箴言 10

1 所罗门的箴言： 智慧之子使父亲欢乐； 愚昧之子叫母亲担忧。

מִשְׁלֵי שְׁלֹמֹה בֵּן חָכָם יְשַׂמַּח־אָב וּבֵן כְּסִיל תּוּגַת אִמּֽוֹ׃

2 不义之财毫无益处； 惟有公义能救人脱离死亡。

לֹא־יוֹעִילוּ אוֹצְרוֹת רֶשַׁע וּצְדָקָה תַּצִּיל מִמָּֽוֶת׃

3 耶和华不使义人受饥饿； 恶人所欲的，他必推开。

לֹֽא־יַרְעִיב יְהוָה נֶפֶשׁ צַדִּיק וְהַוַּת רְשָׁעִים יֶהְדֹּֽף׃

4 手懒的，要受贫穷； 手勤的，却要富足。

רָאשׁ עֹשֶׂה כַף־רְמִיָּה וְיַד חָרוּצִים תַּעֲשִֽׁיר׃

5 夏天聚敛的，是智慧之子； 收割时沉睡的，是贻羞之子。

אֹגֵר בַּקַּיִץ בֵּן מַשְׂכִּיל נִרְדָּם בַּקָּצִיר בֵּן מֵבִֽישׁ׃

6 福祉临到义人的头； 强暴蒙蔽恶人的口。

בְּרָכוֹת לְרֹאשׁ צַדִּיק וּפִי רְשָׁעִים יְכַסֶּה חָמָֽס׃

7 义人的纪念被称赞； 恶人的名字必朽烂。

זֵכֶר צַדִּיק לִבְרָכָה וְשֵׁם רְשָׁעִים יִרְקָֽב׃

8 心中智慧的，必受命令； 口里愚妄的，必致倾倒。

חֲכַם־לֵב יִקַּח מִצְוֺת וֶאֱוִיל שְׂפָתַיִם יִלָּבֵֽט׃

9 行正直路的，步步安稳； 走弯曲道的，必致败露。

הוֹלֵךְ בַּתֹּם יֵלֶךְ בֶּטַח וּמְעַקֵּשׁ דְּרָכָיו יִוָּדֵֽעַ׃

10 以眼传神的，使人忧患； 口里愚妄的，必致倾倒。

קֹרֵֽץ עַיִן יִתֵּן עַצָּבֶת וֶאֱוִיל שְׂפָתַיִם יִלָּבֵֽט׃

11 义人的口是生命的泉源； 强暴蒙蔽恶人的口。

מְקוֹר חַיִּים פִּי צַדִּיק וּפִי רְשָׁעִים יְכַסֶּה חָמָֽס׃

12 恨能挑启争端； 爱能遮掩一切过错。

שִׂנְאָה תְּעוֹרֵר מְדָנִים וְעַל כָּל־פְּשָׁעִים תְּכַסֶּה אַהֲבָֽה׃

13 明哲人嘴里有智慧； 无知人背上受刑杖。

בְּשִׂפְתֵי נָבוֹן תִּמָּצֵא חָכְמָה וְשֵׁבֶט לְגֵו חֲסַר־לֵֽב׃

14 智慧人积存知识； 愚妄人的口速致败坏。

חֲכָמִים יִצְפְּנוּ־דָעַת וּפִֽי־אֱוִיל מְחִתָּה קְרֹבָֽה׃

15 富户的财物是他的坚城； 穷人的贫乏是他的败坏。

הוֹן עָשִׁיר קִרְיַת עֻזּוֹ מְחִתַּת דַּלִּים רֵישָֽׁם׃

16 义人的勤劳致生； 恶人的进项致死。

פְּעֻלַּת צַדִּיק לְחַיִּים תְּבוּאַת רָשָׁע לְחַטָּֽאת׃

17 谨守训诲的，乃在生命的道上； 违弃责备的，便失迷了路。

אֹרַח לְחַיִּים שׁוֹמֵר מוּסָר וְעוֹזֵב תּוֹכַחַת מַתְעֶֽה׃

18 隐藏怨恨的，有说谎的嘴； 口出谗谤的，是愚妄的人。

מְכַסֶּה שִׂנְאָה שִׂפְתֵי־שָׁקֶר וּמוֹצִא דִבָּה הוּא כְסִֽיל׃

19 多言多语难免有过； 禁止嘴唇是有智慧。

בְּרֹב דְּבָרִים לֹא יֶחְדַּל־פָּשַׁע וְחֹשֵׂךְ שְׂפָתָיו מַשְׂכִּֽיל׃

20 义人的舌乃似高银； 恶人的心所值无几。

כֶּסֶף נִבְחָר לְשׁוֹן צַדִּיק לֵב רְשָׁעִים כִּמְעָֽט׃

21 义人的口教养多人； 愚昧人因无知而死亡。

שִׂפְתֵי צַדִּיק יִרְעוּ רַבִּים וֶֽאֱוִילִים בַּחֲסַר־לֵב יָמֽוּתוּ׃

22 耶和华所赐的福使人富足， 并不加上忧虑。

בִּרְכַּת יְהוָה הִיא תַעֲשִׁיר וְלֹֽא־יוֹסִף עֶצֶב עִמָּֽהּ׃

23 愚妄人以行恶为戏耍； 明哲人却以智慧为乐。

כִּשְׂחוֹק לִכְסִיל עֲשׂוֹת זִמָּה וְחָכְמָה לְאִישׁ תְּבוּנָֽה׃

24 恶人所怕的，必临到他； 义人所愿的，必蒙应允。

מְגוֹרַת רָשָׁע הִיא תְבוֹאֶנּוּ וְתַאֲוַת צַדִּיקִים יִתֵּֽן׃

25 暴风一过，恶人归于无有； 义人的根基却是永久。

כַּעֲבוֹר סוּפָה וְאֵין רָשָׁע וְצַדִּיק יְסוֹד עוֹלָֽם׃

26 懒惰人叫差他的人 如醋倒牙，如烟薰目。

כַּחֹמֶץ ׀ לַשִּׁנַּיִם וְכֶעָשָׁן לָעֵינָיִם כֵּן הֶעָצֵל לְשֹׁלְחָֽיו׃

27 敬畏耶和华使人日子加多； 但恶人的年岁必被减少。

יִרְאַת יְהוָה תּוֹסִיף יָמִים וּשְׁנוֹת רְשָׁעִים תִּקְצֹֽרְנָה׃

28 义人的盼望必得喜乐； 恶人的指望必致灭没。

תּוֹחֶלֶת צַדִּיקִים שִׂמְחָה וְתִקְוַת רְשָׁעִים תֹּאבֵֽד׃

29 耶和华的道是正直人的保障， 却成了作孽人的败坏。

מָעוֹז לַתֹּם דֶּרֶךְ יְהוָה וּמְחִתָּה לְפֹעֲלֵי אָֽוֶן׃

30 义人永不挪移； 恶人不得住在地上。

צַדִּיק לְעוֹלָם בַּל־יִמּוֹט וּרְשָׁעִים לֹא יִשְׁכְּנוּ־אָֽרֶץ׃

31 义人的口滋生智慧； 乖谬的舌必被割断。

פִּֽי־צַדִּיק יָנוּב חָכְמָה וּלְשׁוֹן תַּהְפֻּכוֹת תִּכָּרֵֽת׃

32 义人的嘴能令人喜悦； 恶人的口说乖谬的话。

שִׂפְתֵי צַדִּיק יֵדְעוּן רָצוֹן וּפִי רְשָׁעִים תַּהְפֻּכֽוֹת׃