Sòm 6

1 Pou chèf sanba yo. Se sou enstriman akòd pou yo jwe mizik la. Sou wityèm lan. Se yon sòm David. Seyè, pa pini m' lè ou fache! Pa kale m' lè ou an kòlè!

O YHWH, rebuke me not in thine anger, neither chasten me in thy hot displeasure.

2 Gen pitye pou mwen, Seyè, paske mwen santi m' san fòs. Geri mwen, Seyè, paske m'ap deperi.

Have mercy upon me, O YHWH; for I am weak: O YHWH, heal me; for my bones are vexed.

3 Lespri m' boulvèse anpil, Seyè. Pou konbe tan bagay sa a la ankò?

My soul is also sore vexed: but thou, O YHWH, how long?

4 Tounen vin delivre m' non, Seyè! Jan ou gen kè sansib sa a, pa kite m' mouri.

Return, O YHWH, deliver my soul: oh save me for thy mercies' sake.

5 Paske, lè yon moun mouri li pa chonje ou ankò. Pesonn pa fè lwanj ou kote mò yo ye a. (Sheol h7585)

For in death there is no remembrance of thee: in the grave who shall give thee thanks? (Sheol h7585)

6 Se fini m'ap fini afòs m'ap kriye. Lannwit, kabann mwen mouye nèt afòs jè m' kouri dlo.

I am weary with my groaning; all the night make I my bed to swim; I water my couch with my tears.

7 Figi m' fin rale afòs mwen gen lapenn. Mwen fin vye anba moun k'ap pèsekite m' yo.

Mine eye is consumed because of grief; it waxeth old because of all mine enemies.

8 Wete kò nou sou mwen, nou tout k'ap fè sa ki mal, paske Seyè a tande lè m'ap kriye.

Depart from me, all ye workers of iniquity; for YHWH hath heard the voice of my weeping.

9 Li tande m' lè m'ap rele nan pye li. Li reponn mwen lè m'ap lapriyè li.

YHWH hath heard my supplication; YHWH will receive my prayer.

10 Tout lènmi m' yo pral wont, y'ap pè. Se vre wi. Y'ap kouri fè bak. Y'ap rete konsa lawont ap pran yo.

Let all mine enemies be ashamed and sore vexed: let them return and be ashamed suddenly.