Luc 23
1 Et se levant tous ensemble, ils le menèrent à Pilate.
୧ସବେନ୍ ପାଞ୍ଚେଟ୍ରେନ୍କ ବିରିଦ୍ୟାନ୍ତେ ୟୀଶୁକେ ପିଲାତୁସ୍ତାଃତେକ ଇଦିକିୟାଃ ।
2 Et ils se mirent à l’accuser, disant: Nous avons trouvé cet homme pervertissant notre nation et défendant de donner le tribut à César, se disant lui-même être le Christ, un roi.
୨ଆଡଃ ଇନ୍କୁ ଇନିଃକେ ଚିଟାଇତାନ୍ଲଃ କାଜିକେଦାକ, “ନେ ହଡ଼, କାଇସାର୍କେ କାର୍ ଆଲପେ ଏମାଇ ମେନ୍ତେ ହଡ଼କକେ ଉସ୍କୁର୍କ ତାନ୍ ଆଡଃ ଆପାନ୍କେ ଖ୍ରୀଷ୍ଟ୍, ରାଜା ମେନ୍ତେ କାଜିନ୍ତାନ୍ଲେ ଆୟୁମ୍କାଇଜା ।”
3 Et Pilate l’interrogea, disant: Toi, tu es le roi des Juifs? Et répondant, il lui dit: Tu le dis.
୩ଏନ୍ତେ ପିଲାତୁସ୍ ୟୀଶୁକେ କୁଲିକିୟାଏ, “ଆମ୍ ଚିନାଃ ଯିହୁଦୀକଆଃ ରାଜାତାନ୍ମେଁ?” ୟୀଶୁ କାଜିରୁହାଡ଼୍କିୟାଏ “ଆମ୍ଗିମ୍ କାଜିତାନା ।”
4 Et Pilate dit aux principaux sacrificateurs et aux foules: Je ne trouve aucun crime en cet homme.
୪ଏନ୍ତେ ପିଲାତୁସ୍ ମୁଲ୍ ଯାଜାକ୍କକେ ଆଡଃ ଗାଦେଲ୍ ହଡ଼କକେ କାଜିୟାଦ୍କଆଏ, “ନେ ହଡ଼ରେ ଜେତାନ୍ ଗୁହ୍ନାଁ କାଇଙ୍ଗ୍ ନାମେତାନା ।”
5 Mais ils insistaient, disant: Il soulève le peuple, enseignant par toute la Judée, ayant commencé depuis la Galilée jusqu’ici.
୫ମେନ୍ଦ ଇନ୍କୁ ଆଡଃପୁରାଃଗି କାଜିକେଦାଃକ, “ଇନିଃ ଗାଲିଲ୍ଏତେ ନେତାଃ ଜାକେଦ୍ ଗଟା ଯିହୁଦାରେନ୍କକେ ଇତୁକତାନ୍ଲଃ ଉସ୍କୁର୍କତାନା ।”
6 Et Pilate, ayant entendu parler de la Galilée, demanda si l’homme était Galiléen.
୬ପିଲାତୁସ୍ ଗାଲିଲ୍ ନୁତୁମ୍ ଆୟୁମ୍କେଦ୍ଚି କୁଲିକେଦ୍କଆଏ, “ଚିୟାଃ ନେ ହଡ଼ ଗାଲିଲ୍ରେନ୍ ତାନିଃଚି?”
7 Et ayant appris qu’il était de la juridiction d’Hérode, il le renvoya à Hérode qui, en ces jours-là, était lui-même aussi à Jérusalem.
୭ୟୀଶୁ ହେରୋଦ୍ଆଃ ରାଇଜ୍ରେନ୍ ତାନିଃ ନେଆଁଁ ଆଟ୍କାର୍କେଦ୍ଚି ପିଲାତୁସ୍ ଇନିଃକେ ହେରୋଦ୍ତାଃତେ କୁଲ୍କିୟାଏ । ଇନିଃଦ ଏନ୍ହୁଲାଙ୍ଗ୍ରେ ଯୀରୁଶାଲେମ୍ରେ ତାଇକେନାଏ ।
8 Et Hérode, voyant Jésus, se réjouit fort; car il y avait longtemps qu’il désirait de le voir, parce qu’il avait entendu dire plusieurs choses de lui; et il espérait voir quelque miracle opéré par lui.
