路加福音 4
1 耶稣被圣灵充满，从约旦河回来，圣灵将他引到旷野，
A o Isus, pherdo e Svetone Duhoja, irinđa pe tari len Jordan; i oto Duho inele legardo ki pustinja,
2 四十天受魔鬼的试探。那些日子没有吃什么；日子满了，他就饿了。
kaj inele saranda dive iskušime e bengestar. I na halja ništa adala dive, a kad nakhle adala dive, tegani bokhalilo.
3 魔鬼对他说：“你若是 神的儿子，可以吩咐这块石头变成食物。”
I o beng phenđa lese: “Te injan o Čhavo e Devlesoro, vaćer akale barese te ovel maro.”
4 耶稣回答说：“经上记着说：‘人活着不是单靠食物，乃是靠 神口里所出的一切话。’”
A o Isus phenđa lese: “Pisimei ko Sveto lil: ‘O manuš naka živini samo oto maro.’”
5 魔鬼又领他上了高山，霎时间把天下的万国都指给他看，
I o beng legarđa le ko učo than hem otojekhvar mothovđa lese sa o carstvija e phuvjakere,
6 对他说：“这一切权柄、荣华，我都要给你，因为这原是交付我的，我愿意给谁就给谁。
i phenđa lese: “Tuće ka dav sa akava zoralipe hem i slava olengiri adalese soi maje dindi, i dava la kase me mangava.
7 你若在我面前下拜，这都要归你。”
Adalese, te peljan ko kočija angla mande, sa ka ovel klo.”
8 耶稣说：“经上记着说： 当拜主—你的 神， 单要事奉他。”
I o Isus phenđa lese: “Pisimei ko Sveto lil: ‘Per ko kočija samo e Gospodese, te Devlese, hem samo ole kande!’”
9 魔鬼又领他到耶路撒冷去，叫他站在殿顶上，对他说：“你若是 神的儿子，可以从这里跳下去；
I o beng anđa le ko Jerusalim hem čhivđa le upro najučo than e Hramesoro hem phenđa lese: “Te injan o Čhavo e Devlesoro, frde tut akatar tele!
10 因为经上记着说： 主要为你吩咐他的使者保护你；
Adalese soi pisime: ‘Ka naredini ple anđelenđe te arakhen tut,
11 他们要用手托着你， 免得你的脚碰在石头上。”
te akharen tut ko vasta te na khuve tut preja ko bar.’”
12 耶稣对他说：“经上说：‘不可试探主—你的 神。’”
O Isus phenđa lese: “Hem akavai phendo ko Sveto lil: ‘Ma kušin e Gospode, te Devle.’”
13 魔鬼用完了各样的试探，就暂时离开耶稣。
I kad završinđa đijekh kušnja, o beng cidinđa pe olestar đi nesavi aver prilika.
14 耶稣满有圣灵的能力，回到加利利；他的名声就传遍了四方。
I o Isus irinđa pe ki regija Galileja ano zoralipe e Duhosoro, i šundilo o glaso olestar ko sa o krajo.
15 他在各会堂里教训人，众人都称赞他。
I sikavđa e manušen olenđe ano sinagoge hem inele pohvalime sarijendar.
16 耶稣来到拿撒勒，就是他长大的地方。在安息日，照他平常的规矩进了会堂，站起来要念圣经。
I o Isus alo ki diz Nazaret kote barilo hem, palo plo adeti ko savato, đerdinđa ki sinagoga. Uštino te čitini,
17 有人把先知以赛亚的书交给他，他就打开，找到一处写着说：
a ine lese dindo o lil e prorokosoro e Isaijasoro. Ov phravđa o lil hem arakhlja o than kaj inele pisime:
18 主的灵在我身上， 因为他用膏膏我， 叫我传福音给贫穷的人； 差遣我报告： 被掳的得释放， 瞎眼的得看见， 叫那受压制的得自由，
“O Duhoi e Gospodesoro upra mande, adalese so pomazinđa man te vaćerav o šukar lafi e čororenđe. Bičhalđa man te proglasinav e phandlenđe da ka oven oslobodime, e kororenđe da ka irini pe lenđe o dikhiba, e mučimenđe da ka oven slobodna,
19 报告 神悦纳人的禧年。
te proglasinav o adžićerdo berš oti e Gospodesiri milost.”
20 于是把书卷起来，交还执事，就坐下。会堂里的人都定睛看他。
Tegani phandlja o lil, irinđa le e slugaste, i beštino te sikaj. I sare ani sinagoga dikhle ano leste.
21 耶稣对他们说：“今天这经应验在你们耳中了。”
A o Isus lelja te vaćeri lenđe: “Avdive pherdile akala lafija save šunđen tumare kanencar.”
22 众人都称赞他，并希奇他口中所出的恩言；又说：“这不是约瑟的儿子吗？”
I sare šukar vaćerde olestar hem inele zadivime oto šukar lafija save iklile lesere mujestar, i vaćerde: “Nane li ov e Josifesoro čhavo?”
23 耶稣对他们说：“你们必引这俗语向我说：‘医生，你医治自己吧！我们听见你在迦百农所行的事，也当行在你自己家乡里’”；
A ov phenđa lenđe: “Čače ka vaćeren maje akaja poslovica: ‘Doktore, sasljar korkore tut!’ So šunđam so ulo ano Kafarnaum, ćer hem akate, ano to than kaj bariljan.”
