耶利米书 51
1 耶和华如此说： 我必使毁灭的风刮起， 攻击巴比伦和住在立加米的人。
LEUM GOD El fahk, “Nga ac oru sie eng upa in tuhyak ac kunausla acn Babylonia ac mwet we.
2 我要打发外邦人来到巴比伦， 簸扬她，使她的地空虚。 在她遭祸的日子， 他们要周围攻击她。
Nga ac supwala mwetsac in kunausla acn Babylonia, oana ke eng uh okla kulun wheat uh. Ke len in ongoiya sac, un mwet mweun ac tuku yen nukewa me, ac usla koanon acn we.
3 拉弓的，要向拉弓的和贯甲挺身的射箭。 不要怜惜她的少年人； 要灭尽她的全军。
Nikmet sang pacl lun mwet mweun Babylonia in pisrik mwe pisr natulos, ku in nokomang nuknuk in mweun lalos. Sukela mwet mweun nukewa we — mwet fusr ac mwet matu!
4 他们必在迦勒底人之地被杀仆倒， 在巴比伦的街上被刺透。
Elos ac fah kineta ac misa ke inkanek in siti selos.
5 以色列和犹大虽然境内充满违背以色列圣者的罪， 却没有被他的 神—万军之耶和华丢弃。
Oasr mwatan mwet Israel ac Judah ke elos nukewa tuh orekma koluk lainyu, Nga Su Mutallana lun Israel. Ne ouinge, nga LEUM GOD Kulana tiana som lukelos.
6 你们要从巴比伦中逃奔， 各救自己的性命！ 不要陷在她的罪孽中一同灭亡； 因为这是耶和华报仇的时候， 他必向巴比伦施行报应。
Kaingla liki Babylonia! Kaing tuh kowos in moul. Nimet oru kowos in misa ke sripen ma koluk lun mwet Babylonia, mweyen nga fah oru foloksak luk inge, ac kalyaelos fal nu ke orekma koluk lalos.
7 巴比伦素来是耶和华手中的金杯， 使天下沉醉； 万国喝了她的酒就颠狂了。
Babylonia el tuh oana sie cup gold inpouk, ac oru tuh faclu nufon sruhila. Mutunfacl pus numla wain nimal ac wella.
8 巴比伦忽然倾覆毁坏； 要为她哀号； 为止她的疼痛， 拿乳香或者可以治好。
Acn Babylonia sa na ikori ac kunausyukla! Kowos in tung kacl, ac suk ono in unwela kinet kacl. Sahp el ac ku in kwela!
9 我们想医治巴比伦， 她却没有治好。 离开她吧！我们各人归回本国； 因为她受的审判通于上天，达到穹苍。
Mwetsac su muta we elos fahk, ‘Kut tuh srike in kasru acn Babylonia, tusruktu arulana pahtlac. Tari kut folokla nu yen sesr. God El kalyei Babylonia ke ku lal nufon, ac sukela acn we.”’
10 耶和华已经彰显我们的公义。 来吧！我们可以在锡安 报告耶和华—我们 神的作为。
LEUM GOD El fahk, “Mwet luk elos wowoyak ac fahk, ‘LEUM GOD El fahkak lah kut pa suwohs uh. Lela kut in som ac fahk nu sin mwet Jerusalem ma LEUM GOD lasr El orala!”’
11 你们要磨尖了箭头， 抓住盾牌。 耶和华定意攻击巴比伦，将她毁灭，所以激动了米底亚君王的心；因这是耶和华报仇，就是为自己的殿报仇。
LEUM GOD El purakak tokosra lun Media, mweyen El nunku Elan kunaus acn Babylonia. Pa ingan ma El ac oru in folokin musalla lun Tempul lal. Mwet kol lun un mwet mweun uh sapkin, “Kowos tamla mwe pisr nutuwos an! Akola mwe loang lowos!
12 你们要竖立大旗， 攻击巴比伦的城墙； 要坚固了望台， 派定守望的设下埋伏； 因为耶和华指着巴比伦居民所说的话、 所定的意，他已经作成。
Kolak sie flag in akkalemye lah pacl in mweuni pot Babylon. Akpusyela mwet san! Oakiya kais sie u nu yen elos ac karingin. Supwala mwet in wikwik soano mwet lokoalok. LEUM GOD El orala ma El fahk mu El ac oru nu sin mwet Babylonia.