୮ଆଡଃ ହେରୋଦ୍ ୟୀଶୁକେ ନେଲ୍କିଃତେ ପୁରାଃଗି ରାସ୍କାୟାନାଏ, ଇନିଃଦ ୟୀଶୁଆଃ କାଜିକାମି ବିଷାଏରେ ଆୟୁମାକାଦ୍ ତାଇକେନାଏ, ଏନାନାଗେନ୍ତେ ଇନିଃ ୟୀଶୁକେ ନେନେଲ୍ ସାନାଙ୍ଗ୍ତାନାଏ ତାଇକେନା, ଆଡଃ ଆଇଙ୍ଗ୍ ଇନିୟାଃ ଜେତାନ୍ ମାରାଙ୍ଗ୍ ପେଡ଼େୟାନ୍ କାମି ନେଲେଆଇଙ୍ଗ୍ ମେନ୍ତେ ଆସ୍ରାଏତାନା ତାଇକେନା ।
9 Et il l’interrogea longuement; mais il ne lui répondit rien.
୯ଏନାନାଗେନ୍ତେ ହେରୋଦ୍ ଇନିଃକେ ପୁରାଃ କାଜିକ କୁଲିକିୟାଏ, ମେନ୍ଦ ୟୀଶୁ ଜେତ୍ନାଃ କାଏ କାଜିରୁହାଡ଼୍କିୟା ।
10 Et les principaux sacrificateurs et les scribes se tinrent là, l’accusant avec véhémence.
୧୦ମାରାଙ୍ଗ୍ ଯାଜାକ୍କ ଆଡଃ ଆଇନ୍ ଇତୁକ ତିଙ୍ଗୁୟାନ୍ତେ ପୁରାଃଗି ଇନିଃକେ ଚିଟାକିୟାଃକ ।
11 Et Hérode, avec ses troupes, l’ayant traité avec mépris et s’étant moqué de lui, le revêtit d’un vêtement éclatant et le renvoya à Pilate.
୧୧ଏନ୍ତେ ହେରୋଦ୍ ଆଡଃ ଆୟାଃ ସିପାଇକଲଃ ଇନିଃକେ ହିନିସ୍ତାକିଃତେ ଲାନ୍ଦାକିୟାଃକ ଆଡଃ ରାଙ୍ଗ୍ ଲିଜାଃ ତୁସିଙ୍ଗ୍କିଃତେ ପିଲାତୁସ୍ତାଃତେକ କୁଲ୍ରୁହାଡ଼୍କିୟାଃ ।
12 Et Pilate et Hérode devinrent amis entre eux ce même jour; car auparavant ils étaient en inimitié l’un avec l’autre.
୧୨ଏନ୍ ହୁଲାଙ୍ଗ୍ଗି ପିଲାତୁସ୍ ଆଡଃ ହେରୋଦ୍ ବାରାନ୍କିନ୍ ଗାତିୟାନାକିନ୍, ସିଦାଦ ଇନ୍କିନ୍ ବାଇରିକିନ୍ ତାଇକେନା ।
13 Et Pilate, ayant assemblé les principaux sacrificateurs, et les chefs, et le peuple,
୧୩ପିଲାତୁସ୍, ମାରାଙ୍ଗ୍ ଯାଜାକ୍କକେ, ହାକିମ୍କକେ ଆଡଃ ହଡ଼କକେ କେଡ଼ାହୁଣ୍ଡିକେଦ୍କଆଏ,
14 leur dit: Vous m’avez amené cet homme comme détournant le peuple, et voici, l’ayant examiné devant vous, moi je n’ai trouvé aucun crime dans cet homme quant aux choses dont vous l’accusez,
୧୪ଆଡଃ କାଜିୟାଦ୍କଆଏ, “ନିଃ ହଡ଼କକେ ବାଗ୍ଡ଼ାଅନିଃ ତାନିଃ ମେନ୍ତେ ଆପେ ଆଇଁୟାଃତାଃପେ ଆଉକିୟା । ଆଡଃ ନେଲେପେ ଆପେୟାଃ ଆୟାର୍ରେଗି କୁଲିକିୟାଇଙ୍ଗ୍, ମେନ୍ଦ ଆପେ ଚିଟାଇତାନ୍ ଜେତାନ୍ ଗୁହ୍ନାଁ ନିଃରେ କାଇଙ୍ଗ୍ ନାମ୍କେଦାଃ ।
15 ni Hérode non plus, car je vous ai renvoyés à lui; et voici, rien n’a été fait par lui qui soit digne de mort.
