Sòm 54

1 Pou chèf sanba yo. Se yon chante David te ekri lè moun peyi Zif yo te al di Sayil men David kache lakay yo. Bondye, delivre m' non avèk pouvwa ou! Fè m' jistis avèk fòs kouraj ou!

[For the Chief Musician. On stringed instruments. A contemplation by David, when the Ziphites came and said to Saul, "Isn't David hiding himself among us?"] Save me, God, by your name. Vindicate me in your might.

2 Bondye, koute m' non lè m'ap lapriyè! Panche zòrèy ou pou tande pawòl k'ap soti nan bouch mwen!

Hear my prayer, God. Listen to the words of my mouth.

3 Paske gen yon seri moun awogan ki leve dèyè m', yon bann mechan ki soti pou touye m'! Yo pa menm chonje si gen Bondye!

For strangers have risen up against me. Violent men have sought after my soul. They haven't set God before them. (Selah)

4 Men, Bondye ap vin ede m'. Seyè a ap pran defans mwen.

Look, God is my helper. The LORD is the one who sustains my soul.

5 L'ap fè mechanste moun ki pa vle wè m' yo tonbe sou tèt yo; l'ap fini nèt ak yo paske l'ap toujou kenbe pawòl li.

He will repay the evil to my enemies. Destroy them in your truth.

6 Seyè, m'a ofri bèt pou yo touye pou ou ak kè kontan, m'a fè lwanj ou, paske ou bon pou mwen.

With a free will offering, I will sacrifice to you. I will give thanks to your name, LORD, for it is good.

7 Ou delivre m' anba tray mwen te ye a; ou fè m' wè lènmi m' yo pèdi batay la.

For he has delivered me out of all trouble. My eye has seen triumph over my enemies.