Sòm 51

1 Pou chèf sanba yo. Se David ki te ekri sòm sa a lè pwofèt Natan te vin pale avè l' aprè adiltè li te fè avèk Batcheba. Gen pitye pou mwen, Bondye. Jan ou gen bon kè sa a! Tanpri, efase tou sa mwen fè ki mal, paske ou gen kè sansib.

For the Chief Musician. A Psalm by David, when Nathan the prophet came to him, after he had gone in to Bathsheba. Have mercy on me, God, according to your loving kindness. According to the multitude of your tender mercies, blot out my transgressions.

2 Lave m', foubi m' pou wete fòt mwen fè a. Netwaye m' pou efase peche m' lan.

Wash me thoroughly from my iniquity. Cleanse me from my sin.

3 Mwen rekonèt sa m' fè a pa bon. Se tout tan peche m' lan devan je m'.

For I know my transgressions. My sin is constantly before me.

4 Se kont ou menm menm mwen peche-pa kont lòt moun. Mwen fè bagay ou pa dakò pou moun fè. Se sak fè ou gen rezon lè ou kondannen yon moun. Moun pa ka fè ou okenn repwòch lè ou fin jije.

Against you, and you only, I have sinned, and done that which is evil in your sight, so you may be proved right when you speak, and justified when you judge.

5 Wi, depi m' fèt, mwen fèt ak peche nan kè m'. Depi nan vant manman m', mwen gen peche nan kè m'.

Behold, I was born in iniquity. My mother conceived me in sin.

6 Men, ou vle pou yon moun sensè nan tou sa l'ap fè. Tanpri, fè m' konprann tout bagay non!

Behold, you desire truth in the inward parts. You teach me wisdom in the inmost place.

7 Wete peche m' lan avèk yon branch izòp, konsa m'a nan kondisyon pou m' fè sèvis pou ou. Lave m', m'a pi blan pase koton.

Purify me with hyssop, and I will be clean. Wash me, and I will be whiter than snow.

8 Fè m' tande pawòl ki pou fè kè m' kontan an, pawòl ki pou fè m' chante a. Wi, ou te kraze tout zo nan kò m', men w'a fè kè m' kontan ankò.

Let me hear joy and gladness, that the bones which you have broken may rejoice.

9 Wete peche mwen yo devan je ou. Efase tout fòt mwen fè yo.

Hide your face from my sins, and blot out all of my iniquities.

10 O Bondye, pa kite okenn move lide nan kè m'. Mete bon lide nan tèt mwen, pou m' sa kenbe fèm.

Create in me a clean heart, O God. Renew a right spirit within me.

11 Pa voye m' jete. Pa wete lespri ou te ban mwen an.

Don’t throw me from your presence, and don’t take your Holy Spirit from me.

12 Sove m'. Fè kè m' kontan ankò. Ban m' bon lide ki pou fè m' toujou obeyisan.

Restore to me the joy of your salvation. Uphold me with a willing spirit.

13 Lè sa a, m'a moutre moun k'ap fè peche yo tout kòmandman ou yo, pou yo sa tounen vin jwenn ou.

Then I will teach transgressors your ways. Sinners will be converted to you.

14 Pa kite yo tire revanj sou mwen, Bondye, se ou k'ap sove lavi m'. N'a fè konnen jan ou gen bon kè.

Deliver me from the guilt of bloodshed, O God, the God of my salvation. My tongue will sing aloud of your righteousness.

15 Seyè mwen, mete pawòl nan bouch mwen pou m' ka fè lwanj ou.

Lord, open my lips. My mouth will declare your praise.

16 Si se bèt ou ta vle yo touye pou ofri ou, mwen ta ofri bèt ba ou. Men, ou pa pran plezi nan vyann bèt y'ap boule ofri ba ou yo.

For you don’t delight in sacrifice, or else I would give it. You have no pleasure in burnt offering.

17 Ofrann ki fè Bondye plezi, se lè yon moun soumèt tèt li devan li. Bondye, ou p'ap janm meprize moun ki soumèt tèt li devan ou, moun ki rekonèt tò li.

The sacrifices of God are a broken spirit. O God, you will not despise a broken and contrite heart.

18 O Bondye, fe anpil byen pou mòn Siyon, paske ou gen bon kè. Rebati miray lavil Jerizalèm yo.

Do well in your good pleasure to Zion. Build the walls of Jerusalem.

19 Se lè sa a w'a pran plezi nan ofrann bèt ou mande pou yo touye pou ou yo, nan vyann bèt ak lòt ofrann y'ap boule nèt pou ou yo. Se lè sa a y'a ofri jenn towo bèf sou lotèl ou a.

Then you will delight in the sacrifices of righteousness, in burnt offerings and in whole burnt offerings. Then they will offer bulls on your altar.