୧୫ଆଡଃ ହେରୋଦ୍ହ କାଏ ନାମାକାଦାଃ, ଏନାତେ ଇନିଃ ନିଃକେ ଆବୁତାଃତେ କୁଲ୍ରୁହାଡ଼୍କିୟାଃ, ନେଲେପେ ଗଜିଲେକାନ୍ ଜେତାନ୍କାମି ନିଃ କାଏ କାମିୟାକାଦାଃ ।
16 L’ayant donc châtié, je le relâcherai.
୧୬ଏନାମେନ୍ତେ ଆଇଙ୍ଗ୍ ହାଁଣ୍ସାକିଃତେ ଆଡ଼ାଃଇୟା ।”
17 Or il était obligé de leur relâcher quelqu’un à la fête.
୧୭ଏନ୍ ପାରାବ୍ରେ ହଡ଼କ ନାଗେନ୍ତେ ମିଆଁଦ୍ ହଡ଼କେ ଆଡ଼ାଃଇ ଲାଗାତିଙ୍ଗ୍ ତାଇକେନା ।
18 Et toute la multitude s’écria ensemble, disant: Ôte celui-ci, et relâche-nous Barabbas
୧୮ଆଡଃ ସବେନ୍କ ମିଦ୍ୟାନ୍ତେ କାଉରିକେଦାଃକ, “ନେ ହଡ଼କେ ଗଜିମେଁ ଆଡଃ ବାରବ୍ବାକେ ଆଲେ ନାଗେନ୍ତେ ଆଡ଼ାଃଇମେ ।”
19 (qui avait été jeté en prison pour une sédition qui avait eu lieu dans la ville, et pour meurtre).
୧୯ହାତୁରେ ହବାଲେନ୍ ହାଲାଗୁଲା ଆଡଃ ହଡ଼ ଗଏଃକେନ୍ ନାଗେନ୍ତେ ବାରବ୍ବା ଜେହେଲାକାନାଏ ତାଇକେନା ।
20 Pilate donc s’adressa de nouveau à eux, désirant relâcher Jésus.
୨୦ପିଲାତୁସ୍ ୟୀଶୁକେ ଆଡ଼ାଃଇ ନାଗେନ୍ତେ ସାନାଙ୍ଗ୍କିୟା ଏନାମେନ୍ତେ ଆଡଃଗି ହଡ଼କକେ କାଜିୟାଦ୍କଆଏ ।
21 Mais ils s’écriaient, disant: Crucifie, crucifie-le!
୨୧ମେନ୍ଦ ଇନ୍କୁ କାଉରିକେଦାଃକ, “କ୍ରୁଶ୍ରେ କିଲାଇମେ, କ୍ରୁଶ୍ରେ କିଲାଇମେ ।”
22 Et il leur dit pour la troisième fois: Mais quel mal celui-ci a-t-il fait? Je n’ai rien trouvé en lui qui soit digne de mort; l’ayant donc châtié, je le relâcherai.
୨୨ଏନ୍ତେ ପିଲାତ୍ ଆପିସାତେ କାଜିୟାଦ୍କଆଏ, “ଚିକା ନାଗେନ୍ତେ, ନେ ହଡ଼ ଚିକାନ୍ ଏତ୍କାନ୍ କାମିୟାକାଦାଏ? ଆଇଙ୍ଗ୍ ଗଜିଲେକାନ୍ ଜେତାନ୍ ଗୁହ୍ନାଁ ଇନିଃରେ କାଇଙ୍ଗ୍ ନାମାକାଦା, ଏନାମେନ୍ତେ ଇନିଃକେ ହାଁଣ୍ସାକିଃତେଇଙ୍ଗ୍ ବାଗିୟା ।”
23 Mais ils insistaient à grands cris, demandant qu’il soit crucifié. Et leurs cris et ceux des principaux sacrificateurs eurent le dessus.
