Sòm 65
1 Pou chèf sanba yo. Se yon sòm David, se yon chante. Bondye, ou merite vre pou yo fè lwanj ou sou Mòn Siyon, se pou yo ba ou sa yo te pwomèt ou a.
| למנצח מזמור לדוד שיר ב לך דמיה תהלה אלהים בציון ולך ישלם-נדר |
2 Paske ou tande lè y'ap lapriyè ou. Tout moun ap vin nan pye ou,
| שמע תפלה-- עדיך כל-בשר יבאו |
3 pou rekonèt peche yo. Peche nou yo twòp pou nou. Men, w'ap efase yo.
| דברי עונת גברו מני פשעינו אתה תכפרם |
4 Ala bon sa bon pou moun ou menm ou chwazi, pou moun ou menm ou rele bò kote ou! L'ap rete anndan lakay ou! N'ap plen vant nou ak bon bagay ki gen lakay ou, ak benediksyon ki nan kay ki apa pou ou a.
| אשרי תבחר ותקרב-- ישכן חצריך נשבעה בטוב ביתך קדש היכלך |
5 Bondye, ou menm k'ap delivre nou, w'ap reponn nou, paske ou pa nan patipri. w'ap fè bèl bagay pou nou. Moun toupatou sou latè, moun byen lwen lòt bò lanmè ap mete konfyans yo nan ou.
| נוראות בצדק תעננו-- אלהי ישענו מבטח כל-קצוי-ארץ וים רחקים |
6 Avèk fòs ou, ou mete mòn yo kanpe nan plas yo. Ou fè wè jan ou gen anpil pouvwa.
| מכין הרים בכחו נאזר בגבורה |
7 Ou kase lanmè a lè l' move. Ou fè lanm lanmè yo sispann fè bri. Ou fè pèp yo rete trankil lè yo move.
| משביח שאון ימים--שאון גליהם והמון לאמים |
8 Moun ki rete nan dènye bout latè a pran tranble lè yo wè bèl bagay ou fè yo. Depi sou bò solèy leve jouk sou bò solèy kouche ou fè moun rele sitèlman yo kontan.
| וייראו ישבי קצות--מאותתיך מוצאי בקר וערב תרנין |
9 Ou moutre jan ou pran swen latè: Ou voye lapli pou wouze l'. Ou fè l' donnen anpil. Larivyè Bondye toujou plen dlo. Ou pare yon bèl rekòt mayi. Men ki jan ou pran swen tè a:
| פקדת הארץ ותשקקה רבת תעשרנה-- פלג אלהים מלא מים תכין דגנם כי-כן תכינה |
10 Ou mete dlo nan kannal pou wouze jaden yo. Ou kase bit tè yo. Ou voye gwo lapli pou tè a bwè kont dlo li. Ou fè grenn yo jèmen.
| תלמיה רוה נחת גדודה ברביבים תמגגנה צמחה תברך |
11 Ala yon bèl rekòt ou ban nou lè lanne a fini! Tout kote ou pase gen abondans an kantite!
| עטרת שנת טובתך ומעגליך ירעפון דשן |
12 Jaden ki nan dezè a jwenn kont dlo yo. Ti mòn yo kontan.
| ירעפו נאות מדבר וגיל גבעות תחגרנה |
13 Jaden yo plen zannimo. Jaden mayi kouvri tout fon yo. Fon yo kontan, y'ap chante sitèlman yo kontan.
| לבשו כרים הצאן-- ועמקים יעטפו-בר יתרועעו אף-ישירו |
