Sòm 82

1 Se yon sòm Asaf. Bondye kanpe nan mitan konsèy ki nan syèl la, li kanpe nan mitan bondye yo, l'ap jije.

Psaume d’Asaph. Dieu se tient dans l’assemblée de Dieu; il juge au milieu des juges.

2 Li di: -Kilè n'a sispann fè mechanste lè n'ap jije? Kilè n'a sispann achte figi mechan yo?

Jusques à quand jugerez-vous injustement et ferez-vous acception de la personne des méchants? (Sélah)

3 Pran defans pòv malere yo ak timoun ki san papa yo! Pran defans malere yo ak moun ki san sekou yo!

Faites droit au misérable et à l’orphelin, faites justice à l’affligé et au nécessiteux.

4 Delivre pòv malere ak endijan yo! Delivre yo anba men mechan yo.

Délivrez le misérable et le pauvre, sauvez-le de la main des méchants.

5 Nou sòt, nou pa konprann anyen! N'ap mache nan fènwa. Pa gen jistis sou latè ankò!

Ils ne connaissent ni ne comprennent, ils marchent dans les ténèbres: tous les fondements de la terre chancellent.

6 Mwen te di se bondye nou ye, nou tout se pitit Bondye ki anwo nan syèl la nou ye.

Moi j’ai dit: Vous êtes des dieux, et vous êtes tous fils du Très-haut.

7 Men, nou gen pou nou mouri tankou tout moun, wi, nou gen pou nou mouri tankou nenpòt chèf.

Mais vous mourrez comme un homme, et vous tomberez comme un des princes.

8 Leve non, Bondye, vin jije latè! Paske, se pou ou tout nasyon yo ye.

Lève-toi, ô Dieu! juge la terre; car tu hériteras toutes les nations.