୨୩ମେନ୍ଦ ଇନ୍କୁ ପୁରାଃଗି କାଉରିତାନ୍ଲଃ ୟୀଶୁକେ କ୍ରୁଶ୍ରେ ରାକାବିମେଁ ମେନ୍ତେ ଆସିତାନ୍କ ତାଇକେନା, ଆଡଃ ଇନ୍କୁଆଃ କାଉରିରେୟାଃ ଜିନିତାଅ ହବାୟାନା ।
24 Et Pilate prononça que ce qu’ils demandaient soit fait.
୨୪ଏନ୍ତେ ପିଲାତୁସ୍, ଇନ୍କୁ ଆସିତାନ୍ ଲେକା ରିକାଏପେ ମେନ୍ତେ ଆଚୁକେଦାଏ ।
25 Et il relâcha celui qui, pour sédition et pour meurtre, avait été jeté en prison, lequel ils demandaient; et il livra Jésus à leur volonté.
୨୫ଇନିଃ ଇନ୍କୁ ଆସିତାନ୍ ହଡ଼କେ, ଅକଏଚି ହାଲାଗୁଲା ଆଡଃ ହଡ଼ ଗଏଃକେନ୍ନାଙ୍ଗ୍ ଜେହେଲାକାନ୍ ତାଇକେନାଏ ଇନିଃକେ ଇନ୍କୁ ନାଗେନ୍ତେ ଆଡ଼ାଃକିୟା, ମେନ୍ଦ ୟୀଶୁକେ ଇନ୍କୁଆଃ ସାନାଙ୍ଗ୍ ଲେକା ଜିମାକିୟାଏ ।
26 Et comme ils l’emmenaient, ils prirent un certain Simon, Cyrénéen, qui venait des champs, et le chargèrent de la croix, pour la porter après Jésus.
୨୬ଆଡଃ ଇନ୍କୁ ଇନିଃକେ ଇଦିତାନ୍ ତାଇକେନ୍ରେ ହାତୁଏତେ ହିଜୁଃତାନ୍ ଶିମୋନ୍ ନୁତୁମ୍ କୁରିନିରେନ୍ ହଡ଼କେ ସାବ୍କିୟାଃକ ଆଡଃ ୟୀଶୁଆଃ ତାୟମ୍ ତାୟମ୍ତେ କ୍ରୁଶ୍ ଇଦି ନାଗେନ୍ତେ ଇନିଃକେ ଗଅଃଚିକାକିୟାଃକ ।
27 Et une grande multitude du peuple et de femmes qui se frappaient la poitrine et le pleuraient, le suivait.
୨୭ପୁରାଃ ହଡ଼କ ଇନିଃକେ ଅତଙ୍ଗ୍କିୟାକ ଇନ୍କୁ ଥାଲାରେ ଇନିଃ ନାଙ୍ଗ୍ କୁଡ଼ାମ୍ ଥାପ୍ଡ଼ି ଆଡଃ ରାଆଃତାନ୍ କୁଡ଼ିକହ ତାଇକେନାକ ।
28 Mais Jésus, se tournant vers elles, dit: Filles de Jérusalem, ne pleurez pas sur moi; mais pleurez sur vous-mêmes et sur vos enfants;
୨୮ମେନ୍ଦ ୟୀଶୁ ଇନ୍କୁସାଃ ହେତାରୁହାଡ଼୍କେଦ୍ତେ ଇନ୍କୁକେ କାଜିୟାଦ୍କଆଏ, “ହେ ଯୀରୁଶାଲେମ୍ରେନ୍ କୁଡ଼ିହନ୍କ, ଆଇଁୟାଃ ନାଙ୍ଗ୍ ଆଲ୍ପେ ରାଆଃୟା, ମେନ୍ଦ ଆପେୟାଃ ଆଡଃ ଆପେୟାଃ ହନ୍କ ନାଙ୍ଗ୍ ରାଆଃଏପେ ।
29 car voici, des jours viennent, dans lesquels on dira: Bienheureuses les stériles, et les ventres qui n’ont pas enfanté, et les mamelles qui n’ont pas nourri.
