Sòm 39

1 Pou chèf sanba yo. Pou Jedoutoun. Se yon sòm David. Mwen te pwomèt mwen t'ap veye sou pawòl mwen, pou m' pa peche ak lang mwen. M'ap mete yon fren nan bouch mwen toutotan mechan yo va kanpe la devan mwen.

[For the Chief Musician. For Jeduthun. A Psalm by David.] I said, "I will watch my ways, so that I do not sin with my tongue. I will keep my mouth with a bridle while the wicked is before me."

2 Mwen fèmen bouch mwen, mwen pa di yon mo, mwen pa pale menm. Sa pa sèvi m' anyen. Mwen soufri pi rèd.

I was mute with silence. I held my peace, even from good. My sorrow was stirred.

3 Kè m' te sere anpil. Plis mwen kalkile sou sa, se plis sa fatige m'. Mwen pa t' kapab ankò. Mwen mande:

My heart was hot within me. While I meditated, the fire burned: I spoke with my tongue:

4 Seyè, fè m' konnen kilè m'ap mouri. Di m' konbe jou ki rete m' pou m' viv ankò, pou m' ka konnen se pase m'ap pase sou tè a.

"Jehovah, show me my end, what is the measure of my days. Let me know how frail I am.

5 Gade, mwen konte jou ki rete m' pou m' viv yo sou dwèt mwen. Lavi m' tankou anyen devan ou. Wi, tout moun ki vivan, se tankou lafimen yo ye.

Look, you have made my days handbreadths. My lifetime is as nothing before you. Surely every man stands as a breath." (Selah)

6 Lèzòm ap pwonmennen sou tè a tankou lonbray. Se pou gremesi y'ap bat kò yo. Y'ap anpile richès sou richès, yo pa konnen ki moun k'ap vin jwi yo.

"Surely a person goes about like a shadow. Surely he heaps up vain things of wealth, and doesn't know who shall gather them.

7 Koulye a, Seyè, sa m'ap tann ankò? Tout espwa m' se sou ou!

Now, Jehovah, what do I wait for? My hope is in you.

8 Delivre m' anba tout peche m' yo. Pa kite egare yo pase m' nan betiz.

Deliver me from all my transgressions. Do not make me the taunt of fools.

9 M'ap fèmen bouch mwen, mwen p'ap di yon mo. Paske tou sa se travay ou.

I was mute. I did not open my mouth, because you did it.

10 Tanpri, pa bat mwen ankò, sispann kale m'. Mwen prèt pou m' mouri anba kout fwèt ou yo.

Remove your scourge away from me. I am overcome by the blow of your hand.

11 Lè w'ap korije moun ou pini yo pou fòt yo fè, ou detwi tou sa yo pi renmen tankou mit k'ap manje rad. Se vre wi, moun se tankou lafimen yo ye.

When you rebuke and correct man for iniquity, You consume his wealth like a moth. Surely every man is but a breath." (Selah)

12 Tanpri, Seyè, koute m' lè m'ap lapriyè. Tande jan m'ap rele, pa fèmen kè ou lè m'ap kriye nan pye ou. Mwen tankou tout zansèt mwen yo, se etranje mwen ye, se pase m'ap pase lakay ou.

"Hear my prayer, Jehovah, and give ear to my cry. Do not be silent at my tears. For I am a stranger with you, a foreigner, as all my fathers were.

13 Tanpri, wete je ou sou mwen, pou m' ka pran yon ti souf, anvan m' ale, anvan m' mouri.

Oh spare me, that I may recover strength, before I go away, and exist no more."