Luke 21
1 And he biheeld, and saye tho riche men, that casten her yiftis in to the treserie;
And looking on, he saw the rich men cast their gifts into the treasury.
2 but he saye also a litil pore widewe castynge twei ferthingis.
And he saw also a certain poor widow casting in two brass mites.
3 And he seide, Treuli Y seie to you, that this pore widewe keste more than alle men.
And he said: Verily I say to you, that this poor widow hath cast in more than they all:
4 For whi alle these of thing that was plenteuouse to hem casten in to the yiftis of God; but this widewe of that thing that failide to hir, caste al hir liflode, that sche hadde.
For all these have of their abundance cast into the offerings of God: but she of her want, hath cast in all the living that she had.
5 And whanne sum men seiden of the temple, that it was apparailid with gode stoonus and yiftis,
And some saying of the temple, that it was adorned with goodly stones and gifts, he said:
6 he seide, These thingis that ye seen, daies schulen come, in whiche a stoon schal not be left on a stoon, which schal not be destried.
These things which you see, the days will come in which there shall not be left a stone upon a stone that shall not be thrown down.
7 And thei axiden hym, and seiden, Comaundour, whanne schulen these thingis be? and what tokne schal be, whanne thei schulen bigynne to be don?
And they asked him, saying: Master, when shall these things be? and what shall be the sign when they shall begin to come to pass?
8 And he seide, Se ye, that ye be not disseyued; for many schulen come in my name, seiynge, For Y am, and the tyme schal neiye; therfor nyle ye go aftir hem.
Who said: Take heed you be not seduced; for many will come in my name, saying, I am he; and the time is at hand: go ye not therefore after them.
9 And whanne ye schulen here batailis and stryues with ynne, nyle ye be aferd; it bihoueth first these thingis to be don, but not yit anoon is an ende.
And when you shall hear of wars and seditions, be not terrified: these things must first come to pass; but the end is not yet presently.
10 Thanne he seide to hem, Folk schal rise ayens folk, and rewme ayens rewme;
Then he said to them: Nation shall rise against nation, and kingdom against kingdom.
11 grete mouyngis of erthe schulen be bi placis, and pestilencis, and hungris, and dredis fro heuene, and grete tokenes schulen be.
And there shall be great earthquakes in divers places, and pestilences, and famines, and terrors from heaven; and there shall be great signs.
12 But bifore alle these thingis thei schulen sette her hoondis on you, and schulen pursue, bitakynge in to synagogis and kepyngis, drawynge to kyngis and to iusticis, for my name;
But before all these things, they will lay their hands upon you, and persecute you, delivering you up to the synagogues and into prisons, dragging you before kings and governors, for my name’s sake.
13 but it schal falle to you in to witnessyng.
And it shall happen unto you for a testimony.
14 Therfor putte ye in youre hertis, not to thenke bifore, hou ye schulen answere; for Y schal yyue to you mouth and wisdom,
Lay it up therefore into your hearts, not to meditate before how you shall answer:
15 to whiche alle youre aduersaries schulen not mowe ayenstonde, and ayenseie.
For I will give you a mouth and wisdom, which all your adversaries shall not be able to resist and gainsay.
16 And ye schulen be takun of fadir, and modir, and britheren, and cosyns, and freendis, and bi deeth thei schulen turmente of you;
And you shall be betrayed by your parents and brethren, and kinsmen and friends; and some of you they will put to death.
17 and ye schulen be in haate to alle men for my name.
And you shall be hated by all men for my name’s sake.
18 And an heere of youre heed schal not perische;
But a hair of your head shall not perish.
19 in youre pacience ye schulen welde youre soulis.
In your patience you shall possess your souls.
20 But whanne ye schulen se Jerusalem ben enuyround with an oost, thanne wite ye, that the desolacioun of it schal neiye.
And when you shall see Jerusalem compassed about with an army; then know that the desolation thereof is at hand.
