Sòm 90
1 Lapriyè Moyiz, sèvitè Bondye a. Seyè, ou te toujou yon pwoteksyon pou nou depi sou tan zansèt nou yo jouk koulye a.
A Prayer by Moses, the man of God. Lord, you have been our dwelling place for all generations.
2 Anvan menm ou te kreye mòn yo, anvan ou te fè latè ak tout sa ki ladan l', depi tout tan ak pou tout tan se Bondye ou ye.
Before the mountains were born, before you had formed the earth and the world, even from everlasting to everlasting, you are God.
3 Ou di moun se pou yo tounen sa yo te ye. Ou fè yo tounen pousyè ankò.
You turn man to destruction, saying, “Return, you children of men.”
4 Milan (1.000 an) pa anyen pou ou, se tankou yon jou. Se tankou jounen ayè ki fin pase a, se tankou yon ti kadè nan mitan lannwit.
For a thousand years in your sight are just like yesterday when it is past, like a watch in the night.
5 Ou fè yo pase tankou yon rèv, tankou pye zèb ki leve yon jou maten.
You sweep them away as they sleep. In the morning they sprout like new grass.
6 Li grandi, li fleri, nan aswè li fennen, li cheche.
In the morning it sprouts and springs up. By evening, it is withered and dry.
7 Lè ou ankòlè, se fini ou fini ak nou. Lè ou move, ou fè kè nou kase.
For we are consumed in your anger. We are troubled in your wrath.
8 Ou mete devan je ou tou sa nou fè ki mal, ou mete peche nou fè an kachèt yo aklè devan ou.
You have set our iniquities before you, our secret sins in the light of your presence.
9 Ou koupe sou lavi nou paske ou ankòlè. Anvan nou bat je nou, lavi nou fini.
For all our days have passed away in your wrath. We bring our years to an end as a sigh.
10 Dènye bout nou se swasanndizan. Si nou gen bon sante, n'a wè katreventan. Men, avantaj nou jwenn nan tou sa se sèlman tray ak mizè. Talè konsa nou fin viv, n' al fè wout nou.
The days of our years are seventy, or even by reason of strength eighty years; yet their pride is but labour and sorrow, for it passes quickly, and we fly away.
11 Kilès ki konnen jan ou ka ankòlè? Kilès ki konnen jan pou yo pè ou lè ou move?
Who knows the power of your anger, your wrath according to the fear that is due to you?
12 Moutre nou pou nou pa bliye jan lavi nou kout, pou nou kapab chache konprann tout bagay.
So teach us to count our days, that we may gain a heart of wisdom.
13 Seyè, kilè w'a tounen? Gen pitye pou sèvitè ou yo.
Relent, LORD! How long? Have compassion on your servants!
14 Chak maten, voye benediksyon ou sou nou! Konsa, n'a chante, n'a toujou gen kè kontan.
Satisfy us in the morning with your loving kindness, that we may rejoice and be glad all our days.
15 Koulye a fè kè nou kontan pou menm kantite jou ou te ban nou lapenn, pou menm kantite lanne nou pase nan mizè.
Make us glad for as many days as you have afflicted us, for as many years as we have seen evil.
16 Fè moun k'ap sèvi ou yo wè sa ou ka fè. Fè pitit pitit yo wè jan ou gen pouvwa.
Let your work appear to your servants, your glory to their children.
17 Seyè, Bondye nou, pa sispann ban nou favè ou. Fè nou reyisi nan tou sa n'ap fè. Wi, fè nou reyisi nan tou sa n'ap fè.
Let the favour of the Lord our God be on us. Establish the work of our hands for us. Yes, establish the work of our hands.
