Sòm 91

1 Moun ki chache pwoteksyon bò kote Bondye ki anwo nan syèl la, moun ki rete kache anba zèl Bondye ki gen tout pouvwa a

住在至高者隱密處的， 必住在全能者的蔭下。

2 ka di Seyè a: -Se ou ki tout defans mwen. Se ou ki tout pwoteksyon mwen. Ou se Bondye mwen. Se nan ou mwen mete tout konfyans mwen.

我要論到耶和華說： 他是我的避難所，是我的山寨， 是我的上帝，是我所倚靠的。

3 Se li menm ki p'ap kite ou pran nan pèlen, ki p'ap kite maladi ki pou touye ou tonbe sou ou.

他必救你脫離捕鳥人的網羅 和毒害的瘟疫。

4 L'ap kouvri ou anba zèl li. Anyen p'ap rive ou kote ou kache a. L'ap toujou kenbe pawòl li: Se sa ki pwoteksyon ou, se sa ki defans ou.

他必用自己的翎毛遮蔽你； 你要投靠在他的翅膀底下； 他的誠實是大小的盾牌。

5 Ou pa bezwen pè bagay k'ap fè moun pè lannwit, ni kè ou pa bezwen kase pou malè ki ka rive ou lajounen.

你必不怕黑夜的驚駭， 或是白日飛的箭，

6 Ou pa bezwen pè move maladi k'ap tonbe sou moun nan mitan lannwit, ni epidemi k'ap touye moun gwo midi.

也不怕黑夜行的瘟疫， 或是午間滅人的毒病。

7 Mil (1.000) moun te mèt tonbe sou bò gòch ou, dimil (10.000) sou bò dwat ou, anyen p'ap rive ou.

雖有千人仆倒在你旁邊， 萬人仆倒在你右邊， 這災卻不得臨近你。

8 W'ap rete konsa, w'ap gade, w'a wè jan y'ap bay mechan yo sa yo merite.

你惟親眼觀看， 見惡人遭報。

9 Paske ou pran Seyè a pou defans ou, paske ou pran Bondye ki anwo nan syèl la pou pwoteksyon ou,

耶和華是我的避難所； 你已將至高者當你的居所，

10 okenn malè p'ap rive ou, okenn mechan p'ap ka pwoche bò kot kay ou.

禍患必不臨到你， 災害也不挨近你的帳棚。

11 Bondye ap pase zanj li yo lòd pou yo veye sou ou, pou yo pwoteje ou kote ou pase.

因他要為你吩咐他的使者， 在你行的一切道路上保護你。

12 Y'ap pote ou nan men yo. pou ou pa kase zòtèy pye ou sou okenn wòch.

他們要用手托着你， 免得你的腳碰在石頭上。

13 W'ap mache sou lyon ak sou sèpan, w'ap kraze jenn ti lyon yo ak eskòpyon yo anba pye ou.

你要踹在獅子和虺蛇的身上， 踐踏少壯獅子和大蛇。

14 Bondye di: M'ap sove moun ki renmen mwen, m'ap pwoteje moun ki konnen mwen.

上帝說：因為他專心愛我，我就要搭救他； 因為他知道我的名，我要把他安置在高處。

15 Lè l' rele m', m'ap reponn li. Lè l' nan tray, m'ap la avèk li. M'ap delivre l', m'ap fè yo respekte l'.

他若求告我，我就應允他； 他在急難中，我要與他同在； 我要搭救他，使他尊貴。

16 M'ap fè l' viv lontan, m'a fè l' wè jan m'ap delivre l'.

我要使他足享長壽， 將我的救恩顯明給他。