13 住在众水之上多有财宝的啊， 你的结局到了！ 你贪婪之量满了！
Pukanten infacl ac mwe kasrup in facl sac, tusruktu sun pacl in safla lal. Moul lun Babylonia ac wutiyukla na pwaye.
14 万军之耶和华指着自己起誓说： 我必使敌人充满你，像蚂蚱一样； 他们必呐喊攻击你。
LEUM GOD Kulana El fulahk ke moul lal sifacna mu El fah use mwet puspis in mweuni acn Babylonia oana sie u in locust, ac elos fah sasa ke kutangla lalos.
15 耶和华用能力创造大地， 用智慧建立世界， 用聪明铺张穹苍。
LEUM GOD El orala faclu ke ku lal; El oakiya faclu ke lalmwetmet lal, Ac El asroelik kusrao ke etu lal.
16 他一发声，空中便有多水激动； 他使云雾从地极上腾。 他造电随雨而闪， 从他府库中带出风来。
Ke sap lal, kof lucng liki yen engyeng uh ngirngir; El orama pukunyeng uh liki saflaiyen faclu. El oru sarom in sarmelik in af uh Ac supwama eng uh liki nien filma lal.
17 各人都成了畜类，毫无知识。 各银匠都因他的偶像羞愧； 他所铸的偶像本是虚假的， 其中并无气息，
Ke mwet uh liye ma inge, elos akilen lupan lalfon ac nikin lalos sifacna. Elos su oru ma sruloala elos mwekinla, Mweyen god ma elos orala uh tia pwaye ac wangin moul la.
18 都是虚无的，是迷惑人的工作， 到追讨的时候，必被除灭。
Elos ma lusrongten ac fal in pilesreyuk. Elos ac fah kunausyukla pacl se LEUM GOD El tuku in nununkalos.
19 雅各的分不像这些， 因他是造作万有的主； 以色列也是他产业的支派。 万军之耶和华是他的名。
God lal Jacob El tia oana ma inge. El pa orala ma nukewa, Ac El sulela mwet Israel elos in mwet lal. Inel pa LEUM GOD Kulana.
20 你是我争战的斧子和打仗的兵器； 我要用你打碎列国， 用你毁灭列邦；
LEUM GOD El fahk, “Babylonia, kom hammer nutik, kufwen mwe mweun nutik. Nga orekmakin kom in tuktukya mutunfacl ac tokosrai.
21 用你打碎马和骑马的； 用你打碎战车和坐在其上的；
Keim nga kunausla horse ac mwet kasrusr fac, Nga kunausla chariot ac mwet kasrusr fac.
22 用你打碎男人和女人； 用你打碎老年人和少年人； 用你打碎壮丁和处女；
Keim nga uniya mukul ac mutan, Nga akmuseya mwet matu ac mwet fusr, Nga uniya tulik mukul ac tulik mutan.
23 用你打碎牧人和他的群畜； 用你打碎农夫和他一对牛； 用你打碎省长和副省长。
Keim nga onela mwet shepherd ac un kosro natulos, Nga onela pac mwet ima ac ox natulos. Keim nga tuktukya mwet kol fulat ac mwet pwapa fulat.”
24 耶和华说：“我必在你们眼前报复巴比伦人和迦勒底居民在锡安所行的诸恶。”
LEUM GOD El fahk, “Kowos fah liye ke nga ac oru foloksak nu sin Babylonia ac mwet we ke orekma koluk nukewa elos oru nu sin Jerusalem.
25 耶和华说： 你这行毁灭的山哪， 就是毁灭天下的山， 我与你反对。 我必向你伸手， 将你从山岩滚下去， 使你成为烧毁的山。
Babylonia, kom oana soko fineol ma kunausla faclu nufon, tusruktu nga, LEUM GOD, lain kom. Nga fah sruokkomi, aktupasrpasryekomla, ac filikomla in oan apatla.
26 人必不从你那里取石头为房角石， 也不取石头为根基石； 你必永远荒凉。 这是耶和华说的。
Wangin eot ke mahnum sum fah sifil orekmakinyuk nu ke musa lohm. Kom ac fah oana sie acn mwesis nwe tok. Nga, LEUM GOD, pa fahk ma inge.