୨୯ନେଲେପେ ଏନ୍ ହୁଲାଙ୍ଗ୍ ହିଜୁଃଆ ଏନାରେ ହଡ଼କ ମେନେଆଁଁ, ‘କା ହାମ୍ବାଲଃ ଦାଡ଼ିତାନ୍ କୁଡ଼ି ଆଡଃ ଚିଉଲାହ କା ହାମ୍ବାଲାକାନ୍ ଲାହିଦ୍ ଆଡଃ ଚିଉଲାହ ତଆ କା ନୁନୁଆକ ସୁକୁତାନ୍ଗିଆଃ ।’
30 Alors ils se mettront à dire aux montagnes: Tombez sur nous; et aux coteaux: Couvrez-nous;
୩୦ଏନ୍ତେ ଇନ୍କୁ କାଜିୟା, ‘ଏ ବୁରୁକ ଆଲେରେ ଉୟୁଗଃପେ ଆଡଃ ଏ ଟୁଙ୍ଗୁରିକ ଆଲେକେ ଦାନାଙ୍ଗ୍ଲେପେ ।’
31 car s’ils font ces choses au bois vert, que sera-t-il fait au bois sec?
୩୧ଇନ୍କୁ ହାରିୟାର୍ ଦାରୁକେ ନେ'ଲେକାଇରେଦ ରହଡ଼ାକାନ୍ ଦାରୁରାଃ ଚିନାଃ ହବାଅଆଃ?”
32 Et deux autres aussi, qui étaient des malfaiteurs, furent menés avec lui, pour être mis à mort.
୩୨ଇନ୍କୁ ଇନିଃଲଃ ଗଏଃନାଗେନ୍ତେ ଏତ୍କାନାଃ କାମିକେନ୍ ଆଡଃଗି ବାର୍ହଡ଼୍କିନ୍କେ ହ ଇଦିକେଦ୍କିନାକ ।
33 Et quand ils furent venus au lieu appelé Crâne, ils le crucifièrent là, et les malfaiteurs, l’un à la droite, l’autre à la gauche.
୩୩ଇନ୍କୁ “ବହଃଜାଙ୍ଗ୍” ନୁତୁମଃତାନ୍ ଠାୟାଦ୍ତେ ସେଟେର୍ୟାନ୍ଚି ଏନ୍ତାଃରେ ଇନିଃକେ ଆଡଃ ଏନ୍ ଏତ୍କାନ୍ କାମିକେନ୍କିନ୍ଏତେ ମିଆଁଦ୍କେ ଇନିୟାଃ ଜମ୍ସାଃ ଆଡଃ ଏଟାଃନିଃକେ ଲେଙ୍ଗାସାଃରେ କ୍ରୁଶ୍ରେକ କିଲାକେଦ୍କିନା ।
34 Et Jésus dit: Père, pardonne-leur, car ils ne savent ce qu’ils font. Et ayant fait le partage de ses vêtements, ils tirèrent au sort.
୩୪ଏନ୍ତେ ୟୀଶୁ ମେନ୍କେଦାଏ, “ହେ ଆବା ଇନ୍କୁକେ ଛାମାକମେଁ, ଚିୟାଃଚି ଇନ୍କୁ ଚିନାଃ କାମିତାନାକ ଏନା କାକ ସାରିତାନା ।” ଆଡଃ ଚିଠା ଉୟୁଃକେଦ୍ତେ ଇନିୟାଃ ଲିଜାଃକେ ହାଟିଙ୍ଗ୍କେଦାଃକ ।
35 Et le peuple se tenait là, regardant; et les gouverneurs aussi se raillaient de lui [avec eux], disant: Il a sauvé les autres; qu’il se sauve lui-même, si lui est le Christ, l’élu de Dieu.
