Sòm 29

1 Se yon sòm David. Nou tout pitit Bondye yo, fè lwanj Seyè a! Fè lwanj Seyè a pou pouvwa ak fòs li genyen!

[A Psalm by David.] Ascribe to Jehovah, you sons of the mighty, ascribe to Jehovah glory and strength.

2 Fè lwanj non Seyè ki gen pouvwa a! Adore Seyè a nan bèl kay ki apa pou li a!

Ascribe to Jehovah the glory due to his name. Worship Jehovah in holy array.

3 Seyè a fè tande vwa li sou lanmè. Bondye ki gen pouvwa a fè loraj yo gwonde. Seyè a ap mache sou tout lanmè a.

The voice of Jehovah is on the waters. The God of glory thunders, even Jehovah on many waters.

4 Vwa Seyè a se yon vwa ki gen pouvwa! Se yon vwa ki mande pou moun respekte l'!

The voice of Jehovah is powerful. The voice of Jehovah is full of majesty.

5 Vwa Seyè a kase pye sèd yo, li kase pye sèd peyi Liban yo.

The voice of Jehovah breaks the cedars. Yes, Jehovah breaks in pieces the cedars of Lebanon.

6 Li fè mòn nan peyi Liban yo sote ponpe tankou ti gazèl bèf. Li fè mòn Siryon yo sote ponpe tankou jenn ti towo bèf.

He makes them also to skip like a calf; Lebanon and Sirion like a young, wild ox.

7 Vwa Seyè a fè zèklè.

The voice of Jehovah strikes with flashes of lightning.

8 Vwa Seyè a fè dezè a tranble. Wi, li fè dezè Kadès la tranble.

The voice of Jehovah shakes the wilderness. Jehovah shakes the wilderness of Kadesh.

9 Vwa Seyè a tòde pye chenn yo. Li fè tout fèy nan rakbwa tonbe. Nan tanp li, tout moun ap fè lwanj pou li.

The voice of Jehovah makes the large trees tremble, and strips the forests bare. In his temple everything says, "Glory."

10 Seyè a te chita sou fotèy li lè te gen gwo inondasyon an. L'ap gouvènen tankou wa pou tout tan.

Jehovah sat enthroned at the Flood. Yes, Jehovah sits as King forever.

11 Seyè a va bay pèp li a fòs, l'a beni yo, l'a ba yo kè poze.

Jehovah will give strength to his people. Jehovah will bless his people with peace.