Luke 21
1 And he biheeld, and saye tho riche men, that casten her yiftis in to the treserie;
And he looked up, and saw the rich men casting their gifts into the treasury.
2 but he saye also a litil pore widewe castynge twei ferthingis.
And he saw also a certain poor widow casting in thither two mites.
3 And he seide, Treuli Y seie to you, that this pore widewe keste more than alle men.
And he said, Truthfully I say unto you, that this poor widow has cast in more than they all:
4 For whi alle these of thing that was plenteuouse to hem casten in to the yiftis of God; but this widewe of that thing that failide to hir, caste al hir liflode, that sche hadde.
For all these have of their abundance cast in unto the offerings of God: but she of her destitution has cast in all the living that she had.
5 And whanne sum men seiden of the temple, that it was apparailid with gode stoonus and yiftis,
And as some spoke of the temple, how it was adorned with goodly stones and gifts, he said,
6 he seide, These thingis that ye seen, daies schulen come, in whiche a stoon schal not be left on a stoon, which schal not be destried.
As for these things which all of you behold, the days will come, in the which there shall not be left one stone upon another, that shall not be thrown down.
7 And thei axiden hym, and seiden, Comaundour, whanne schulen these thingis be? and what tokne schal be, whanne thei schulen bigynne to be don?
And they asked him, saying, Master, but when shall these things be? and what sign will there be when these things shall come to pass?
8 And he seide, Se ye, that ye be not disseyued; for many schulen come in my name, seiynge, For Y am, and the tyme schal neiye; therfor nyle ye go aftir hem.
And he said, Take heed that all of you be not deceived: for many shall come in my name, saying, I am Christ; and the time draws near: go all of you not therefore after them.
9 And whanne ye schulen here batailis and stryues with ynne, nyle ye be aferd; it bihoueth first these thingis to be don, but not yit anoon is an ende.
But when all of you shall hear of wars and commotions, be not terrified: for these things must first come to pass; but the end is not by and by.
10 Thanne he seide to hem, Folk schal rise ayens folk, and rewme ayens rewme;
Then said he unto them, Nation shall rise against nation, and kingdom against kingdom:
11 grete mouyngis of erthe schulen be bi placis, and pestilencis, and hungris, and dredis fro heuene, and grete tokenes schulen be.
And great earthquakes shall be in divers places, and famines, and pestilences; and fearful sights and great signs shall there be from heaven.
12 But bifore alle these thingis thei schulen sette her hoondis on you, and schulen pursue, bitakynge in to synagogis and kepyngis, drawynge to kyngis and to iusticis, for my name;
But before all these, they shall lay their hands on you, and persecute you, delivering you up to the synagogues, and into prisons, being brought before kings and rulers for my name's sake.
13 but it schal falle to you in to witnessyng.
And it shall turn to you for a testimony.
14 Therfor putte ye in youre hertis, not to thenke bifore, hou ye schulen answere; for Y schal yyue to you mouth and wisdom,
Settle it therefore in your hearts, not to meditate before what all of you shall answer:
15 to whiche alle youre aduersaries schulen not mowe ayenstonde, and ayenseie.
For I will give you a mouth and wisdom, which all your adversaries shall not be able to gainsay nor resist.
16 And ye schulen be takun of fadir, and modir, and britheren, and cosyns, and freendis, and bi deeth thei schulen turmente of you;
And all of you shall be betrayed both by parents, and brethren, and kinsfolks, and friends; and some of you shall they cause to be put to death.
17 and ye schulen be in haate to alle men for my name.
And all of you shall be hated of all men for my name's sake.
18 And an heere of youre heed schal not perische;
But there shall not an hair of your head perish.
19 in youre pacience ye schulen welde youre soulis.
In your patience possess all of you your souls.
20 But whanne ye schulen se Jerusalem ben enuyround with an oost, thanne wite ye, that the desolacioun of it schal neiye.
And when all of you shall see Jerusalem compassed with armies, then know that the desolation thereof is nigh.
