路加福音 14
1 安息日，耶稣到一个法利赛人的首领家里去吃饭，他们就窥探他。
I ko jekh savato, o Isus inele vičime ko čher nesave farisejengere vođasoro te hal maro, i dželo. Sare so inele adari, šukar ine posmatrinena le,
2 在他面前有一个患水臌的人。
adalese so anglo leste inele nesavo namborme manuš kasere vasta hem o pre inele pherde pani.
3 耶稣对律法师和法利赛人说：“安息日治病可以不可以？”
I o Isus pučlja e učiteljen e Zakonestar hem e farisejen: “Palo e Mojsijasoro zakoni, tromal pe li te sasljari pe ko savato ili na?”
4 他们却不言语。耶稣就治好那人，叫他走了；
A on ništa na phende. Tegani o Isus čhivđa plo vas upro namborme manuš, sasljarđa le hem muklja le te džal.
5 便对他们说：“你们中间谁有驴或有牛，在安息日掉在井里，不立时拉它上来呢？”
A olenđe phenđa: “So mislinena tumaro čhavo ili tumaro guruv ko savato perela ano bunari, ini sigate ka ikalen le ine adathar?”
6 他们不能对答这话。
I na ine len so te phenen ko adava.
7 耶稣见所请的客拣择首位，就用比喻对他们说：
Kad o Isus dikhlja sar o gostija kola ale te han rodenafse najšukar thana bešibnase, phenđa lenđe akaja priča:
8 “你被人请去赴婚姻的筵席，不要坐在首位上，恐怕有比你尊贵的客被他请来；
“Kad injan vičime nekase ko bijav, ma beš ko najšukar than, adalese so šaj maškaro vičime isi nesavo manuš kovai po baro tutar.
9 那请你们的人前来对你说：‘让座给这一位吧！’你就羞羞惭惭地退到末位上去了。
Tegani okova so vičinđa tut ka phenel će: ‘De to than akalese.’ Tegani ka ove lađardo, i ka dža te dole o zadnjo than.
10 你被请的时候，就去坐在末位上，好叫那请你的人来对你说：‘朋友，请上座。’那时，你在同席的人面前就有光彩了。
Nego, kad injan vičime, dža hem beš ko zadnjo than. Kad ka dikhel tut okova so vičinđa tut ka phenel će: ‘Amala, ava beš ko po šukar than!’ Tegani sa o gostija ka dikhen kobor injan poštujime.
11 因为，凡自高的，必降为卑；自卑的，必升为高。”
Adalese, ko pes povazdela, ka ovel peravdo; a ko ponizini pe, ka ovel povazdime.”
12 耶稣又对请他的人说：“你摆设午饭或晚饭，不要请你的朋友、弟兄、亲属，和富足的邻舍，恐怕他们也请你，你就得了报答。
Tegani o Isus phenđa okolese so vičinđa le: “Kad vičineja gostonen ko ručko ili ki večera, ma vičin samo te amalen, te phraljen, te familija, hem te barvale komšijen. Te vičinđan olen, hem on tut ka vičinen ko hajba kora pumende sar te irinen će.
13 你摆设筵席，倒要请那贫穷的、残废的、瘸腿的、瞎眼的，你就有福了！
Nego, kad vičineja ko hajba, vičin e čororen, e sakatimen, e bangen hem e kororen.
14 因为他们没有什么可报答你。到义人复活的时候，你要得着报答。”
Tegani ka ove blagoslovime, adalese so olen nane sar te irinen će. A o Devel ka irini će tegani kad ka vazdel e pravednikonen taro mule.”
15 同席的有一人听见这话，就对耶稣说：“在 神国里吃饭的有福了！”
Kad adava šunđa jekh okolendar so beštine uzalo astali, phenđa e Isusese: “Bahtaloi okova kova ka hal maro ano carstvo e Devlesoro!”
16 耶稣对他说：“有一人摆设大筵席，请了许多客。
A ko adava, o Isus phenđa lese: “Nesavo manuš ćerđa bari gozba hem vičinđa bute manušen.
17 到了坐席的时候，打发仆人去对所请的人说：‘请来吧！样样都齐备了。’
I kad sa inele ćerdo hajbnase, bičhalđa ple sluga te phenel e vičimenđe: ‘Sai akana spremno. Aven!’
