Sòm 46

1 Pou chèf sanba yo. Se yon chante pitit Kore yo pou yo chante tou dousman. Se Bondye ki tout pwoteksyon nou, se li menm ki tout fòs nou. Li toujou pare pou ban nou sekou lè nou anba tray.

To the chief Musician for the sons of Korah, A Song upon Alamoth. God [is] our refuge and strength, a very present help in trouble.

2 Se poutèt sa, nou te mèt wè tè a ap tranble, nou te mèt wè mòn yo ap chavire tonbe nan mitan lanmè, nou pa bezwen pè anyen.

Therefore will we not fear, though the earth shall be removed, and though the mountains shall be carried into the midst of the sea;

3 Nou te mèt wè lanm lanmè yo move, y'ap kimen, jouk mòn yo rive tranble lè lanmè a ap frape sou rivay la, nou pa bezwen pè.

[Though] its waters shall roar [and] be disturbed, [though] the mountains shake with the swelling of it. (Selah)

4 Gen yon gwo dlo larivyè k'ap koule pou fè kè moun kontan nan lavil Bondye a, sèl kote ki apa nèt pou Bondye ki anwo nan syèl la.

[There is] a river, the streams of which shall make glad the city of God, the holy [place] of the tabernacles of the Most High.

5 Bondye nan mitan lavil la, lavil la p'ap janm brannen. Depi granmaten, Bondye ap pote l' sekou.

God [is] in the midst of her; she shall not be moved: God shall help her, [and that] right early.

6 Moun lòt peyi yo ap bat kò yo, chèf gouvènman yo pran lezam. Bondye fè tande vwa li, latè pran tranble.

The heathen raged, the kingdoms were moved: he uttered his voice, the earth melted.

7 Seyè ki gen tout pouvwa a la avèk nou. Se bò kote Bondye Jakòb la nou jwenn kote pou n' kache.

The LORD of hosts [is] with us; the God of Jacob [is] our refuge. (Selah)

8 Vini wè travay Seyè a! Gade ravaj l'ap fè sou latè!

Come, behold the works of the LORD, what desolations he hath made in the earth.

9 Se li menm ki fè yo sispann fè lagè toupatou sou latè. Li kase banza yo, li kase frenn yo de bout, li boule tout cha yo nèt.

He maketh wars to cease to the end of the earth; he breaketh the bow, and cutteth the spear asunder; he burneth the chariot in the fire.

10 Li di: -Rete la! Sispann goumen! Konnen se mwen menm ki Bondye. Se mwen k'ap dominen sou tout nasyon yo. Se mwen k'ap dominen sou tout latè.

Be still, and know that I [am] God: I will be exalted among the heathen, I will be exalted in the earth.

11 Seyè ki gen tout pouvwa a la avèk nou. Se bò kote Bondye Jakòb la nou jwenn kote pou n' kache!

The LORD of hosts [is] with us; the God of Jacob [is] our refuge. (Selah)