21 Thanne thei that ben in Judee, fle to the mountans; and thei that ben in the mydil of it, gon awei; and thei that ben in the cuntreis, entre not in to it.
Then let them which are in Judaea flee to the mountains; and let them which are in the midst of it depart out; and let not them that are in the countries enter therein.
22 For these ben daies of veniaunce, that alle thingis that ben writun, be fulfillid.
For these be the days of vengeance, that all things which are written may be fulfilled.
23 And wo to hem, that ben with child, and norischen in tho daies; for a greet diseese schal be on the erthe, and wraththe to this puple.
But woe unto them that are with child, and to them that give suck, in those days! for there shall be great distress in the land, and wrath upon this people.
24 And thei schulen falle bi the scharpnesse of swerd, and thei schulen be led prisoneris in to alle folkis; and Jerusalem schal be defoulid of hethene men, til the tymes of naciouns be fulfillid.
And they shall fall by the edge of the sword, and shall be led away captive into all nations: and Jerusalem shall be trodden down of the Gentiles, until the times of the Gentiles be fulfilled.
25 And tokenes schulen be in the sunne, and the mone, and in the sterris; and in the erthe ouerleiyng of folkis, for confusioun of sown of the see and of floodis;
And there shall be signs in the sun, and in the moon, and in the stars; and upon the earth distress of nations, with perplexity; the sea and the waves roaring;
26 for men schulen wexe drye for drede and abidyng that schulen come to al the world; for vertues of heuenes schulen be mouyd.
Men's hearts failing them for fear, and for looking after those things which are coming on the earth: for the powers of heaven shall be shaken.
27 And thanne thei schulen se mannys sone comynge in a cloude, with greet power and maieste.
And then shall they see the Son of man coming in a cloud with power and great glory.
28 And whanne these thingis bigynnen to be maad, biholde ye, and reise ye youre heedis, for youre redempcioun neiyeth.
And when these things begin to come to pass, then look up, and lift up your heads; for your redemption draws nigh.
29 And he seide to hem a liknesse, Se ye the fige tre, and alle trees,
And he spoke to them a parable; Behold the fig tree, and all the trees;
30 whanne thei bryngen forth now of hem silf fruyt, ye witen that somer is nyy;
When they now shoot forth, all of you see and know of your own selves that summer is now nigh at hand.
31 so ye, whanne ye seen these thingis to be don, wite ye, that the kyngdom of God is nyy.
So likewise all of you, when all of you see these things come to pass, know all of you that the kingdom of God is nigh at hand.
32 Treuli Y seie to you, that this generacioun schal not passe, til alle thingis be don.
Verily I say unto you, This generation shall not pass away, till all be fulfilled.
33 Heuene and erthe schulen passe, but my wordis schulen not passe.
Heaven and earth shall pass away: but my words (logos) shall not pass away.
34 But take ye heede to you silf, lest perauenture youre hertis be greuyd with glotony, and drunkenesse, and bisynessis of this lijf, and thilke dai come sodein on you; for as a snare it schal come on alle men,
And take heed to yourselves, lest at any time your hearts be overcharged with worldly excess, and drunkenness, and cares of this life, and so that day come upon you unexpectedly.
35 that sitten on the face of al erthe.
For as a snare shall it come on all them that dwell on the face of the whole earth.
36 Therfor wake ye, preiynge in ech tyme, that ye be hadde worthi to fle alle these thingis that ben to come, and to stonde bifor mannus sone.
Watch all of you therefore, and pray always, that all of you may be accounted worthy to escape all these things that shall come to pass, and to stand before the Son of man.
37 And in daies he was techynge in the temple, but in nyytis he yede out, and dwellide in the mount, that is clepid of Olyuet.
And in the day time he was teaching in the temple; and at night he went out, and abode in the mount that is called the mount of Olives.
38 And al the puple roos eerli, to come to hym in the temple, and to here hym.
And all the people came early in the morning to him in the temple, in order to hear him.