27 要在境内竖立大旗， 在各国中吹角， 使列国预备攻击巴比伦， 将亚拉腊、米尼、亚实基拿各国招来攻击她； 又派军长来攻击她， 使马匹上来如蚂蚱，
“Kolak sie mwe akul ac ukya mwe ukuk tuh mutunfacl uh in lohng lah pacl in mweun! Akoela mutunfacl uh in mweun lain Babylonia! Pangoneni tokosrai lun Ararat, Minni, ac Ashkenaz elos in sroang wi mweun. Srisrngia sie mwet fulat in kol mweun an. Use horse uh in pukanten oana un locust.
28 使列国和米底亚君王，与省长和副省长， 并他们所管全地之人，都预备攻击她。
Akola mutunfaclu in mweun lain Babylonia. Sapla nu sin tokosra lun acn Media, wi mwet kol ac mwet fulat lalos, ac un mwet mweun lun facl nukewa elos leumi.
29 地必震动而瘠苦； 因耶和华向巴比伦所定的旨意成立了， 使巴比伦之地荒凉，无人居住。
Faclu kusrusr ac rarrar mweyen LEUM GOD El akfahsrye pwapa lal in oru Babylonia in sie acn mwesisla, yen wangin mwet fah muta we.
30 巴比伦的勇士止息争战， 藏在坚垒之中。 他们的勇力衰尽，好像妇女一样。 巴比伦的住处有火着起， 门闩都折断了。
Mwet mweun watwen lun acn Babylonia elos tia illa in mweun, a elos mutana in pot ku lalos. Wanginla pulaik lalos ac elos sangeng oana mutan uh. Mwet lokoalok elos fukulya mutunpot lun siti uh ac furreak lohm we.
31 跑报的要彼此相遇， 送信的要互相迎接， 报告巴比伦王说： 城的四方被攻取了，
Mwet utuk kas uh kasrusr atutafi ke pweng nu sin tokosra lun Babylonia, lah acn nukewa ke siti sel uh musalsalu.
32 渡口被占据了， 苇塘被火烧了， 兵丁也惊慌了。
Mwet lokoalok elos sruokya acn in tupalla infacl uh, ac esukak pot ku nukewa lun acn we. Mwet mweun lun Babylonia elos arulana tuninfongla.
33 万军之耶和华—以色列的 神如此说： 巴比伦城好像踹谷的禾场； 再过片时，收割她的时候就到了。
Ac tia paht mwet lokoalok lalos fah pakelosi ac fotongolosi oana wheat ke acn in kulkul wheat. Nga, LEUM GOD Kulana, God lun Israel, pa fahk ma inge.”
34 以色列人说： 巴比伦王尼布甲尼撒吞灭我，压碎我， 使我成为空虚的器皿。 他像大鱼将我吞下， 用我的美物充满他的肚腹， 又将我赶出去。
Tokosra lun Babylonia el sipsipikya Jerusalem Ac kangla. El okoala koanon siti sac oana sufa soko; El okomla acn we oana soko kosro lulap sulallal. El kangla ma el lungse kac Ac filakunla ma ngia.
35 锡安的居民要说： 巴比伦以强暴待我， 损害我的身体， 愿这罪归给她。 耶路撒冷人要说： 愿流我们血的罪归到迦勒底的居民。
Lela mwet Zion uh in fahk, “Mwatan orekma sulallal ma tuh orek nu sesr In oan fin Babylonia!” Lela mwet Jerusalem in fahk, “Mwatan mwe keok nukewa ma orek nu sesr In oan fin Babylonia!”
36 所以，耶和华如此说： 我必为你伸冤，为你报仇； 我必使巴比伦的海枯竭，使她的泉源干涸。
Na LEUM GOD El fahk nu sin mwet Jerusalem, “Nga fah aol kowos in kwafe keiwos, ac orek foloksak nu sin mwet lokoalok lowos ke ma elos tuh oru nu suwos. Nga fah oru in wanginla kof in acn Babylonia, ac infacl nukewa we in mihnla.
37 巴比伦必成为乱堆，为野狗的住处， 令人惊骇、嗤笑， 并且无人居住。
Facl sac fah ekla sie yol in kutkut, yen kosro lemnak mukena muta we. Wangin mwet ac fah muta we, ac mwet nukewa su liye facl sac ac fah fwefela ac arulana sangeng.
38 他们要像少壮狮子咆哮， 像小狮子吼叫。
Mwet Babylonia nukewa ngutngut oana lion, ac kou oana lion fusr.