୩୫ହଡ଼କ ତିଙ୍ଗୁୟାନ୍ତେ ନେଲ୍ତାନ୍କ ତାଇକେନା, ଆଡଃ ହାକିମ୍କହ ଇନିଃକେ ଲାନ୍ଦାକିଃତେ ମେନ୍କେଦାଃକ, “ଇନିଃଦ ଏଟାଃକକେ ବାଞ୍ଚାଅକେଦ୍କଆଏ, ଇନିଃ ପାର୍ମେଶ୍ୱାର୍ଆଃ ସାଲାକାନ୍ ଖ୍ରୀଷ୍ଟ୍ ତାଇନିଃରେଦ ଆପାନ୍କେ ବାଞ୍ଚାଅନ୍କା ।”
36 Et les soldats aussi se moquaient de lui, s’approchant, et lui présentant du vinaigre,
୩୬ସିପାଇକହ ହିଜୁଃଲେନ୍ତେ ଇନିଃକେ ଲାନ୍ଦାକିୟାଃକ ଆଡଃ ମେହେର୍ ରାସିକ ଆନୁକିୟାଃ,
37 et disant: Si toi, tu es le roi des Juifs, sauve-toi toi-même.
୩୭ଆଡଃ କାଜିକିୟାକ, “ଆମ୍ ଯିହୁଦୀକଆଃ ରାଜା ତାନ୍ମେରେଦ ଆପାନ୍କେ ବାଞ୍ଚାଅଏନ୍ମେ ।”
38 Et il y avait aussi au-dessus de lui un écriteau en lettres grecques, romaines, et hébraïques: Celui-ci est le roi des Juifs.
୩୮ଆଡଃ “ନିଃ ଯିହୁଦୀକଆଃ ରାଜାତାନିଃ” ମେନ୍ତେ ମିଆଁଦ୍ ଅନଲ୍ ଇନିୟାଃ ଚେତାନ୍ରେ ଅଲାକାନ୍ ତାଇକେନା ।
39 Et l’un des malfaiteurs qui étaient pendus l’injuriait, disant: N’es-tu pas le Christ, toi? Sauve-toi toi-même, et nous aussi.
୩୯ଏନ୍ତେ ହାକାକାନ୍ ଏତ୍କାନ୍ କାମିକିନ୍ଏତେ ମିଆଁଦ୍ନିଃ ୟୀଶୁକେ ହିଲାଙ୍ଗ୍କିଃତେ କାଜିକିୟାଏ, “ଆମ୍ ଖ୍ରୀଷ୍ଟ୍ ତାନ୍ମେରେଦ, ଆପାନ୍କେ ଆଡଃ ଆଲିଙ୍ଗ୍କେ ବାଞ୍ଚାଅଲିଙ୍ଗ୍ମେଁ ।”
40 Mais l’autre, répondant, le reprit, disant: Et tu ne crains pas Dieu, toi, car tu es sous le même jugement?
୪୦ମେନ୍ଦ ଏଟାଃନିଃ ଇନିଃକେ ମାରାଙ୍ଗ୍ମଚାକିଦ୍ତେ କାଜିରୁହାଡ଼୍କିୟାଏ, “ଆମ୍ହଦ ନେ ଲେକା ସାଜାଇ ନାମେତାନାମ୍, ପାର୍ମେଶ୍ୱାର୍କେ କାଚିମ୍ ବରଇତାନା?
41 Et pour nous, nous y sommes justement; car nous recevons ce que méritent les choses que nous avons commises: mais celui-ci n’a rien fait qui ne dût se faire.
୪୧ଆଲାଙ୍ଗ୍ଦ ଲାଗାତିଙ୍ଗ୍ଲେକା ସାଜାଇଅଃତାନାଲାଙ୍ଗ୍, ଆଲାଙ୍ଗ୍ କାମିକାଦ୍ରେୟାଃ ନାଲାଲାଙ୍ଗ୍ ନାମେତାନା, ମେନ୍ଦ ନିଃ ଜେତାନ୍ ଏତ୍କାନାଃ କାଏ କାମିୟାକାଦା ।”
42 Et il disait à Jésus: Souviens-toi de moi, Seigneur, quand tu viendras dans ton royaume.
୪୨ଏନ୍ତେ ଇନିଃ କାଜିକିୟାଏ, “ହେ ୟୀଶୁ ଆମାଃ ରାଇଜ୍ରେମ୍ ତେବାଃଇମ୍ତା ଆଇଙ୍ଗ୍କେ ପାହାମିଙ୍ଗ୍ମେଁ ।”
