Luka 10
1 Bangʼ mano, Ruoth noyiero ji piero abiriyo gariyo mamoko, kendo noorogi ariyo, ariyo mondo otel nyime e mier duto kod kamoro amora mane obiro dhiyoe.
这事以后，主又设立七十个人，差遣他们两个两个地在他前面，往自己所要到的各城各地方去，
2 Nowachonegi niya, “Cham ochiek mathoth, to jotich nok kuom mano kwauru Ruodh keyo mondo oor jotich odhi e puothe mar keyo.
就对他们说：“要收的庄稼多，做工的人少。所以，你们当求庄稼的主打发工人出去收他的庄稼。
3 Dhiuru! Aorou mondo udhi mana kaka rombe e dier ondiegi.
你们去吧！我差你们出去，如同羊羔进入狼群。
4 Kik utingʼ ofuku mar pesa, kata ofuku mar wuoth, kata mana opato, kendo kik umos ngʼato e yo.
不要带钱囊，不要带口袋，不要带鞋；在路上也不要问人的安。
5 “Ka udonjo e ot to wachuru mokwongo ni, ‘Kwe obedi e odni.’
无论进哪一家，先要说：‘愿这一家平安。’
6 Ka ngʼat kwe ni kanyo to kwe maru nobed kuome; to ka ok kamano, to kweuno noduognu.
那里若有当得平安的人，你们所求的平安就必临到那家；不然，就归与你们了。
7 Beduru e odno, ka uchamo kendo umadho gimoro amora ma gimiyou, nimar jatich owinjore gi pokne. Kik uwuothi ka ua e ot ka ot.
你们要住在那家，吃喝他们所供给的，因为工人得工价是应当的；不要从这家搬到那家。
8 “Ka udonjo e dala mi orwaku to chamuru gino ma oket e nyimu.
无论进哪一城，人若接待你们，给你们摆上什么，你们就吃什么。
9 Changuru joma tuo man kanyo kendo wachnegiuru ni, ‘Pinyruoth Nyasaye osekayo machiegni kodu.’
要医治那城里的病人，对他们说：‘神的国临近你们了。’
10 To ka udonjo e dala moro to ok orwaku, dhiuru e akek yore kendo uwach niya,
无论进哪一城，人若不接待你们，你们就到街上去，
11 ‘Kata mana buch dalau momoko e tiendewa watengʼo oko. To beduru kungʼeyo maler ni: Pinyruoth Nyasaye osekayo machiegni.’
说：‘就是你们城里的尘土黏在我们的脚上，我们也当着你们擦去。虽然如此，你们该知道 神的国临近了。’
12 Awachonu ni nobed maber-ber ne Sodom maloyo dalano.
我告诉你们，当审判的日子，所多玛所受的，比那城还容易受呢！”
13 “Mano kaka unune malit un jo-Korazin! Mano kaka unune malit un jo-Bethsaida! Nimar ka dine honni motimnugi dinetim ne Turo gi Sidon to dine giseweyo richo chon ka girwakore gi lep gugru, kendo gibet ka gibukore gi buru.
“哥拉汛哪，你有祸了！伯赛大啊，你有祸了！因为在你们中间所行的异能若行在泰尔、西顿，他们早已披麻蒙灰，坐在地上悔改了。
14 To enobed maber-ber ne Turo gi Sidon e ndalo mar ngʼado bura moloyo ne un.
当审判的日子，泰尔、西顿所受的，比你们还容易受呢！
15 To in Kapernaum bende ibiro tingʼori malo nyaka polo koso? Ooyo, ibiro lwar piny nyaka piny joma otho. (Hadēs g86)
迦百农啊，你已经升到天上，将来必推下阴间。” (Hadēs g86)
16 “Ngʼat ma winjou, winja, ngʼat modagiu odaga, kendo ngʼat modaga odagi jal ma noora.”
又对门徒说：“听从你们的就是听从我；弃绝你们的就是弃绝我；弃绝我的就是弃绝那差我来的。”
17 Ji piero abiriyogo noduogo kod ilo mi giwacho niya, “Ruoth, nyaka jochiende bende winjowa ka wagologi e nyingi.”
那七十个人欢欢喜喜地回来，说：“主啊！因你的名，就是鬼也服了我们。”
18 Nodwoko niya, “Ne aneno Satan kalor aa e polo mana ka mil polo.
耶稣对他们说：“我曾看见撒但从天上坠落，像闪电一样。
19 Asemiyou loch mondo unyon thuonde gi thomoni kendo uloo teko duto mag jasigu bende onge gima nohinyu.
我已经给你们权柄可以践踏蛇和蝎子，又胜过仇敌一切的能力，断没有什么能害你们。
20 To kik ubed moil ni jochiende winjou, to beduru moil ni nyingu ondiki e polo.”
然而，不要因鬼服了你们就欢喜，要因你们的名记录在天上欢喜。”
21 E sechego ka Roho Maler nomiyo Yesu opongʼ gi ilo, nowacho niya, “Apakoi, Wuonwa, Ruodh polo gi piny, nikech isepando gigi ne joma riek gi joma osomo, to isefwenyogi ne nyithindo matindo. Ee, Wuora, nimar mano ema ne berni kotimore.
正当那时，耶稣被圣灵感动就欢乐，说：“父啊，天地的主，我感谢你！因为你将这些事向聪明通达人就藏起来，向婴孩就显出来。父啊！是的，因为你的美意本是如此。
22 “Wuonwa oseketo gik moko duto e lweta. To onge ngʼama ongʼeyo Wuowi makmana Wuoro kende, bende onge ngʼama ongʼeyo Wuoro makmana Wuowi kaachiel gi joma Wuowi oyiero mondo ofwenynegi.”
