Sòm 7
1 Plent David te pote bay Seyè a pou Kouch, moun laras Benjamen. Seyè, Bondye mwen, se nan ou mwen mete tout konfyans mwen. Delivre m'. Pa kite m' tonbe nan men moun k'ap pèsekite m' yo.
| שגיון לדוד אשר שר ליהוה על דברי כוש בן ימיני יהוה אלהי בך חסיתי הושיעני מכל רדפי והצילני׃ |
2 Si se pa sa, tankou lyon yo fè, y'ap pote m' ale, y'ap devore m' san pesonn p'ap ka pote m' sekou.
| פן יטרף כאריה נפשי פרק ואין מציל׃ |
3 Seyè, Bondye mwen, si m' te fè bagay sa yo vre, si m' te fè yon moun mal,
| יהוה אלהי אם עשיתי זאת אם יש עול בכפי׃ |
4 si m' te aji mal ak moun ki te fè m' byen, si m' te pèsekite lènmi m' san rezon,
| אם גמלתי שולמי רע ואחלצה צוררי ריקם׃ |
5 ou mèt kite lènmi pousib mwen jouk li mete men sou mwen. Ou mèt kite l' mache sou mwen, ou mèt kite l' trennen non m' nan labou.
| ירדף אויב נפשי וישג וירמס לארץ חיי וכבודי לעפר ישכן סלה׃ |
6 Seyè, leve non! Mete ou ankòlè! Leve, pran pozisyon kont lènmi m' yo ki fin debòde. Leve non! vin pote m' sekou, paske se jistis ou m'ap chache.
| קומה יהוה באפך הנשא בעברות צוררי ועורה אלי משפט צוית׃ |
7 Sanble tout nasyon yo bò kote ou. Rete nan syèl la, gouvènen yo tout.
| ועדת לאמים תסובבך ועליה למרום שובה׃ |
8 Ou menm Seyè, ou se jij tout moun. Tanpri, Seyè, fè m' jistis paske mwen mache dwat, mwen inonsan.
| יהוה ידין עמים שפטני יהוה כצדקי וכתמי עלי׃ |
9 Fè mechan yo sispann fè move bagay. Tanpri, bay moun ki mache dwat yo fòs. Ou se yon Bondye ki pa nan patipri: Ou konnen tout lide moun gen nan tèt yo ak tout santiman ki nan kè yo.
| יגמר נא רע רשעים ותכונן צדיק ובחן לבות וכליות אלהים צדיק׃ |
10 Se Bondye ki defans mwen. Li delivre tout moun ki mache dwat.
| מגני על אלהים מושיע ישרי לב׃ |
11 Bondye se yon jij ki san patipri: Li toujou kondannen mechan yo.
| אלהים שופט צדיק ואל זעם בכל יום׃ |
12 Si yon moun pa chanje lavi li, Bondye ap file nepe li, l'ap pare banza li pou l' vize li.
| אם לא ישוב חרבו ילטוש קשתו דרך ויכוננה׃ |
13 Bondye ap pare zam sa yo pou touye li. L'ap sèvi ak flèch li yo pou simen dife.
| ולו הכין כלי מות חציו לדלקים יפעל׃ |
14 Gade jan mechan an gen move lide nan kè li! L'ap fè plan pou fè moun mal. L'ap plede bay manti.
| הנה יחבל און והרה עמל וילד שקר׃ |
15 Li fouye yon gwo twou byen fon nan tè a. Lèfini, se li menm ki tonbe ladan li.
| בור כרה ויחפרהו ויפל בשחת יפעל׃ |
16 Se konsa, malè li te pare pou lòt moun, se sou li li tonbe. Se pwòp mechanste l' ki tounen kont li!
| ישוב עמלו בראשו ועל קדקדו חמסו ירד׃ |
17 Mwen menm, m'ap di Seyè a mèsi pou jistis li. M'ap fè lwanj Seyè a ki anwo nan syèl la.
| אודה יהוה כצדקו ואזמרה שם יהוה עליון׃ |
