Proverbs 11
1 A false balance is an abomination to the LORD, but accurate weights are his delight.
Bimekelo kilo ya lokuta ezali lokola makambo ya nkele na miso ya Yawe, kasi kilo ya sembo ezali elengi na miso na Ye.
2 When pride comes, then comes shame, but with humility comes wisdom.
Tango lolendo eyaka, soni mpe eyaka, kasi bwanya ezali elongo na bato oyo bamikitisaka.
3 The integrity of the upright shall guide them, but the perverseness of the treacherous shall destroy them.
Boyengebene ya bato ya sembo etambolisaka bango, kasi mayele mabe ya bato oyo batambolaka na boyengebene te ebebisaka bango.
4 Riches don’t profit in the day of wrath, but righteousness delivers from death.
Bomengo ekolongisa ata moke te na mokolo ya kanda ya Nzambe, kasi bosembo ekangolaka na kufa.
5 The righteousness of the blameless will direct his way, but the wicked shall fall by his own wickedness.
Bosembo ya moto oyo atambolaka alima ekomisaka nzela na ye sembo, kasi moto mabe akokweya mpo na mabe na ye moko.
6 The righteousness of the upright shall deliver them, but the unfaithful will be trapped by evil desires.
Bosembo ya bato oyo batambolaka alima ekangolaka bango, kasi bato oyo batambolaka na boyengebene te bakweyaka na motambo ya baposa na bango.
7 When a wicked man dies, hope perishes, and expectation of power comes to nothing.
Soki moto mabe akufi, elikya na ye mpe ekufi; boye, elikya nyonso oyo etiami na bomengo na ye mpe ekufi.
8 A righteous person is delivered out of trouble, and the wicked takes his place.
Moto ya sembo akokangolama na pasi, mpe moto mabe akomona pasi na esika ya moto ya sembo.
9 With his mouth the godless man destroys his neighbour, but the righteous will be delivered through knowledge.
Moto ya mbindo abebisaka moninga na ye na maloba ya monoko na ye, kasi boyebi ekokangola bato ya sembo.
10 When it goes well with the righteous, the city rejoices. When the wicked perish, there is shouting.
Tango bato ya sembo bapambolamaka, engumba esepelaka; mpe tango moto mabe akufaka, bato bagangaka na esengo.
11 By the blessing of the upright, the city is exalted, but it is overthrown by the mouth of the wicked.
Engumba etongamaka na nzela ya mapamboli ya bato ya sembo, kasi ebebisamaka na nzela ya monoko ya bato mabe.
12 One who despises his neighbour is void of wisdom, but a man of understanding holds his peace.
Moto oyo atiolaka moninga na ye azangi mayele, kasi moto ya mayele avandaka kimia.
13 One who brings gossip betrays a confidence, but one who is of a trustworthy spirit is one who keeps a secret.
Moto oyo aswanaka abimisaka basekele, kasi moto oyo azali na molimo ya sembo abombaka basekele.
14 Where there is no wise guidance, the nation falls, but in the multitude of counsellors there is victory.
Mpo na kozanga koyeba kokamba, ekolo ekokweya; kasi lobiko ezali kati na motango ebele ya bapesi toli.
15 He who is collateral for a stranger will suffer for it, but he who refuses pledges of collateral is secure.
Moto oyo abetaka tolo mpo na kondima baniongo ya mopaya akomona solo pasi, kasi moto oyo aboyaka kozwa bikateli akozala na kimia.
16 A gracious woman obtains honour, but violent men obtain riches.
Mwasi ya malamu azwaka lokumu, mpe bato ya makasi bazwaka bomengo.
17 The merciful man does good to his own soul, but he who is cruel troubles his own flesh.
Moto oyo asalelaka bato bolamu amisalelaka nde bolamu, kasi moto na kanza amimonisaka pasi.
18 Wicked people earn deceitful wages, but one who sows righteousness reaps a sure reward.
Moto mabe asalaka mosala na lokuta, kasi moto oyo alonaka na bosembo akozwa lifuti ya malonga.
19 He who is truly righteous gets life. He who pursues evil gets death.
Lokola bosembo ememaka na bomoi, moto oyo alandaka nzela ya mabe alandaka nde nzela ya kufa.
20 Those who are perverse in heart are an abomination to the LORD, but those whose ways are blameless are his delight.
Bato ya kilikili bazalaka nkele na miso ya Yawe, kasi bato oyo bazangi pamela basepelisaka Ye.
21 Most certainly, the evil man will not be unpunished, but the offspring of the righteous will be delivered.
Moto mabe akosambisama solo, kasi bakitani ya bayengebene bakokangolama.
22 Like a gold ring in a pig’s snout, is a beautiful woman who lacks discretion.
Mwasi ya kitoko, kasi azangi mayele, azali lokola lopete ya wolo na zolo ya ngulu.
23 The desire of the righteous is only good. The expectation of the wicked is wrath.
Baposa ya moto ya sembo esukaka kaka malamu, nzokande elikya ya moto mabe ezelaka kaka kanda ya Nzambe.
24 There is one who scatters, and increases yet more. There is one who withholds more than is appropriate, but gains poverty.
Moto oyo akabaka na motema malamu azwaka mingi koleka, mpe moto oyo abombaka kaka akomaka mobola.
25 The liberal soul shall be made fat. He who waters shall be watered also himself.
Moto oyo akabaka akokoma na bomengo; mpe moto oyo apesaka bato mosusu mayi, ye mpe bakopesa ye mayi.
26 People curse someone who withholds grain, but blessing will be on the head of him who sells it.
Moto oyo abombaka ble, bato bakolakela ye mabe; kasi lipamboli ezali epai na moto oyo akoteka yango.
27 He who diligently seeks good seeks favour, but he who searches after evil, it shall come to him.
Moto oyo alukaka kosala bolamu akozwa ngolu, kasi pasi ekomelaka moto oyo alukaka kosala mabe.
28 He who trusts in his riches will fall, but the righteous shall flourish as the green leaf.
Moto oyo atiaka elikya na bomengo na ye akokweya, kasi bayengebene bakozala kitoko lokola makasa ya sika.
29 He who troubles his own house shall inherit the wind. The foolish shall be servant to the wise of heart.
Moto oyo akotisaka mobulu kati na ndako na ye akozwa mopepe lokola libula, mpe moto oyo azangi mayele akokoma mowumbu ya moto ya bwanya.
30 The fruit of the righteous is a tree of life. He who is wise wins souls.
Mbuma ya moto ya sembo ezali nzete ya bomoi, mpe moto ya bwanya abengaka bato pene na ye.
31 Behold, the righteous shall be repaid in the earth, how much more the wicked and the sinner!
Soki moto ya sembo azwaka litomba na ye awa na mokili, ekozala boni mpo na moto mabe mpe mosumuki?