一切所有的都是我父交付我的；除了父，没有人知道子是谁；除了子和子所愿意指示的，没有人知道父是谁。”
23 Eka nolokore ir jopuonjrene kendo nowachonegi kar kendgi niya, “Ogwedh wenge maneno gik munenogi.
耶稣转身暗暗地对门徒说：“看见你们所看见的，那眼睛就有福了。
24 Nimar awachonu ni jonabi kod ruodhi mangʼeny ne gombo neno gik munenogi, to ne ok gineno kendo winjo gik muwinjogi, to ne ok giwinjo.”
我告诉你们，从前有许多先知和君王要看你们所看的，却没有看见，要听你们所听的，却没有听见。”
25 Chiengʼ moro achiel, ngʼat moro molony e chik nochungʼ mondo otem Yesu, nopenjo niya, “Japuonj, en angʼo monego atim eka ayud ngima mochwere kaka girkeni mara?” (aiōnios g166)
有一个律法师起来试探耶稣， 说：“夫子！我该做什么才可以承受永生？” (aiōnios g166)
26 Nodwoko niya, “Angʼo mondiki e chik? Isome nade?”
耶稣对他说：“律法上写的是什么？你念的是怎样呢？”
27 Nomedo dwoke niya, “‘Her Jehova Nyasaye ma Nyasachi gi chunyi duto gi paroni duto, gi tekoni duto kendo gi riekoni duto;’ kendo ni, ‘Her wadu kaka iherori iwuon.’”
他回答说：“你要尽心、尽性、尽力、尽意爱主—你的 神；又要爱邻舍如同自己。”
28 Yesu nodwoke niya, “Isedwoko kare, tim kamano, eka inibed mangima.”
耶稣说：“你回答的是；你这样行，就必得永生。”
29 To kaka nodwaro mondo onenre ngʼat mariek, nomedo penjo Yesu niya, “Nyawadwa to en ngʼa?”
那人要显明自己有理，就对耶稣说：“谁是我的邻舍呢？”
30 Yesu nodwoke niya, “Ngʼat moro ne wuotho koa Jerusalem ka oridore Jeriko, kendo nopo kopodho e lwet jomecho. Ne gilonyo lepe, gigoye, kendo giweye kochiegni tho.
耶稣回答说：“有一个人从耶路撒冷下耶利哥去，落在强盗手中。他们剥去他的衣裳，把他打个半死，就丢下他走了。
31 To noyudo jadolo moro wuotho koluwo, yorno, to kane oneno ngʼatno, nobaro moluwo bath yo komachielo.
偶然有一个祭司从这条路下来，看见他就从那边过去了。
32 Kamano bende, ja-Lawi moro kane ochopo kanyo monene nokadho gi komachielo.
又有一个利未人来到这地方，看见他，也照样从那边过去了。
33 To ja-Samaria moro mane dhi wuoth nochopo kama ne ngʼatno nitie, kendo ka nonene, nokeche.
惟有一个撒马利亚人行路来到那里，看见他就动了慈心，
34 Nodhi ire motweyo adhondene kooloe mo kod divai. Eka noketo ngʼatno e ngʼe pundane owuon kendo notere e od bworo kendo norite maber.
上前用油和酒倒在他的伤处，包裹好了，扶他骑上自己的牲口，带到店里去照应他。
35 Kinyne nogolo pesa mamingli mag fedha ariyo nomiyo jarit odno. Nowachone ni, ‘Rite to ka aduogo abiro chuli nengo ma imedo ritego!’
第二天拿出二钱银子来，交给店主，说：‘你且照应他；此外所费用的，我回来必还你。’
36 “Kuom ji adekgi ere miparo ni ne en wadgi ngʼat mane opodho e lwet jomechogo?”
你想，这三个人哪一个是落在强盗手中的邻舍呢？”
37 Ngʼat molony gi chik nodwoko niya, “En ngʼat mane okeche.” Eka Yesu nowachone niya, “Dhi kendo itim kamano.”
他说：“是怜悯他的。”耶稣说：“你去照样行吧。”
38 Kane oyudo Yesu gi jopuonjrene ni e yo, nochopo gwengʼ kama dhako miluongo ni Maritha norwake e ode.
他们走路的时候，耶稣进了一个村庄。有一个女人，名叫马大，接他到自己家里。
39 Ne en gi nyamin mane iluongo ni Maria, mane obet piny, e tiend Ruoth kowinjo gima owacho.
她有一个妹子，名叫马利亚，在耶稣脚前坐着听他的道。
40 To Maritha nodich gi tich mangʼeny mane nyaka tim. Nodhi ire mopenjo niya, “Ruoth, ok idewo ni nyaminwa oweya atiyo mana kenda nyise mondo okonya!”
马大伺候的事多，心里忙乱，就进前来，说：“主啊，我的妹子留下我一个人伺候，你不在意吗？请吩咐她来帮助我。”
41 Ruoth nodwoke niya, “Maritha, Maritha, iparori kendo ithagori kuom gik mangʼeny kayiem,
耶稣回答说：“马大！马大！你为许多的事思虑烦扰，
42 to gimoro achiel kende ema dwarore. Maria oseyiero gima ber moloyo kendo ok nomaye ngangʼ.”
但是不可少的只有一件；马利亚已经选择那上好的福分，是不能夺去的。”
