Sòm 29

1 Se yon sòm David. Nou tout pitit Bondye yo, fè lwanj Seyè a! Fè lwanj Seyè a pou pouvwa ak fòs li genyen!

A Psalm of David. Ascribe unto Jehovah, O ye sons of the mighty, Ascribe unto Jehovah glory and strength.

2 Fè lwanj non Seyè ki gen pouvwa a! Adore Seyè a nan bèl kay ki apa pou li a!

Ascribe unto Jehovah the glory due unto his name; Worship Jehovah in holy array.

3 Seyè a fè tande vwa li sou lanmè. Bondye ki gen pouvwa a fè loraj yo gwonde. Seyè a ap mache sou tout lanmè a.

The voice of Jehovah is upon the waters: The God of glory thundereth, Even Jehovah upon many waters.

4 Vwa Seyè a se yon vwa ki gen pouvwa! Se yon vwa ki mande pou moun respekte l'!

The voice of Jehovah is powerful; The voice of Jehovah is full of majesty.

5 Vwa Seyè a kase pye sèd yo, li kase pye sèd peyi Liban yo.

The voice of Jehovah breaketh the cedars; Yea, Jehovah breaketh in pieces the cedars of Lebanon.

6 Li fè mòn nan peyi Liban yo sote ponpe tankou ti gazèl bèf. Li fè mòn Siryon yo sote ponpe tankou jenn ti towo bèf.

He maketh them also to skip like a calf; Lebanon and Sirion like a young wild-ox.

7 Vwa Seyè a fè zèklè.

The voice of Jehovah cleaveth the flames of fire.

8 Vwa Seyè a fè dezè a tranble. Wi, li fè dezè Kadès la tranble.

The voice of Jehovah shaketh the wilderness; Jehovah shaketh the wilderness of Kadesh.

9 Vwa Seyè a tòde pye chenn yo. Li fè tout fèy nan rakbwa tonbe. Nan tanp li, tout moun ap fè lwanj pou li.

The voice of Jehovah maketh the hinds to calve, And strippeth the forests bare: And in his temple everything saith, Glory.

10 Seyè a te chita sou fotèy li lè te gen gwo inondasyon an. L'ap gouvènen tankou wa pou tout tan.

Jehovah sat [as King] at the Flood; Yea, Jehovah sitteth as King for ever.

11 Seyè a va bay pèp li a fòs, l'a beni yo, l'a ba yo kè poze.

Jehovah will give strength unto his people; Jehovah will bless his people with peace.