Psalms 54

1 To the chief Musician on Neginoth, Maschil, A Psalm of David, when the Ziphims came and said to Saul, Doth not David hide himself with us? Save me, O God, by thy name, and judge me by thy strength.

Thaburi ya Daudi Wee Ngai, honokia nĩ ũndũ wa rĩĩtwa rĩaku; ndĩhĩria na hinya waku.

2 Hear my prayer, O God; give ear to the words of my mouth.

Wee Ngai, igua ihooya rĩakwa; thikĩrĩria ciugo cia kanua gakwa.

3 For strangers have risen up against me, and oppressors seek after my soul: they have not set God before them. (Selah)

Andũ ageni nĩmanjũkĩrĩire; nao andũ matarĩ tha nĩmaracaria muoyo wakwa, o andũ acio matarũmbũyagia Ngai.

4 Behold, God is my helper: the Lord is with them that uphold my soul.

Ti-itherũ Ngai nĩwe ũteithio wakwa; Mwathani nĩwe ũndiiragĩrĩra.

5 He shall reward evil to my enemies: cut them off in thy truth.

Cookereria andũ arĩa manjambagia ũũru wao; Wee maniine nĩ ũndũ wa wĩhokeku waku.

6 I will freely sacrifice to thee: I will praise thy name, O LORD; for it is good.

Nĩngũkũrutĩra igongona rĩa kwĩyendera; nĩngũgooca rĩĩtwa rĩaku, Wee Jehova, tondũ nĩ rĩega.

7 For he hath delivered me out of all trouble: and my eye hath seen its desire upon my enemies.

Nĩgũkorwo nĩahonoketie mathĩĩna-inĩ makwa mothe, na maitho makwa nĩmeyoneire gũtoorio gwa thũ ciakwa.