Halelu 46
1 O KE Akua ka puuhonua a me ka ikaika o kakou, He kokua kokoke loa i ka popilikia ana.
God is our refuge and strength, a very present help in trouble.
2 Nolaila, aole makou e makau ke laweia'ku ka honua, A ke haliia'ku na mauna iwaena konu o ka moana;
Therefore will not we fear, though the earth be removed, and though the mountains be carried into the midst of the sea;
3 Ke halulu hoi kona mau wai me ke kupikipikio, Ke haalulu hoi na mauna i kona hookiekie ana. (Sila)
Though the waters thereof roar and be troubled, though the mountains shake with the swelling thereof. (Selah)
4 He muliwai nae i hoohauoli ai kona mau waikahe i ke kulanakauhale o ke Akua, I kahi hoano o na halelewa o ka mea kiekie loa.
There is a river, the streams whereof shall make glad the city of God, the holy place of the tabernacles of the most High.
5 O ke Akua ka iwaena konu ona, Aole ia e hoonauweweia: E kokua mai ke Akua ia ia i ka wehe ana'e o ke alaula.
God is in the midst of her; she shall not be moved: God shall help her, and that right early.
6 Kupikipikio ae la na lahuikanaka, Nauwewe ae la na aupuni: Haawi mai la oia i kona leo, Hehee iho la ka honua.
The heathen raged, the kingdoms were moved: he uttered his voice, the earth melted.
7 O Iehova Sabaota, oia me kakou: O ko Iakoba Akua ko kakou wahi e malu ai. (Sila)
Yhwh of Armies is with us; the God of Jacob is our refuge. (Selah)
8 E hele mai e nana i na hana a Iehova, I kona hooneoneo ana ma ka honua.
Come, behold the works of Yhwh, what desolations he hath made in the earth.
9 Ke hooki mai nei oia i na kaua a i ka welau o ka honua; Uhaki oia i ke kakaka, Oki pu hoi oia i ka ihe a kaawale; Hoopau hoi oia i ke kaakaua i ke ahi.
He maketh wars to cease unto the end of the earth; he breaketh the bow, and cutteth the spear in sunder; he burneth the chariot in the fire.
10 E noho malie, a e ike hoi e, Owau no ke Akua. E hapaiia au iwaena o na lahuikanaka; E hookiekieia hoi au ma ka honua.
Be still, and know that I am God: I will be exalted among the heathen, I will be exalted in the earth.
11 O Iehova Sabaota oia me kakou; O ko Iakoba Akua ko kakou wahi e malu ai. (Sila)
Yhwh of Armies is with us; the God of Jacob is our refuge. (Selah)
