1 Thessalonians 5
1 But of the times and the seasons, brethren, ye have no need that I write to you.
Ahi tazong suapui te awng, hun le khuahun thu te note tung ah lai taw kong at tu ki sam ngawl hi.
2 For yourselves know perfectly that the day of the Lord so cometh as a thief in the night.
Banghangziam cile zan in nguta hongpai bang in, Topa ni zong tabang hi tu hi, ci sia noma mama in a kicingtak in na he uh hi.
3 For when they shall say, Peace and safety; then sudden destruction cometh upon them, as travail upon a woman with child; and they shall not escape.
Banghangziam cile naupai nupi nautun nat bang in; amate in nuam in thim khipkhep hi, a ci uh laitak in amate tung ah upmawk ngawl pi in hong theng tu hi; taciang amate suakta ngawl tu hi.
4 But ye, brethren, are not in darkness, that that day should overtake you as a thief.
Ahihang, suapui te awng, tua ni ciang nguta bang hong phak pak tu in, note khuazing sung ah na om bua uh hi.
5 Ye are all children of light, and children of the day: we are not of the night, nor of darkness.
Note theampo sia khuavak tate na hi uh hi, taciang sun i tate na hi uh hi: eite sia zan i tate i hi bua hi, khuazing tate zong i hi bua hi.
6 Therefore let us not sleep, as do others; but let us watch and be sober minded.
Tua ahikom ngualdang te mut bang in, mu ba tawng; eite kinging le pilvang in ngak tawng.
7 For they that sleep sleep in the night; and they that get drunk are drunk in the night.
Banghangziam cile a mu te sia zan lai in mu uh hi; taciang zukham te zong zan ciang in kham uh hi.
8 But let us, who are of the day, be sober, putting on the breastplate of faith and love; and for an helmet, the hope of salvation.
Ahihang sun i ta eite, pilvang in om tawng, upna le itna awmdal bel tawng; taciang lukhu atu in ngupna i lametna khu tawng.
9 For God hath not appointed us to wrath, but to obtain salvation by our Lord Jesus Christ,
Banghangziam cile Pathian in thin-ukna atu in a ciangtan te i hi bua hi, ahihang i Topa Jesus Christ tungtawn in ngupna nga tu in hong ciangtan sa te i hihi.
10 Who died for us, that, whether we wake or sleep, we should live together with him.
Eite i khanglo zong, i mu zong, eite atu in a thi Ama taw i nungta khawm tu hi.
11 Therefore comfort yourselves together, and edify one another, even as also ye do.
Tua ahikom, tu in na ngamtat uh bangma in, noma le noma ki heneam tavun, taciang khat le khat ki khangsak tavun.
12 And we beseech you, brethren, to know them who labour among you, and are over you in the Lord, and admonish you;
Suapui te awng, note sung ah naseam te, Topa sung ah na lampui uh te le note hong tek te zakta tu in kong thum uh hi;
13 And to esteem them very highly in love for their work’s sake. And be at peace among yourselves.
Taciang amate nasep hu in itna sung ah a sang mama in ngaisun tavun. Taciang note sung ah thinnopna hong om tahen.
14 Now we exhort you, brethren, warn them that are unruly, encourage the fainthearted, support the weak, be patient toward all men.
Tu in, suapui te awng, thu ni ngawl datham te kidop natu thupia vun, a thaneam te hu vun, mi theampo tung ah thinsau vun, ci in kong hanthawn uh hi.
15 See that none render evil for evil to any man; but ever follow that which is good, both among yourselves, and to all men.
Khat po i tung ah na pha ngawl te na pha ngawl tawma in thukkik ngawl tu in kidawm vun; ahihang note sung ah ahizong, mi theampo tung ah ahizong, thu pha te zui tawntung vun.
16 Rejoice evermore.
Lungdam tawntung vun.
17 Pray without ceasing.
Tatsat ngawl in thungen vun.
18 In every thing give thanks: for this is the will of God in Christ Jesus concerning you.
Na theampo ah lungdam ko vun: banghangziam cile hi sia in note taw kisai in Christ Jesus sung ah Pathian deina a hihi.
19 Quench not the Spirit.
Thaa mei-kuang mitsak heak vun.
20 Despise not prophesyings.
Kamsang thu pualak nate thusimngawl heak vun.
21 Examine all things; hold fast that which is good.
Na theampo sittel vun; na pha te khotak in lenkip vun.
22 Abstain from all appearance of evil.
A pha ngawl in a kilang na theampo pial vun.
23 And the very God of peace sanctify you wholly; and I pray God your whole spirit and soul and body may be preserved blameless to the coming of our Lord Jesus Christ.
Taciang thinnopna Pathian in hong thiansua thiangtho ta hen; taciang note i thaa, na nuntakna uh le na pumpi uh sia, i Topa Jesus Christ hong thet dong, paubang ngawl in na kepcing natu uh Pathian tung ah thungen tawng.
24 Faithful is he that calleth you, who also will do it.
Note hongsam pa sia thuman a, Ama in hong seam tu hi.
25 Brethren, pray for us.
Suapui te awng, thu hong ngetsak tavun.
26 Greet all the brethren with an holy kiss.
Suapui te theampo sia a thiangtho kinap na taw na nukset vun.
27 I charge you by the Lord that this epistle be read to all the holy brethren.
Hi laithak sia a thiangtho suapui theampo tung ah sim tu in Topa min taw kong vaitha hi.
28 The grace of our Lord Jesus Christ be with you. Amen. The first epistle to the Thessalonians was written from Athens.
I Topa Jesus Christ thuthiamna note tung ah hong om tahen. Amen.
