansi pa mapazi anga.
| ותזרני חיל למלחמה תכריע קמי תחתני | 40 |
Inu munandipatsa ine mphamvu yochitira nkhondo; munagwaditsa adani anga pa mapazi anga.
| ואיבי תתה לי ערף משנאי ואצמיתם | 41 |
Inu muchititsa kuti adani anga atembenuke ndi kuthawa; ndipo ndinawononga adani anga.
| ישעו ואין משיע אל יהוה ולא ענם | 42 |
Iwo anafuwula kupempha thandizo, koma panalibe ndi mmodzi yemwe owapulumutsa. Analirira kwa Yehova, koma sanawayankhe.
| ואשחקם כעפר ארץ כטיט חוצות אדקם ארקעם | 43 |
Ine ndinawaperesa ngati fumbi la pa dziko lapansi; ndinawasinja ndipo ndinawapondaponda ngati matope a mʼmisewu.
| ותפלטני מריבי עמי תשמרני לראש גוים עם לא ידעתי יעבדני | 44 |
“Inu mwandipulumutsa mʼmanja mwa mitundu ya anthu; Inu mwandisunga kuti ndikhale mtsogoleri wa anthu a mitundu ina. Anthu amene sindikuwadziwa ali pansi pa ulamuliro wanga.
| בני נכר יתכחשו לי לשמוע אזן ישמעו לי | 45 |
Alendo amadzipereka okha pamaso panga; akangomva za ine, amandigonjera.
| בני נכר יבלו ויחגרו ממסגרותם | 46 |
Iwo onse anataya mtima; anatuluka mʼmalinga awo akunjenjemera.
| חי יהוה וברוך צורי וירם אלהי צור ישעי | 47 |
“Yehova ndi wamoyo! Litamandidwe Thanthwe langa. Akuzike Mulungu, Thanthwe, Mpulumutsi wanga!
| האל הנתן נקמת לי ומריד עמים תחתני | 48 |
Iye ndi Mulungu amene amabwezera chilango, amene amayika anthu a mitundu yonse pansi pa ulamuliro wanga,
| ומוציאי מאיבי ומקמי תרוממני מאיש חמסים תצילני | 49 |
amene amandimasula mʼmanja mwa adani anga. Inu munandikuza kuposa adani anga; munandilanditsa mʼmanja mwa anthu ankhanza.
| על כן אודך יהוה בגוים ולשמך אזמר | 50 |
Choncho ine ndidzakutamandani Inu Yehova, pakati pa anthu a mitundu ina; ndidzayimba nyimbo zotamanda dzina lanu.
| מגדיל (מגדול) ישועות מלכו ועשה חסד למשיחו לדוד ולזרעו עד עולם | 51 |
“Iye amapereka chipambano chachikulu kwa mfumu yake, amaonetsa kukoma mtima kwa wodzozedwa wake, kwa Davide ndi zidzukulu zake kwamuyaya.”
