耶利米書 12
1 耶和華啊，我與你爭辯的時候， 你顯為義； 但有一件，我還要與你理論： 惡人的道路為何亨通呢？ 大行詭詐的為何得安逸呢？
Vo Pakai, adih’a thutan nangbou nahi. Hijeh chun, nakom’a kakiphinna thu sei-inge. Ipi dinga migiloute khangtou tou’uva, Chule joule nal a thilbol ho phatou touvu ham?
2 你栽培了他們， 他們也扎了根， 長大，而且結果。 他們的口是與你相近， 心卻與你遠離。
Nangin amaho naphut det in; Hijeh chun amahon ajung akho det un, chule akhang theiuve. Akam seh in namin apha jingun; Ahivangin, alungthim u nang’a konin agamla lheh e.
3 耶和華啊，你曉得我，看見我， 察驗我向你是怎樣的心。 求你將他們拉出來， 好像將宰的羊， 叫他們等候殺戮的日子。
Hijongle, Vo Pakai nangman kei lungthim nahet ahi. Nangman keima neimuchen in, ka lunggel jong nei patep e. Amaho vang thadinga kikai kelngoi bang in, abonchauvin kaimang soh in, thadin gotsa koidoh jeng in.
4 這地悲哀， 通國的青草枯乾，要到幾時呢？ 因其上居民的惡行， 牲畜和飛鳥都滅絕了。 他們曾說：他看不見我們的結局。
Itihchan gamsung hi lunghem’a umding ham? Gamsung mite gitlou jeh in, gamsa ho leh vachate jong gamsunga kon in akithehmang sohtauve. Amahon hiti jong hin aseiuve, “Eihon ipi boljong leuhen, Pakaiyin bon muphalou” atiuve.
5 耶和華說：你若與步行的人同跑， 尚且覺累， 怎能與馬賽跑呢？ 你在平安之地，雖然安穩， 在約旦河邊的叢林要怎樣行呢？
Nangma mitoh nakenga nakilheitet’a bon nachol leh, nangman sakol iti na lheitet jou ding ham? Chule nangma chu, gamnom lai le a-ong laiya nakiselhuh theileh, Jordan vadung panga, gamnoiya iti nadin jou ding ham?
6 因為連你弟兄和你父家都用奸詐待你。 他們也在你後邊大聲喊叫， 雖向你說好話， 你也不要信他們。
Ajeh chu nasopite leh nang insung mite jong nangma douva pang ahiuve. Amahon nang dounan kiphinna thu aseiyun, thading jeng injong agel uve. Hijeh chun, amahon thu ngeitah tah seijongleu, tahsan hih beh in.
7 我離了我的殿宇， 撇棄我的產業， 將我心裏所親愛的交在她仇敵的手中。
Keiman ka goulo ding kamite ka dalhah’a, amaho chu donlouva kakoi ahitai. Keiman ka-ittah kamite chu, amelmateu khut a kapehdoh ahitai.
8 我的產業向我如林中的獅子， 她發聲攻擊我， 因此我恨惡她。
Kalhentum kamiten eidouvun, gammang noiya keipi kisen bangin eikisenkhum’un: Hijeh chun, amahohi keiman kahot lheh jeng e.
9 我的產業向我豈如斑點的鷙鳥呢？ 鷙鳥豈在她四圍攻擊她呢？ 你們要去聚集田野的百獸， 帶來吞吃吧！
Ka lhentum kamiten, muthong ho umchan athouve. Ahinla muthonghon amaho joh aumkimvel’u ahitai. Amaho negam dingle nengim dingin gamsa ho gakoukhomun.
10 許多牧人毀壞我的葡萄園， 踐踏我的分， 使我美好的分變為荒涼的曠野。
Gamdang vaipohon ka lengpilei asuseuvin, kaloulai jouse jong akeng in achilthang tauve. Ka-ittah ka gamsung abon'in gamkeo leh nelgam asosahtauvin ahi.
11 他們使地荒涼； 地既荒涼，便向我悲哀。 全地荒涼，因無人介意。
Amahon gamsung pumpi ahomkeo leh pannabeiyin akoiyun, ahomkeova aumphat un, akanau ogin kajan, ahinla koiman gelkhoh in aneipoi.
12 滅命的都來到曠野中一切淨光的高處； 耶和華的刀從地這邊直到地那邊盡行殺滅。 凡有血氣的都不得平安。
Molchung achailah ho jousea, amaho sumang ding galmi ho ahung kitollut tauve. Pakai chemjam chun, leiset ninglang khat a pat a langkhat geiya, namtin vaipi chu a bahgamtai. Koimacha asohcha umlou ding ahi.
13 他們種的是麥子， 收的是荊棘； 勞勞苦苦卻毫無益處。 因耶和華的烈怒， 你們必為自己的土產羞愧。
Kamiten suhlou chang atu-uvin, ahinlah ling le khao jeng a-atkhomui. Amahon choltah in na atongun, ahivangin imacha aphatchompi pouve. Amahon alho-lhun u ajumpi dingu, ajeh chu, Pakai lungsatna chu achung'uva chu ahitai.
14 耶和華如此說：「一切惡鄰，就是佔據我使百姓以色列所承受產業的，我要將他們拔出本地，又要將猶大家從他們中間拔出來。
Pakaiyin hitin aseiye, “Keiman kami Israelte kapehsa gamsung sumanga, Israel heng le kom, nam gilou ho chu, gamsung’a kon’a thingphung ajung geiuva kibotdoh bang’a kabodoh ding ahi. Chuleh alah uva kon’a keiman Judah chu kaloidoh ding ahi.
15 我拔出他們以後，我必轉過來憐憫他們，把他們再帶回來，各歸本業，各歸故土。
Chutahle keiman amaho chunga lainatna kaneikit ding, Amitakip chu ama ama goulo mun leh ama ama gamsung cheh’a kahin le puilut kitding ahi.
16 他們若殷勤學習我百姓的道，指着我的名起誓說：『我指着永生的耶和華起誓』，正如他們從前教我百姓指着巴力起誓，他們就必建立在我百姓中間。
Chule hitiding ahi, hiche mite hin, kamite jal’a kihilna thah aneiyuva, keima minpan’a ‘Hingjing Pakaiyin’ tia akihahsel theiuva, keima eihouvu leh, amahon kamite lah’a mun aneithei dingu chule khangtou diu ahi.
17 他們若是不聽，我必拔出那國，拔出而且毀滅。這是耶和華說的。」
Amavang koihileh, nam khattouvin ka thusei angailouleh, amaho chu thingphung kibodoh banga kabodoh a, kasuhmang ding ahi, kei Pakaiyin kasei ahi,” ati.