24 又说：“我实在告诉你们，没有先知在自己家乡被人悦纳的。
I phenđa: “Čače, vaćerava tumenđe, nijekh proroko nane prihvatime ano plo than kaj barilo.
25 我对你们说实话，当以利亚的时候，天闭塞了三年零六个月，遍地有大饥荒，那时，以色列中有许多寡妇，
I čače, vaćerava tumenđe, inele but udovice ano Izrael e Ilijase ano vreme, kad na pelo bršin trin berš hem šov masek i ulo baro bokhalipe ki sa i phuv.
26 以利亚并没有奉差往她们一个人那里去，只奉差往西顿的撒勒法一个寡妇那里去。
I nijekhaće olendar na inele bičhaldo o Ilija sem e udovicaće ki e abanđijengiri diz Sarepta uzalo Sidon.
27 先知以利沙的时候，以色列中有许多长大麻风的，但内中除了叙利亚国的乃缦，没有一个得洁净的。”
I inele but gubavci ano Izrael ano vreme e prorokosoro e Jelisejesoro, i nijekh olendar na inele sasljardo, sem o Neman o Sirijco.”
28 会堂里的人听见这话，都怒气满胸，
I sare ani sinagoga pherdile holi kad šunde adava.
29 就起来撵他出城（他们的城造在山上）；他们带他到山崖，要把他推下去。
I uštine hem ispudinde le tari diz, i legarde le upre ko brego upro savo lengiri diz inele vazdime te šaj frden le odupral.
30 他却从他们中间直行，过去了。
Ali o Isus nakhino maškar olende hem dželo.
31 耶稣下到迦百农，就是加利利的一座城，在安息日教训众人。
I o Isus huljilo ani e galilejakiri diz Kafarnaum, i sikavđa e manušen ko savato.
32 他们很希奇他的教训，因为他的话里有权柄。
I on inele zadivime lesere sikavibnaja adalese so lesoro vaćeriba inele ano autoritet.
33 在会堂里有一个人，被污鬼的精气附着，大声喊叫说：
A adari, ani sinagoga, inele manuš opsednutime e demonesere bišukare duhoja hem oto sa o glaso vičinđa:
34 “唉！拿撒勒的耶稣，我们与你有什么相干？你来灭我们吗？我知道你是谁，乃是 神的圣者。”
“Oh, so mangeja amendar, Isuse Nazarećanine? Aljan li te uništine amen? Džanav ko tu injan: o Sveco e Devlesoro.”
35 耶稣责备他说：“不要作声，从这人身上出来吧！”鬼把那人摔倒在众人中间，就出来了，却也没有害他。
Tegani o Isus ukorinđa le: “Phand to muj hem ikljov olestar!” I o demoni frdinđa le ki phuv anglo sarijende, iklilo olestar hem ni hari na dukhavđa le.
36 众人都惊讶，彼此对问说：“这是什么道理呢？因为他用权柄能力吩咐污鬼，污鬼就出来。”
I sare but začudinde pe hem vaćerde jekh avereja ađahar: “Savo li vaćeriba adava da ano autoritet hem ano zoralipe naredini e bišukare duhenđe te ikljon i onda ikljona?”
37 于是耶稣的名声传遍了周围地方。
I o glaso e Isusestar šundilo ko sa o pašutne thana.
38 耶稣出了会堂，进了西门的家。西门的岳母害热病甚重，有人为她求耶稣。
O Isus iklilo tari sinagoga hem dželo ko čher e Simonesoro. E Simonesere sasuja inele bari jag. I on zamolinde le te sasljari la.
39 耶稣站在她旁边，斥责那热病，热就退了。她立刻起来服事他们。
I o Isus terdino uzalo late, naredinđa e jagaće hem oj muklja la. I odmah uštini hem lelja te poslužini len.
40 日落的时候，凡有病人的，不论害什么病，都带到耶稣那里。耶稣按手在他们各人身上，医好他们。
Kad o kham huljilo, sarijen kolen inele namborme manuša oto razna nambormipa, ande len koro Isus. A ov upra đijekheste olendar čhivđa ple vasta hem sasljarđa len.
41 又有鬼从好些人身上出来，喊着说：“你是 神的儿子。”耶稣斥责他们，不许他们说话，因为他们知道他是基督。
A butendar da iklile o demonja vičindoj hem vaćerindoj: “Tu injan o Čhavo e Devlesoro!” O Isus pretinđa len hem na muklja lenđe te vaćeren adalese so džande dai ov o Hrist.
42 天亮的时候，耶稣出来，走到旷野地方。众人去找他，到了他那里，要留住他，不要他离开他们。
Kad dislilo, o Isus iklilo tari diz hem dželo ko jekh čučo than. I but džene rodinde le. Ale đi leste hem na mukena le ine te džalfse olendar.
43 但耶稣对他们说：“我也必须在别城传 神国的福音，因我奉差原是为此。”
A ov phenđa lenđe: “I ko avera dizja valjani te vaćerav o šukar lafi oto carstvo e Devlesoro adalese so zako adava injum bičhaldo.”
44 于是耶稣在加利利的各会堂传道。
I o Isus nastavinđa te propovedini ano e judejakere sinagoge.
