Psalms 56

1 Be merciful unto me, O God: for man would swallow me up; he fighting daily oppresses me.

Pou chèf sanba yo. Se pou yo chante sou lè chante ki di: Pijon ki sou pye terebent byen lwen yo. Se yon chante David te ekri lè moun Filisti yo te mete men sou li nan lavil Gat. Bondye papa mwen! Gen pitye pou mwen, paske mwen gen anpil moun k'ap pousib mwen. Tout lajounen y'ap fè m' lagè, y'ap toumante mwen.

2 Mine enemies would daily swallow me up: for they be many that fight against me, O you most High.

Tout lajounen lènmi m' yo ap pousib mwen. Se pa ti anpil yo anpil, moun k'ap fè m' lagè yo.

3 What time I am afraid, I will trust in you.

Bondye ki anwo nan syèl la, lè mwen pè, se nan ou mwen mete tout konfyans mwen.

4 In God I will praise his word, in God I have put my trust; I will not fear what flesh can do unto me.

Mwen gen konfyans nan Bondye. M'ap fè lwanj pawòl li. Mwen pa pè anyen. Kisa lèzòm ka fè m'?

5 Every day they shift my words: all their thoughts are against me for evil.

Tout lajounen y'ap manke m' dega. Se yon sèl lide yo gen nan tèt yo: se fè mwen mal!

6 They gather themselves together, they hide themselves, they mark my steps, when they wait for my soul.

Yo mete tèt yo ansanm, yo kache kò yo, y'ap veye tout vire tounen mwen. Y'ap tann okazyon konsa pou yo touye m'.

7 Shall they escape by iniquity? in your anger cast down the people, O God.

Pa gen sove pou yo, paske yo fè twòp. Lè ou an kòlè, Bondye, fè pèp yo vin ba devan ou.

8 You tell my wanderings: put you my tears into your bottle: are they not in your book?

Ou konnen tout kouri kache mwen yo. Ou konnen jan dlo koule nan je m'. Eske tout sa pa ekri nan liv ou a?

9 When I cry unto you, then shall mine enemies turn back: this I know; for God is for me.

Se poutèt sa lènmi m' yo gen pou kouri ale lè m' rele ou. Mwen konnen Bondye pou mwen.

10 In God will I praise his word: in the LORD will I praise his word.

M'ap fè lwanj pawòl Bondye. Wi, m'ap fè lwanj pawòl Seyè a.

11 In God have I put my trust: I will not be afraid what man can do unto me.

Mwen gen konfyans nan Bondye, mwen pa pè anyen. Kisa lèzòm ka fè mwen?

12 Your vows are upon me, O God: I will render praises unto you.

O Bondye, m'ap ofri ou sa mwen te pwomèt ou yo, m'ap ofri bèt pou yo touye pou ou pou m' di ou mèsi.

13 For you have delivered my soul from death: will not you deliver my feet from falling, that I may walk before God in the light of the living?

Paske ou pa kite m' mouri, ou pa kite m' bite, pou m' kapab mache devan ou nan mitan bèl limyè k'ap klere moun k'ap viv pou ou yo.