Sòm 132

1 Se yon chante pou yo chante lè y'ap moute lavil Jerizalèm. Seyè, pa bliye David. Chonje tout traka li te bay tèt li pou ou.

Cantique des montées. Souviens-toi, Yahweh, de David, de toutes ses peines!

2 Seyè, chonje sèman li te fè ou, pwomès li te fè ou, ou menm Bondye Jakòb la ki gen fòs, lè l' te di:

Il fit ce serment à Yahweh, ce vœu au Fort de Jacob:

3 -Mwen p'ap antre nan kay kote m' rete a, mwen p'ap moute kouche sou kabann mwen,

« Je n'entrerai pas dans la tente où j'habite, je ne monterai pas sur le lit où je repose;

4 mwen p'ap bay kò m' repo, mwen p'ap fèmen je m',

je n'accorderai point de sommeil à mes yeux, ni d'assoupissement à mes paupières,

5 toutotan mwen pa jwenn yon kote pou Seyè a, yon kay pou Bondye Jakòb la ki gen fòs ka rete.

jusqu'à ce que j'aie trouvé un lieu pour Yahweh, une demeure pour le Fort de Jacob. »

6 Nou te tande Bwat Kontra a te lavil Efrata. Men, nou jwenn li nan jaden Jearim yo.

Voici, entendions-nous dire, qu'elle est à Ephrata; nous l'avons trouvée dans les champs de Jaar.

7 Ann al lakay Seyè a. Ann al devan fotèy li pou n' adore l'.

Allons au tabernacle de Yahweh, prosternons-nous devant l'escabeau de ses pieds.

8 Leve non, Seyè, vin kote pou ou pran repo a. Vini non ansanm ak Bwat Kontra ou la ki fè nou wè jan ou gen pouvwa.

Lève-toi, Yahweh, viens au lieu de ton repos, toi et l'arche de ta majesté!

9 Se pou prèt yo fè konnen jan ou bay pèp ou a delivrans. Se pou tout pèp ou a rele sitèlman yo kontan.

Que tes prêtres soient revêtus de justice, et que tes fidèles poussent des cris d'allégresse!

10 Poutèt pwomès ou te fè David, sèvitè ou la, tanpri, Seyè, pa vire do bay moun ou te chwazi a.

A cause de David, ton serviteur, ne repousse pas la face de ton Oint!

11 Seyè a te fè David, sèvitè li a, yon pwomès, l'ap toujou kenbe pawòl li: Se yonn nan pitit ou yo m'ap mete chita sou fotèy ou a.

Yahweh a juré à David la vérité, il ne s'en départira pas: « C'est du fruit de tes entrailles, que je mettrai sur ton trône.

12 Si pitit ou yo kenbe kontra mwen fè ak yo a, si yo kenbe prensip mwen ba yo, pitit pa yo tou va toujou chita son fotèy ou a.

Si tes fils gardent mon alliance, et les préceptes que je leur enseignerai, leurs fils aussi, à tout jamais, seront assis sur ton trône. »

13 Seyè a te chwazi mòn Siyon, se la li vle bati kay li.

Car Yahweh a choisi Sion, il l'a désirée pour sa demeure.

14 Se la mwen chwazi pou m' toujou pran repo, se la m'ap rete, paske se sa mwen vle.

« C'est le lieu de mon repos pour toujours; j'y habiterai, car je l'ai désirée.

15 M'a voye benediksyon sou tou sa li bezwen pou l' viv. M'a bay pòv li yo manje plen vant yo.

Je répandrai de riches bénédictions sur sa subsistance, je rassasierai de pain ses pauvres.

16 M'a delivre prèt li yo, m'a fè tout pèp Bondye a rele sitèlman yo kontan.

Je revêtirai de salut ses prêtres, et ses fidèles pousseront des cris d'allégresse.

17 Se la m'ap fè yonn nan pitit David yo tounen yon gwo wa. Mwen p'ap kite limyè a soti nan fanmi moun mwen chwazi a.

Là je ferai grandir la puissance de David, je préparerai un flambeau à mon Oint.

18 M'ap fè lènmi l' yo wont, kouwòn ki sou tèt li a ap toujou rete byen klere.

Je revêtirai de honte ses ennemis, et sur son front resplendira son diadème. »