43 Et Jésus lui dit: En vérité, je te dis: Aujourd’hui tu seras avec moi dans le paradis.
୪୩ୟୀଶୁ କାଜିରୁହାଡ଼୍କିୟାଏ, “ସାର୍ତିଗି କାଜିୟାମ୍ ତାନାଇଙ୍ଗ୍, ତିସିଙ୍ଗ୍ ଆମ୍ ଆଇଁୟାଃଲଃ ପାରାଦେସ୍ରେମ୍ ତାଇନାଃ ।”
44 Or il était environ la sixième heure; et il y eut des ténèbres sur tout le pays jusqu’à la neuvième heure;
୪୪ଇମ୍ତା ତିକିନ୍ସିଙ୍ଗି ହବାକାନ୍ ତାଇକେନା, ଆଡଃ ତାର୍ସିଙ୍ଗ୍ ତିନ୍ଘାଣ୍ଟା ଜାକେଦ୍ ଗଟା ଦିଶୁମ୍ ନୁବାଃୟାନା ।
45 et le soleil fut obscurci, et le voile du temple se déchira par le milieu.
୪୫ସିଙ୍ଗି ହ ନୁବାଃୟାନାଏ, ଆଡଃ ମାନ୍ଦିର୍ ଅଡ଼ାଃରାଃ ହାନାଟିଙ୍ଗ୍ ଦାନାଙ୍ଗ୍ଲିଜାଃ ଥାଲା ଥାଲାତେ ଚେଚାଃୟାନା ।
46 Et Jésus, criant à haute voix, dit: Père! entre tes mains je remets mon esprit. Et ayant dit cela, il expira.
୪୬ୟୀଶୁ ପୁରାଃ କାଉରିକେଦ୍ତେ ମେନ୍କେଦାଏ, “ହେ ଆବା, ଆଇଁୟାଃ ଆତ୍ମା ଆମାଃତିଃଇରେଇଙ୍ଗ୍ ଜିମାଏତାନା ।” ନେଆଁଁ କାଜିକେଦ୍ତେ ଜୀଉତାୟାଃ ଅଡଙ୍ଗ୍ୟାନା ।
47 Et le centurion, voyant ce qui était arrivé, glorifia Dieu, disant: En vérité, cet homme était juste.
୪୭ଏନ୍ତେ ମିଦ୍ଶାଅ ସିପାଇକଆଃ ଗମ୍କେ ନେଆଁଁ ନେଲ୍କେଦ୍ତେ ପାର୍ମେଶ୍ୱାର୍କେ ମାନାରାଙ୍ଗ୍କେଦ୍ତେ କାଜିକେଦାଏ, “ସାର୍ତିଗି ନିଃ ଧାର୍ମାନ୍ ହଡ଼ ତାଇକେନାଏ ।”
48 Et toutes les foules qui s’étaient assemblées à ce spectacle, ayant vu les choses qui étaient arrivées, s’en retournaient, frappant leurs poitrines.
୪୮ଆଡଃ ନେଆଁଁ ନେନେଲ୍ନାଗେନ୍ତେ ହୁଣ୍ଡିୟାକାନ୍ ସବେନ୍ ହଡ଼କ ହବାୟାନ୍ତେୟାଃ ନେଲ୍କେଦ୍ତେ, ଦୁକୁତେ ଆକଆଃ କୁଡ଼ାମ୍ ଥାପ୍ଡ଼ିତାନ୍ଲଃ ରୁହାଡ଼୍ୟାନାକ ।
49 Et tous ceux de sa connaissance, et des femmes qui l’avaient accompagné depuis la Galilée, se tenaient loin, regardant ces choses.