39 他们火热的时候， 我必为他们设摆酒席， 使他们沉醉，好叫他们快乐， 睡了长觉，永不醒起。 这是耶和华说的。
Ya elos kainmongo? Nga fah akoo sie kufwa nu selos ac oru elos in sruhila ac engan. Na elos ac motulla ac fah tia sifil ngutalik.
40 我必使他们像羊羔、 像公绵羊和公山羊下到宰杀之地。
Nga fah usalosla in anwuki, oana sheep fusr, nani, ac sheep mukul. Nga, LEUM GOD, pa fahk ma inge.”
41 示沙克何竟被攻取？ 天下所称赞的何竟被占据？ 巴比伦在列国中何竟变为荒场？
LEUM GOD El fahk ke acn Babylon: “Siti se ma faclu nufon tuh kaksakin, inge kutangyukla, ac ekla sie acn arulana mwe aksangeng nu sin mutunfaclu in liye.
42 海水涨起，漫过巴比伦； 她被许多海浪遮盖。
Noa ngirngir meoa uh toki nu fin Babylon ac afunla.
43 她的城邑变为荒场、旱地、沙漠， 无人居住，无人经过之地。
Inkul ma apkuran nu we sikiyukla acn mwesisla, yen wangin mwet muta we ku forfor we.
44 我必刑罚巴比伦的彼勒， 使他吐出所吞的。 万民必不再流归他那里； 巴比伦的城墙也必坍塌了。
Nga fah kael Bel, god lun Babylonia, ac eisla liki inwalul ma nukewa ma el ukumya. Mutunfacl uh ac fah tia sifilpa alu nu sel. “Pot lun acn Babylon mokukla.
45 我的民哪，你们要从其中出去！ 各人拯救自己，躲避耶和华的烈怒。
Mwet Israel, kaing liki acn ingan! Kaing tuh kowos in moulla liki kasrkusrak lulap luk.
46 你们不要心惊胆怯， 也不要因境内所听见的风声惧怕； 因为这年有风声传来； 那年也有风声传来， 境内有强暴的事， 官长攻击官长。
Nimet fuhleak finsrak lowos ku sangeng ke sramsram lusrongten kowos lohng. Yac nukewa oasr sramsram lusrongten ac fwackelik, ke mwet sulallal in facl suwos, ac ke sie tokosra lain sie pac tokosra.
47 日子将到，我必刑罚巴比伦雕刻的偶像。 她全地必然抱愧； 她被杀的人必在其中仆倒。
Ke ma inge pacl se ac fah tuku ke nga ac oru ma nga akoo in oru nu ke ma sruloala lun Babylonia. Mutunfacl sac nufon ac fah akmwekinyeyuk, ac mwet we nukewa ac fah anwuki.
48 那时，天地和其中所有的， 必因巴比伦欢呼， 因为行毁灭的要从北方来到她那里。 这是耶和华说的。
Ma nukewa fin faclu ac yen engyeng uh fah sasa ke engan pacl se Babylonia putatyang nu inpoun mwet su tuku epang me in kunausulla.
49 巴比伦怎样使以色列被杀的人仆倒， 照样她全地被杀的人也必在巴比伦仆倒。
Acn Babylonia ac fah ikori mweyen el uniya mwet puspis fin faclu, ac oayapa uniya mwet puspis sin mwet Israel. Nga, LEUM GOD, pa fahk ma inge.”
50 你们躲避刀剑的要快走， 不要站住！ 要在远方记念耶和华， 心中追想耶路撒冷。
LEUM GOD El fahk nu sin mwet lal in acn Babylonia: “Kowos su kaingla liki misa, kowos som! Nimet soano! Kowos finne muta loesla liki acn suwos, nunku keik, LEUM GOD lowos, ac esam acn Jerusalem.
51 我们听见辱骂就蒙羞，满面惭愧， 因为外邦人进入耶和华殿的圣所。
Kowos fahk mu, ‘Kut mwekinla ac tonongla, ac pula mu wangin ma kut ku in oru, mweyen mwet in mutunfacl saya elos utyak ac aktaekyela acn mutal in Tempul.’
52 耶和华说： 日子将到，我必刑罚巴比伦雕刻的偶像， 通国受伤的人必唉哼。
Ke ma inge, nga fahk mu oasr pacl se ac tuku ke nga ac oru ma nga akoo in oru nu ke ma sruloala lun Babylonia, ac mwet kinet uh ac sasao yen nukewa fin facl sac.
