Sòm 61

1 Pou chèf sanba yo. Se sou enstriman akòd pou yo jwe mizik la. Se yon sòm David. Bondye, tande jan m'ap rele nan pye ou! Koute lè m'ap lapriyè ou!

[For the Chief Musician. For a stringed instrument. By David.] Hear my cry, God. Listen to my prayer.

2 Kè m' kase, mwen lwen lakay mwen. M'ap rele ou. Tanpri, mennen m' al chache pwoteksyon sou wòch kote mwen pa ka rive a.

From the most remote place of the earth, I will call to you, when my heart is overwhelmed. Lead me to the rock that is higher than I.

3 Paske, se ou k'ap pwoteje m', se ou k'ap pran defans mwen kont lènmi m' yo.

For you have been a refuge for me, a strong tower from the enemy.

4 Mwen ta renmen pase tout lavi m' lakay ou. Mwen ta renmen rete kache anba zèl ou.

I will dwell in your tent forever. I will take refuge in the shelter of your wings. (Selah)

5 Bondye, ou tande pwomès mwen fè. Ban mwen sa ou bay tout moun ki respekte non ou lan.

For you, God, have heard my vows. You have given me the heritage of those who fear your name.

6 Mete kèk jou sou lavi wa a: Se pou l' viv lontan lontan ankò.

You will prolong the king's life; his years shall be for generations.

7 Se pou l' gouvènen tout tan devan Bondye. Bondye va fè l' wè jan li renmen li, jan li toujou kenbe pawòl li: Bondye va pwoteje l'.

He shall be enthroned in God's presence forever. Appoint your loving kindness and truth, that they may preserve him.

8 Konsa, mwen p'ap janm sispann chante pou ou. Chak jou m'a fè sa m' te pwomèt ou a.

So I will sing praise to your name forever, that I may fulfill my vows day after day.