Thaburi 129

1 Thaburi ya Agendi Maanahinyĩrĩria mũno kuuma ũnini-inĩ wakwa, Isiraeli nĩmakiuge ũguo,

A Song of degrees. Many a time have they afflicted me from my youth — oh let Israel say —

2 maanahinyĩrĩria mũno kuuma ũnini-inĩ wakwa, no rĩrĩ, matirĩ maahota kũndooria.

Many a time have they afflicted me from my youth; yet they have not prevailed against me.

3 Andũ arĩa marĩmaga na mũraũ marĩmĩte ngʼongʼo wakwa, magatema mĩtaro mĩraihu.

The ploughers ploughed upon my back; they made long their furrows.

4 No rĩrĩ, Jehova nĩ mũthingu; nĩanjohorithĩtie harĩ mĩhĩndo ya andũ arĩa aaganu.

Jehovah is righteous: he hath cut asunder the cords of the wicked.

5 Andũ arĩa othe mathũire Zayuni marocookio na thuutha maconokete.

Let them be ashamed and turned backward, all that hate Zion;

6 Marohaana ta nyeki ĩrĩ nyũmba igũrũ, ĩrĩa ĩhoohaga ĩtanamera;

Let them be as the grass upon the house-tops, which withereth before it is plucked up,

7 mũmĩtui ndangĩmĩiyũria hĩ-inĩ ciake, o na kana ũrĩa ũmĩũnganagia amĩiyũrie moko-inĩ make.

Wherewith the mower filleth not his hand, nor he that bindeth sheaves his bosom;

8 Andũ arĩa mahĩtũkagĩra kuo maroaga kuuga atĩrĩ, “Kĩrathimo kĩa Jehova kĩrogĩa igũrũ rĩanyu; nĩtwamũrathima thĩinĩ wa rĩĩtwa rĩa Jehova.”

Neither do the passers-by say, The blessing of Jehovah be upon you; we bless you in the name of Jehovah!