21 Thanne thei that ben in Judee, fle to the mountans; and thei that ben in the mydil of it, gon awei; and thei that ben in the cuntreis, entre not in to it.
Then let those who are in Judea, flee to the mountains; and those who are in the midst thereof, depart out: and those who are in the countries, not enter into it.
22 For these ben daies of veniaunce, that alle thingis that ben writun, be fulfillid.
For these are the days of vengeance, that all things may be fulfilled, that are written.
23 And wo to hem, that ben with child, and norischen in tho daies; for a greet diseese schal be on the erthe, and wraththe to this puple.
But woe to them that are with child, and give suck in those days; for there shall be great distress in the land, and wrath upon this people.
24 And thei schulen falle bi the scharpnesse of swerd, and thei schulen be led prisoneris in to alle folkis; and Jerusalem schal be defoulid of hethene men, til the tymes of naciouns be fulfillid.
And they shall fall by the edge of the sword; and shall be led away captives into all nations; and Jerusalem shall be trodden down by the Gentiles; till the times of the nations be fulfilled.
25 And tokenes schulen be in the sunne, and the mone, and in the sterris; and in the erthe ouerleiyng of folkis, for confusioun of sown of the see and of floodis;
And there shall be signs in the sun, and in the moon, and in the stars; and upon the earth distress of nations, by reason of the confusion of the roaring of the sea and of the waves;
26 for men schulen wexe drye for drede and abidyng that schulen come to al the world; for vertues of heuenes schulen be mouyd.
Men withering away for fear, and expectation of what shall come upon the whole world. For the powers of heaven shall be moved;
27 And thanne thei schulen se mannys sone comynge in a cloude, with greet power and maieste.
And then they shall see the Son of man coming in a cloud, with great power and majesty.
28 And whanne these thingis bigynnen to be maad, biholde ye, and reise ye youre heedis, for youre redempcioun neiyeth.
But when these things begin to come to pass, look up, and lift up your heads, because your redemption is at hand.
29 And he seide to hem a liknesse, Se ye the fige tre, and alle trees,
And he spoke to them in a similitude. See the fig tree, and all the trees:
30 whanne thei bryngen forth now of hem silf fruyt, ye witen that somer is nyy;
When they now shoot forth their fruit, you know that summer is nigh;
31 so ye, whanne ye seen these thingis to be don, wite ye, that the kyngdom of God is nyy.
So you also, when you shall see these things come to pass, know that the kingdom of God is at hand.
32 Treuli Y seie to you, that this generacioun schal not passe, til alle thingis be don.
Amen, I say to you, this generation shall not pass away, till all things be fulfilled.
33 Heuene and erthe schulen passe, but my wordis schulen not passe.
Heaven and earth shall pass away, but my words shall not pass away.
34 But take ye heede to you silf, lest perauenture youre hertis be greuyd with glotony, and drunkenesse, and bisynessis of this lijf, and thilke dai come sodein on you; for as a snare it schal come on alle men,
And take heed to yourselves, lest perhaps your hearts be overcharged with surfeiting and drunkenness, and the cares of this life, and that day come upon you suddenly.
35 that sitten on the face of al erthe.
For as a snare shall it come upon all that sit upon the face of the whole earth.
36 Therfor wake ye, preiynge in ech tyme, that ye be hadde worthi to fle alle these thingis that ben to come, and to stonde bifor mannus sone.
Watch ye, therefore, praying at all times, that you may be accounted worthy to escape all these things that are to come, and to stand before the Son of man.
37 And in daies he was techynge in the temple, but in nyytis he yede out, and dwellide in the mount, that is clepid of Olyuet.
And in the daytime, he was teaching in the temple; but at night, going out, he abode in the mount that is called Olivet.
38 And al the puple roos eerli, to come to hym in the temple, and to here hym.
And all the people came early in the morning to him in the temple, to hear him.
