Sòm 30

1 Kantik pou fèt Benediksyon Tanp lan. Se yon sòm David. M'ap fè lwanj ou, Seyè, paske ou mete m' sou de pye m' ankò, paske ou pa bay lènmi m' yo chans pou yo pase m' nan rizib.

[A Psalm. A Song for the Dedication of the Temple. By David.] I will extol you, LORD, for you have raised me up, and have not made my foes to rejoice over me.

2 Seyè, Bondye mwen, mwen rele nan pye ou, epi ou geri mwen.

LORD my God, I cried to you, and you have healed me.

3 Ou rale m' soti nan bouch twou a. Ou ban m' lavi ankò, ou pa kite m' mouri. (Sheol h7585)

LORD, you have brought up my soul from Sheol. You have kept me alive, that I should not go down to the pit. (Sheol h7585)

4 Nou tout ki renmen Seyè a, fè lwanj li! Chonje sa l' te fè. Li pa tankou tout moun. Di l' mèsi.

Sing praise to the LORD, you his faithful ones. Give thanks to his holy name.

5 Paske, lè li ankòlè, se pou yon ti tan. Men, li ban nou favè l' pou tout tan n'ap viv. Lannwit nou kriye, Kou l' jou, kè nou kontan.

For his anger is but for a moment. His favor is for a lifetime. Weeping may stay for the night, but joy comes in the morning.

6 Mwen te santi kè m' poze, se sak fè mwen t'ap di: -Anyen p'ap janm rive m'.

As for me, I said in my prosperity, "I shall never be moved."

7 Seyè, ou fè m' favè, ou mete m' chita sou yon mòn byen wo. Men, kou ou vire do ban mwen, kè m' kase.

You, LORD, when you favored me, made my mountain stand strong; but when you hid your face, I was troubled.

8 Mwen te kriye nan pye ou, Seyè. Mwen te mande ou sekou.

I cried to you, LORD. To the LORD I made petition:

9 Si ou kite yo touye m', sa sa ap fè pou ou? Si ou kite m' ale anba tè, sa sa ap rapòte ou? Eske moun mouri ka fè lwanj ou? Eske yo ka mache di jan ou toujou kenbe pawòl ou?

"What profit is there in my destruction, if I go down to the pit? Shall the dust praise you? Shall it declare your truth?

10 Koute m' non, Seyè! Gen pitye pou mwen! Seyè, pote m' sekou!

Hear, LORD, and have mercy on me. LORD, be my helper."

11 Ou siye dlo nan je m', ou fè kè m' kontan anpil. Ou wete rad dèy ki te sou mwen an, ou ban m' yon bèl rad mete sou mwen pou m' fè fèt.

You have turned my mourning into dancing for me. You have removed my sackcloth, and clothed me with gladness,

12 Mwen p'ap rete ak bouch mwen fèmen, m'ap chante lwanj ou. Seyè, se ou menm ki Bondye mwen! Se tout tan tout tan m'ap di ou mèsi.

To the end that my heart may sing praise to you, and not be silent. LORD my God, I will give thanks to you forever.