53 巴比伦虽升到天上， 虽使她坚固的高处更坚固， 还有行毁灭的从我这里到她那里。 这是耶和华说的。
Babylon finne ku in fanyak nu yen engyeng uh ac musai sie pot ku we, nga ac nuna supwala mwet in kunausla. Nga, LEUM GOD, pa fahk ma inge.”
54 有哀号的声音从巴比伦出来； 有大毁灭的响声从迦勒底人之地发出。
Na LEUM GOD El fahk, “Lohng pusren tung in Babylon, Pusren mwemelil ke sripen sikiyukla facl sac.
55 因耶和华使巴比伦变为荒场， 使其中的大声灭绝。 仇敌仿佛众水， 波浪匉訇，响声已经发出。
Inge nga kunausla acn Babylon Ac oru in wanginla pusracl. Fwilin mwet mweun uh sasak nu we oana fwilin noa. Elos sasa ke elos mweuni acn we.
56 这是行毁灭的临到巴比伦。 巴比伦的勇士被捉住， 他们的弓折断了； 因为耶和华是施行报应的 神， 必定施行报应。
Elos tuku in kunausla Babylon. Mwet mweun we sruoh, Ac mwe pisr natulos kotkot uh. Nga sie God su kai mwet su orekma koluk, Ac nga fah folokin nu sin Babylon fal nu ke ma el orala.
57 君王—名为万军之耶和华的说： 我必使巴比伦的首领、 智慧人、省长、副省长，和勇士都沉醉， 使他们睡了长觉，永不醒起。
Nga fah oru mwet fulat we in sruhila — Mwet lalmwetmet, mwet kol, ac mwet mweun. Elos ac motulla ac tia sifil ngutalik. Nga, tokosra, pa fahk ma inge. Nga LEUM GOD Kulana.
58 万军之耶和华如此说： 巴比伦宽阔的城墙必全然倾倒； 她高大的城门必被火焚烧。 众民所劳碌的必致虚空； 列国所劳碌的被火焚烧， 他们都必困乏。
Pot sralap lun Babylon ac fah rakinyuki nu infohk uh, Ac mutunpot fulat we isisyak. Kemkatu lun mutunfacl puspis wangin sripa; Orekma upa lalos firiryak. Nga, LEUM GOD Kulana, pa fahk ma inge.”
59 犹大王西底家在位第四年，上巴比伦去的时候，玛西雅的孙子、尼利亚的儿子西莱雅与王同去（西莱雅是王宫的大臣），先知耶利米有话吩咐他。
Seraiah, mwet tutaf lal Tokosra Zedekiah, el wen natul Neriah ac nutin natul Mahseiah. In yac se akakosr ma Zedekiah el tokosra lun Judah, Seraiah el tuh welul som nu Babylonia, ac nga tuh sapkin ma elan oru.
60 耶利米将一切要临到巴比伦的灾祸，就是论到巴比伦的一切话，写在书上。
Nga simusla in book se ma nukewa ma ac sikyak ke ac kunanula acn Babylonia, oayapa mwe fahkak puspis saya ke acn we.
61 耶利米对西莱雅说：“你到了巴比伦务要念这书上的话；
Nga fahk nu sel Seraiah, “Pacl se kom ac sun acn Babylon, aklohya riti ma nukewa simla in book se inge mwet uh in lohng.
62 又说：‘耶和华啊，你曾论到这地方说：要剪除，甚至连人带牲畜没有在这里居住的，必永远荒凉。’
Toko kom pre ac fahk, ‘LEUM GOD, kom fahk mu kom ac kunausla acn se inge tuh in wangin kutena ma moul muta fac, tia mwet ku ma orakrak, a ac fah oana sie acn mwesis nwe tok.’
63 你念完了这书，就把一块石头拴在书上，扔在幼发拉底河中，
Seraiah, kom fin riti book se inge nu sin mwet uh nwe safla, na kom kapriya nu ke sie eot an, ac sisla nu Infacl Euphrates,
64 说：‘巴比伦因耶和华所要降与她的灾祸，必如此沉下去，不再兴起，人民也必困乏。’” 耶利米的话到此为止。
ac fahk, ‘Pa inge ma ac sikyak nu sin Babylonia — el ac tili ac tia sifil otyak ke sripen kunausten lulap su LEUM GOD El ac oru nu sin acn we.”’ Kas lal Jeremiah safla inse.
