Ayubu 34

1 Ningĩ Elihu akiuga atĩrĩ:

ויען אליהוא ויאמר׃

2 “Iguai ciugo ciakwa, inyuĩ andũ aya oogĩ; thikĩrĩriai, inyuĩ amenyi a maũndũ.

שמעו חכמים מלי וידעים האזינו לי׃

3 Nĩgũkorwo gũtũ gũthuuranagia ciugo o ta ũrĩa rũrĩmĩ rũcamaga irio.

כי אזן מלין תבחן וחך יטעם לאכל׃

4 Nĩtwĩkũũranĩrei ithuĩ ene ũndũ ũrĩa wagĩrĩire; nĩtwĩrute tũrĩ hamwe ũndũ ũrĩa mwega.

משפט נבחרה לנו נדעה בינינו מה טוב׃

5 “Ayubu aroiga atĩrĩ, ‘Niĩ ndihĩtĩtie, no Mũrungu nĩanjagithĩtie kĩhooto gĩakwa.

כי אמר איוב צדקתי ואל הסיר משפטי׃

6 O na gũtuĩka ndĩraria ũrĩa kũrĩ, ndĩratuuo mũheenania; o na gũtuĩka ndirĩ na mahĩtia, mũguĩ wake ũngurarĩtie kĩronda gĩtangĩhona.’

על משפטי אכזב אנוש חצי בלי פשע׃

7 Nĩ mũndũ ũrĩkũ ũhaana ta Ayubu, mũndũ ũnyuuaga kĩnyũrũri taarĩ maaĩ aranyua?

מי גבר כאיוב ישתה לעג כמים׃

8 Atwaranaga na andũ arĩa mekaga ũũru; agĩĩaga thiritũ na andũ arĩa aaganu.

וארח לחברה עם פעלי און וללכת עם אנשי רשע׃

9 Nĩgũkorwo oigaga atĩrĩ, ‘Gũtirĩ uumithio mũndũ onaga rĩrĩa arageria gũkenia Ngai.’

כי אמר לא יסכן גבר ברצתו עם אלהים׃

10 “Nĩ ũndũ ũcio gĩĩthikĩrĩriei, inyuĩ andũ aya mũrĩ na ũtaũku. Ũhoro wa kwĩhia ũroaga kuoneka harĩ Mũrungu, Mwene-Hinya-Wothe aroaga gwĩka ũũru.

לכן אנשי לבב שמעו לי חללה לאל מרשע ושדי מעול׃

11 Arĩhaga mũndũ kũringana na ũrĩa ekĩte; akamũrehere o kĩrĩa kĩringaine na mĩthiĩre yake.

כי פעל אדם ישלם לו וכארח איש ימצאנו׃

12 Gũtingĩhoteka atĩ Mũrungu no eeke mahĩtia, atĩ ũrĩa Mwene-Hinya-Wothe no ogomie kĩhooto.

אף אמנם אל לא ירשיע ושדי לא יעות משפט׃

13 Nũũ wamũtuire mũrori wa thĩ? Nũũ wamũtuire mũrũgamĩrĩri wa thĩ yothe?

מי פקד עליו ארצה ומי שם תבל כלה׃

14 Korwo aagĩa na muoroto wa kweheria roho wake na mĩhũmũ-rĩ,

אם ישים אליו לבו רוחו ונשמתו אליו יאסף׃

15 andũ othe mangĩthiranĩra hamwe, nake mũndũ acooke rũkũngũ-inĩ.

יגוע כל בשר יחד ואדם על עפר ישוב׃

16 “Akorwo ũrĩ mũndũ ũrĩ na ũtaũku-rĩ, igua ũhoro ũyũ; thikĩrĩria ũrĩa nguuga.

ואם בינה שמעה זאת האזינה לקול מלי׃

17 Mũndũ ũthũire kĩhooto-rĩ, no ahote gwathana? Ũrĩa ũrĩ kĩhooto, o Ũcio kĩhoti-rĩ, no ũmũtue mwĩhia?

האף שונא משפט יחבוש ואם צדיק כביר תרשיע׃

18 Githĩ ti we wĩraga athamaki atĩrĩ, ‘Inyuĩ mũtirĩ kĩene,’ na akeera arĩa marĩ igweta atĩrĩ, ‘Inyuĩ mũrĩ aaganu,’

האמר למלך בליעל רשע אל נדיבים׃

19 o ũcio ũtatĩagĩra anene maũthĩ, na ndendaga arĩa atongu gũkĩra arĩa athĩĩni, nĩgũkorwo othe nĩ wĩra wa moko make?

