箴言 29

1 人屡次受责罚，仍然硬着颈项； 他必顷刻败坏，无法可治。

אִישׁ תּוֹכָחוֹת מַקְשֶׁה־עֹרֶף פֶּתַע יִשָּׁבֵר וְאֵין מַרְפֵּֽא׃

2 义人增多，民就喜乐； 恶人掌权，民就叹息。

בִּרְבוֹת צַדִּיקִים יִשְׂמַח הָעָם וּבִמְשֹׁל רָשָׁע יֵאָנַֽח עָֽם׃

3 爱慕智慧的，使父亲喜乐； 与妓女结交的，却浪费钱财。

אִֽישׁ־אֹהֵב חָכְמָה יְשַׂמַּח אָבִיו וְרֹעֶה זוֹנוֹת יְאַבֶּד־הֽוֹן׃

4 王借公平，使国坚定； 索要贿赂，使国倾败。

מֶלֶךְ בְּמִשְׁפָּט יַעֲמִיד אָרֶץ וְאִישׁ תְּרוּמוֹת יֶֽהֶרְסֶֽנָּה׃

5 谄媚邻舍的， 就是设网罗绊他的脚。

גֶּבֶר מַחֲלִיק עַל־רֵעֵהוּ רֶשֶׁת פּוֹרֵשׂ עַל־פְּעָמָֽיו׃

6 恶人犯罪，自陷网罗； 惟独义人欢呼喜乐。

בְּפֶשַֽׁע אִישׁ רָע מוֹקֵשׁ וְצַדִּיק יָרוּן וְשָׂמֵֽחַ׃

7 义人知道查明穷人的案； 恶人没有聪明，就不得而知。

יֹדֵעַ צַדִּיק דִּין דַּלִּים רָשָׁע לֹא־יָבִין דָּֽעַת׃

8 亵慢人煽惑通城； 智慧人止息众怒。

אַנְשֵׁי לָצוֹן יָפִיחוּ קִרְיָה וַחֲכָמִים יָשִׁיבוּ אָֽף׃

9 智慧人与愚妄人相争， 或怒或笑，总不能使他止息。

אִֽישׁ־חָכָם נִשְׁפָּט אֶת־אִישׁ אֱוִיל וְרָגַז וְשָׂחַק וְאֵין נָֽחַת׃

10 好流人血的，恨恶完全人， 索取正直人的性命。

אַנְשֵׁי דָמִים יִשְׂנְאוּ־תָם וִֽישָׁרִים יְבַקְשׁוּ נַפְשֽׁוֹ׃

11 愚妄人怒气全发； 智慧人忍气含怒。

כָּל־רוּחוֹ יוֹצִיא כְסִיל וְחָכָם בְּאָחוֹר יְשַׁבְּחֶֽנָּה׃

12 君王若听谎言， 他一切臣仆都是奸恶。

מֹשֵׁל מַקְשִׁיב עַל־דְּבַר־שָׁקֶר כָּֽל־מְשָׁרְתָיו רְשָׁעִֽים׃

13 贫穷人、强暴人在世相遇； 他们的眼目都蒙耶和华光照。

רָשׁ וְאִישׁ תְּכָכִים נִפְגָּשׁוּ מֵאִיר־עֵינֵי שְׁנֵיהֶם יְהוֽ͏ָה׃

14 君王凭诚实判断穷人； 他的国位必永远坚立。

מֶלֶךְ שׁוֹפֵט בֶּֽאֱמֶת דַּלִּים כִּסְאוֹ לָעַד יִכּֽוֹן׃

15 杖打和责备能加增智慧； 放纵的儿子使母亲羞愧。

שֵׁבֶט וְתוֹכַחַת יִתֵּן חָכְמָה וְנַעַר מְשֻׁלָּח מֵבִישׁ אִמּֽוֹ׃

16 恶人加多，过犯也加多， 义人必看见他们跌倒。

בִּרְבוֹת רְשָׁעִים יִרְבֶּה־פָּשַׁע וְצַדִּיקִים בְּֽמַפַּלְתָּם יִרְאֽוּ׃

17 管教你的儿子，他就使你得安息， 也必使你心里喜乐。

יַסֵּר בִּנְךָ וִֽינִיחֶךָ וְיִתֵּן מַעֲדַנִּים לְנַפְשֶֽׁךָ׃

18 没有异象，民就放肆； 惟遵守律法的，便为有福。

בְּאֵין חָזוֹן יִפָּרַֽע עָם וְשֹׁמֵר תּוֹרָה אַשְׁרֵֽהוּ׃

19 只用言语，仆人不肯受管教； 他虽然明白，也不留意。

בִּדְבָרִים לֹא־יִוָּסֶר עָבֶד כִּֽי־יָבִין וְאֵין מַעֲנֶֽה׃

20 你见言语急躁的人吗？ 愚昧人比他更有指望。

חָזִיתָ אִישׁ אָץ בִּדְבָרָיו תִּקְוָה לִכְסִיל מִמֶּֽנּוּ׃

21 人将仆人从小娇养， 这仆人终久必成了他的儿子。

מְפַנֵּק מִנֹּעַר עַבְדּוֹ וְאַחֲרִיתוֹ יִהְיֶה מָנֽוֹן׃

22 好气的人挑启争端； 暴怒的人多多犯罪。

אִֽישׁ־אַף יְגָרֶה מָדוֹן וּבַעַל חֵמָה רַב־פָּֽשַׁע׃

23 人的高傲必使他卑下； 心里谦逊的，必得尊荣。

גַּאֲוַת אָדָם תַּשְׁפִּילֶנּוּ וּשְׁפַל־רוּחַ יִתְמֹךְ כָּבֽוֹד׃

24 人与盗贼分赃，是恨恶自己的性命； 他听见叫人发誓的声音，却不言语。

חוֹלֵק עִם־גַּנָּב שׂוֹנֵא נַפְשׁוֹ אָלָה יִשְׁמַע וְלֹא יַגִּֽיד׃

25 惧怕人的，陷入网罗； 惟有倚靠耶和华的，必得安稳。

חֶרְדַּת אָדָם יִתֵּן מוֹקֵשׁ וּבוֹטֵחַ בַּיהוָה יְשֻׂגָּֽב׃

26 求王恩的人多； 定人事乃在耶和华。

רַבִּים מְבַקְשִׁים פְּנֵי־מוֹשֵׁל וּמֵיְהוָה מִשְׁפַּט־אִֽישׁ׃

27 为非作歹的，被义人憎嫌； 行事正直的，被恶人憎恶。

תּוֹעֲבַת צַדִּיקִים אִישׁ עָוֶל וְתוֹעֲבַת רָשָׁע יְשַׁר־דָּֽרֶךְ׃