୪୯ମେନ୍ଦ ୟୀଶୁଆଃ ସବେନ୍ ନେପେଲ୍ଉପ୍ରୁଙ୍ଗ୍କ ଆଡଃ ଗାଲିଲ୍ଏତେ ଅତଙ୍ଗ୍ଆଉକାଇ କୁଡ଼ିକ ସାଙ୍ଗିନ୍ରେ ତିଙ୍ଗୁକେଦ୍ତେ ନେଆଁଁ ନେଲ୍ତାନ୍କ ତାଇକେନା ।
50 Et voici, un homme nommé Joseph, qui était conseiller, homme de bien et juste
୫୦ନେଲେପେ ଯିହୁଦୀକଆଃ ହାରାମାଥିୟା ସାହାର୍ରେ ଯୋଷେଫ୍ ନୁତୁମ୍ ମିଆଁଦ୍ ହଡ଼, ଇନିଃ ପାଞ୍ଚେଟ୍ରେନ୍ ମିହୁଡ଼୍ ବୁଗିନ୍ ଆଡଃ ଧାର୍ମାନ୍ ହଡ଼ ତାଇକେନାଏ ।
51 (celui-ci ne s’était pas joint à leur conseil et à leur action), qui était d’Arimathée, ville des Juifs, et qui attendait, lui aussi, le royaume de Dieu…;
୫୧ଯିହୁଦୀକଆଃ ନାଗାର୍ରେନ୍ ହାରାମାଥିୟା ଇନ୍କୁଆଃ ଉଡ଼ୁଃ ଆଡଃ କାମିରେ କାଏ ମେସାକାନ୍ ତାଇକେନା । ଆଡଃ ଇନିଃ ପାର୍ମେଶ୍ୱାର୍ଆଃ ରାଇଜ୍ ନେଲ୍ହରାତାନାଏ ତାଇକେନା ।
52 celui-ci, étant venu à Pilate, lui demanda le corps de Jésus.
୫୨ଇନିଃ ପିଲାତୁସ୍ତାଃ ସେନଃୟାନ୍ତେ ୟୀଶୁଆଃ ଗଏଃ ହଡ଼୍ମକେ ଆସିକିୟାଏ ।
53 Et l’ayant descendu, il l’enveloppa d’un linceul, et le mit dans un sépulcre taillé dans le roc, où personne n’avait jamais été déposé.
୫୩ଏନ୍ତେ ଇନିଃ ଏନାକେ ଆଡ଼୍ଗୁକେଦ୍ତେ, ଫାର୍ଚି ନିରାଲ୍ ଲିଜାଃଲଃ ପଟମ୍କେଦାଏ ଆଡଃ ଦିରିଏତେ ଉର୍ଲେଦ୍ ତପାଗାଡ଼ାରେ ଦହକେଦାଏ, ଏନାରେଦ ଚିଉଲାହ ଜେତାଏକେ କାକ ତପାକାକ ତାଇକେନା ।
54 Et c’était le jour de la Préparation et le crépuscule du sabbat.
୫୪ଏନ୍ ହୁଲାଙ୍ଗ୍ଦ ସାପ୍ଡ଼ାଅନ୍ ହୁଲାଙ୍ଗ୍ ତାଇକେନା, ଆଡଃ ରୁଡ଼ୁନ୍ ହୁଲାଙ୍ଗ୍ ନାଡ଼େୟାକାନ୍ ତାଇକେନା ।
55 Et des femmes qui l’avaient accompagné depuis la Galilée, ayant suivi, regardèrent le sépulcre et comment son corps y avait été déposé.
୫୫ଗାଲିଲ୍ଏତେ ୟୀଶୁଲଃ ହିଜୁଆକାନ୍ କୁଡ଼ିକହ ଅତଙ୍ଗ୍କିୟାକ, ତପାଠାୟାଦ୍ ଆଡଃ ଇନିୟାଃ ହଡ଼୍ମ ଚିଲ୍କାତେ ଦହାକାନା ଏନାକ ନେଲ୍କେଦାଃ ।
56 Et s’en étant retournées, elles préparèrent des aromates et des parfums; et, le sabbat, elles se tinrent en repos, selon le commandement.
୫୬ଏନ୍ତେ ଇନ୍କୁ ରୁହାଡ଼୍ୟାନ୍ତେ ବୁଗିନ୍ ସହାନ୍ ସୁନୁମ୍କ ବାଇକେଦା । ଆଡଃ ଆନ୍ଚୁଲେକା ରୁଡ଼ୁନ୍ ହୁଲାଙ୍ଗ୍ରେକ ରୁଡ଼ୁୟାନା ।