אשר לא נשא פני שרים ולא נכר שוע לפני דל כי מעשה ידיו כלם׃

20 Makuuaga o rĩmwe, o ũtukũ gatagatĩ; andũ mainainaga magakua; arĩa marĩ hinya meeheragio matahutĩtio nĩ guoko kwa mũndũ.

רגע ימתו וחצות לילה יגעשו עם ויעברו ויסירו אביר לא ביד׃

21 “Maitho make maikaraga macũthĩrĩirie mĩthiĩre ya andũ; nĩonaga mĩthiĩre yao yothe.

כי עיניו על דרכי איש וכל צעדיו יראה׃

22 Gũtirĩ handũ harĩ nduma, kana handũ harĩ kĩĩruru kĩnene, hangĩĩhithwo nĩ arĩa meekaga ũũru.

אין חשך ואין צלמות להסתר שם פעלי און׃

23 Mũrungu ndabatairio nĩgũthuthuuria ndeto cia andũ makĩria, atĩ nĩguo moke mbere yake maciirithio.

כי לא על איש ישים עוד להלך אל אל במשפט׃

24 Ahehenjaga arĩa marĩ ũhoti atekũũria mũndũ na akarũgamia andũ angĩ ithenya rĩao.

ירע כבירים לא חקר ויעמד אחרים תחתם׃

25 Tondũ we nĩamenyaga maũndũ marĩa meekaga, amangʼaũranagia ũtukũ magathuthĩka.

לכן יכיר מעבדיהם והפך לילה וידכאו׃

26 Amaherithagĩria waganu wao makĩonagwo nĩ mũndũ o wothe,

תחת רשעים ספקם במקום ראים׃

27 tondũ nĩmagarũrũkire magĩtiga kũmũrũmĩrĩra, na matirũmbũyagia njĩra yake o na ĩrĩkũ.

אשר על כן סרו מאחריו וכל דרכיו לא השכילו׃

28 Nĩmatũmire kĩrĩro kĩa arĩa athĩĩni gĩkinye hau mbere yake, nĩ ũndũ ũcio akĩigua kĩrĩro kĩa arĩa abatari.

להביא עליו צעקת דל וצעקת עניים ישמע׃

29 No rĩrĩ, angĩikara akirĩte-rĩ, nũũ ũngĩmũtua muhĩtia? Angĩhitha ũthiũ wake-rĩ, nũũ ũngĩmuona? Nowe arĩ igũrũ rĩa mũndũ na igũrũ rĩa rũrĩrĩ o ũndũ ũmwe,

והוא ישקט ומי ירשע ויסתר פנים ומי ישורנו ועל גוי ועל אדם יחד׃

30 nĩguo agirie mũndũ ũtarĩ na ũngai gwathana, amũgirie kũigĩra kĩrĩndĩ mĩtego.

ממלך אדם חנף ממקשי עם׃

31 “Korwo mũndũ no ere Mũrungu atĩrĩ, ‘Nĩnjĩhĩtie no ndikehia rĩngĩ.

כי אל אל האמר נשאתי לא אחבל׃

32 Nduta menye ũrĩa itarahota kuona; ingĩkorwo nĩnjĩkĩte ũũru-rĩ, ndigacooka gwĩka ũguo rĩngĩ.’

בלעדי אחזה אתה הרני אם עול פעלתי לא אסיף׃

33 Ngai-rĩ, no agĩkũrĩhe kũringana na ũrĩa wee ũkwenda rĩrĩa ũregete kwĩrira? No nginya we ũtue itua, no ti niĩ; nĩ ũndũ ũcio kĩnjĩĩre ũrĩa ũũĩ.

המעמך ישלמנה כי מאסת כי אתה תבחר ולא אני ומה ידעת דבר׃

34 “Andũ arĩa marĩ na ũtaũku maroiga atĩrĩ, nao andũ acio oogĩ maiguĩte ngĩaria manjĩĩrĩte atĩrĩ,

אנשי לבב יאמרו לי וגבר חכם שמע לי׃

35 ‘Ayubu aaragia atarĩ na ũmenyo; ciugo ciake nĩciagĩte ũũgĩ.’

איוב לא בדעת ידבר ודבריו לא בהשכיל׃

36 Hĩ, naarĩ korwo Ayubu aagerio nginya mũthia, nĩ ũndũ macookio make nĩ ta ma mũndũ mwaganu!

אבי יבחן איוב עד נצח על תשבת באנשי און׃

37 Nĩongereire ũremi harĩ mehia make; atũhũũragĩra hĩ cia kĩnyũrũri, na akaingĩhia ciugo ciake cia gũũkĩrĩra Mũrungu.”

כי יסיף על חטאתו פשע בינינו יספוק וירב אמריו לאל׃