Sòm 130

1 Se yon chante pou yo chante lè y'ap moute lavil Jerizalèm. Nan mizè mwen ye a, Seyè, m'ap rele nan pye ou.

上行之詩。 耶和華啊，我從深處向你求告！

2 Seyè, koute m' non! Panche zòrèy ou pou ou tande jan m'ap lapriyè nan pye ou.

主啊，求你聽我的聲音！ 願你側耳聽我懇求的聲音！

3 Si ou t'ap make tout zak nou fè, Seyè, ki moun ki ta ka leve tèt devan ou?

主－耶和華啊，你若究察罪孽， 誰能站得住呢？

4 Men, ou padonnen nou, pou n' ka respekte ou.

但在你有赦免之恩， 要叫人敬畏你。

5 Mwen mete tout espwa m' nan Seyè a, mwen mete espwa m' nan sa li di.

我等候耶和華，我的心等候； 我也仰望他的話。

6 N'ap tann Seyè a, tankou faksyonnè k'ap tann solèy leve, wi, tankou faksyonnè k'ap tann solèy leve!

我的心等候主， 勝於守夜的，等候天亮， 勝於守夜的，等候天亮。

7 Nou menm pèp Izrayèl, mete tout espwa nou nan Seyè a, paske li renmen nou anpil. Li toujou pare pou delivre.

以色列啊，你當仰望耶和華！ 因他有慈愛，有豐盛的救恩。

8 Se li menm ki va delivre pèp Izrayèl la anba tout mechanste yo fè yo.

他必救贖以色列脫離一切的罪孽。