18 众人一口同音地推辞。头一个说：‘我买了一块地，必须去看看。请你准我辞了。’
Ali jekh pala avereste lelje te phenen lese sose našti te aven. O prvo phenđa lese: ‘Činđum njiva i valjani te džav te dikhav la. Molinava tut, vaćer te gospodarese da adalese našti te avav.’
19 又有一个说：‘我买了五对牛，要去试一试。请你准我辞了。’
O dujto phenđa: ‘Samo so činđum deše guruven i džava te dikhav sar ka orinen. Molinava tut, vaćer te gospodarese da adalese našti te avav.’
20 又有一个说：‘我才娶了妻，所以不能去。’
O trito phenđa: ‘Samo so leljum romnja i adalese našti te avav.’
21 那仆人回来，把这事都告诉了主人。家主就动怒，对仆人说：‘快出去，到城里大街小巷，领那贫穷的、残废的、瞎眼的、瘸腿的来。’
I o sluga irinđa pe hem phenđa sa adava ple gospodarese. Tegani o gospodari holjanđa i phenđa ple slugase: ‘Siđar, ikljov ko droma e dizjakere hem ko trgija i ana akari e čororen, e sakatimen, e kororen hem e bangen.’
22 仆人说：‘主啊，你所吩咐的已经办了，还有空座。’
Kad o sluga ćerđa adava, phenđa: ‘Gospodarona, ćerđum ađahar sar so naredinđan, ali pana isi thana.’
23 主人对仆人说：‘你出去到路上和篱笆那里，勉强人进来，坐满我的屋子。
I o gospodari phenđa lese: ‘Ikljov avri tari diz ko droma hem ko staze hem terin e manušen te aven te ovel pherdo mlo čher.
24 我告诉你们，先前所请的人没有一个得尝我的筵席。’”
Vaćerava tumenđe da nijekh okole manušendar kola inele vičime naka hal ki mli gozba.’”
25 有极多的人和耶稣同行。他转过来对他们说：
I but manuša džana ine dromeja palo Isus. Ov irinđa pe nakoro lende hem phenđa lenđe:
26 “人到我这里来，若不爱我胜过爱自己的父 母、妻子、儿女、弟兄、姊妹，和自己的性命，就不能作我的门徒。
“Te neko mangela te ovel mlo učeniko, valjani te mangel man but više nego ple dade hem pla daja, pla romnja hem ple čhaven, ple phraljen hem ple phenjen, više nego plo dživdipe. Te na ćerđa ađahar, našti te ovel mlo učeniko.
27 凡不背着自己十字架跟从我的，也不能作我的门徒。
Ko na akhari plo krsto hem na džala pala mande, našti te ovel mlo učeniko.
28 你们哪一个要盖一座楼，不先坐下算计花费，能盖成不能呢？
Adalese so, ko tumendar ka lel ine te vazdel kula, a angleder adalestar te na bešel te računini o troško te dikhel ka šaj li te završini la?
29 恐怕安了地基，不能成功，看见的人都笑话他，说：
Te samo čhivđa o temelji, i na ačhola le love te završini đi o kraj, sare kola ka dikhen adava ka asan lese
30 ‘这个人开了工，却不能完工。’
hem ka phenen: ‘Akava manuš lelja te vazdel kula, a našti ine te završini la!’
31 或是一个王出去和别的王打仗，岂不先坐下酌量，能用一万兵去敌那领二万兵来攻打他的吗？
Ili, kova caro kad džala te arakhi pe ko mariba avere caronencar, angleder adalestar na bešela te razmislini šukar ka šaj li ple deše hiljadencar te marel pe adaleja kova avela protiv leste ple biše hiljadencar?
32 若是不能，就趁敌人还远的时候，派使者去求和息的条款。
Te našti, ka bičhali ple manušen koro aver caro, sar pana na alo paše, te pučen le savei o uslovija zako mir.
33 这样，你们无论什么人，若不撇下一切所有的，就不能作我的门徒。”
Ađahar da đijekh tumendar kova na mukela sa so isi le, našti te ovel mlo učeniko.”
34 “盐本是好的；盐若失了味，可用什么叫它再咸呢？
Tegani o Isus phenđa: “Šukari o lon. Ali te našalđa plo londipe, soja ov ka lonđari pe?
35 或用在田里，或堆在粪里，都不合式，只好丢在外面。有耳可听的，就应当听！”
Esavko nane šukar ni zaki phuv ni zako đubrivo, nego frdela pe. Kas isi kana te šunel, nek šunel!”
