历代志上 12
1 大卫因怕基士的儿子扫罗，躲在洗革拉的时候，有勇士到他那里帮助他打仗。
Kish chapa Saul kom Ziklag mun a ana kisel lai a David toh ana umkhom ho chu galhang mi David toh gal anasat khom ho chu ahiuve.
2 他们善于拉弓，能用左右两手甩石射箭，都是便雅悯人扫罗的族弟兄。
Hiche miho hi Benjamin phung a kon Saul sopite ahiuvin thalpi kap them cheh chule akhut jetle vei mangcha thei a songchang bom kap them cheh mi ahiu ve.
3 为首的是亚希以谢，其次是约阿施，都是基比亚人示玛的儿子。还有亚斯玛威的儿子耶薛和毗力，又有比拉迦，并亚拿突人耶户，
Gabiah mi Shemah chapa Ahiezar hi amaho dia lamkai pipu pen ahin amanoi bantah a lamkai chu Joash ahi. Chule Azmaoth chapateni Pelet le Jeziel, Bareah le Anathoth kho a kon Jehu jong ahi.
4 基遍人以实买雅（他在三十人中是勇士，管理他们），且有耶利米、雅哈悉、约哈难，和基得拉人约撒拔、
Gebeon a kon Ishmiah kitipa hi galhang somthum ho lah a lamkai le kinthang pen ahi. Chule Gederah kho a kon Jerrmiah, Jahaziel, Johanan le Jozabad ahiuve.
5 伊利乌赛、耶利摩、比亚利雅、示玛利雅，哈律弗人示法提雅，
Haruph kho a kon Eluzai, Jeremoth, Beliah, Shemariah le Sephatiah ahiuve.
6 可拉人以利加拿、耶西亚、亚萨列、约以谢、雅朔班，
Korahites phung a kon Elkanah, Issiah, Azarel, Joezor le Jashobeam ahi.
7 基多人耶罗罕的儿子犹拉和西巴第雅。
Gedor a kon Jeroham chapateni Joelah le Zebediah ahi.
8 迦得支派中有人到旷野的山寨投奔大卫，都是大能的勇士，能拿盾牌和枪的战士。他们的面貌好像狮子，快跑如同山上的鹿。
David gamthip noi kulpi a anaum laiyin Gad nammite galhang galbol them cheh ho chun ana pan piu vin ahi. Amaho chu lumchoije le tengcha kho themcheh Keipi bahkai bang a gin umtah chule sakhi golpai bang a chom jangkhai jeng ahiuve.
9 第一以薛，第二俄巴底雅，第三以利押，
Ezer chu lamkai pipu pen ahin anichan na chu Obadiah ahin, athum chan na chu Eliab ahi.
10 第四弥施玛拿，第五耶利米，
Mishmamnah chu ali chan na ahin chule Jeremiah chu angana ahi.
11 第六亚太，第七以利业，
Agup channa chu Attai ahin, chule sagi chan na chu Eliel ahi.
12 第八约哈难，第九以利萨巴，
Aget channa chu Johanan ahin chule ako channa chu Elzabed ahi.
13 第十耶利米，第十一末巴奈。
Jeremiah chu asom channa ahin, Macbannai chu somle khat chan na ahi.
14 这都是迦得人中的军长，至小的能抵一百人，至大的能抵一千人。
Amaho hi Gad mite galhang lamkai pipu cheh ngen ahiuvin ahi. Chule anem nung pen chu sepai jakhat ahiuvin asang jo pen ho chu sangkhat vel ahiuve.
15 正月，约旦河水涨过两岸的时候，他们过河，使一切住平原的人东奔西逃。
Hiche mite ho chu kum kihei kumbul a Jordan vadung letlha hel la twi hunglon chun vapam achen nao mun a kon in solam le lhumlam gam a ana homkhen uvin ahi.
16 又有便雅悯和犹大人到山寨大卫那里。
Chule adangho Benjamin le Judah phung mite chu David kulpi a chun ahung un ahi.
17 大卫出去迎接他们，对他们说：“你们若是和和平平地来帮助我，我心就与你们相契；你们若是将我这无罪的人卖在敌人手里，愿我们列祖的 神察看责罚。”
Chuin David jong amaho kimu pin ahung pot in, hitin asei e. Kipah tah a keima kithopi dia hung nahiu le eiho loikhat ihiuve. Amavang kagal mite angsung a keima pedoh ding a hung nahiule vang kapului-u Pathen in nangho chunga gotna napeh diu ahi.
18 那时 神的灵感动那三十个勇士的首领亚玛撒，他就说： 大卫啊，我们是归于你的！ 耶西的儿子啊，我们是帮助你的！ 愿你平平安安， 愿帮助你的也都平安！ 因为你的 神帮助你。 大卫就收留他们，立他们作军长。
Chuin Amasai kitipa somthum ho lah a lamkai pachu lhagao houpi na achangin hitin asei e, “Jesse chapa David keiho nang a kahiuve, nagma lam a pang ding kahiuve, chamnale phatthei nan najui jing hen chule nangma nakithopi jouse jong lolhing uhen ajehchu Pathen in nangma napanpi ahi.” Hitichun David in amaho chu akiloipin asepaite chung a lamkai ding in jong apansah tan ahi.
19 大卫从前与非利士人同去，要与扫罗争战，有些玛拿西人来投奔大卫，他们却没有帮助非利士人；因为非利士人的首领商议，打发他们回去，说：“恐怕大卫拿我们的首级，归降他的主人扫罗。”
David Philistine te toh kithokhom a gal ana konlai chun Manasseh chate Israel sepai ten jong ana pan piu vin ahi. Ahivang in Philistine sepai lamkai ho chun David hi nikhokhat le Saul lang joh a hung pang a eiho suh gam le elol u tan a hung pang thei ahi atiuvin David toh kilhon khom jing chu ana nom tapouvin anasol mang tauve.
20 大卫往洗革拉去的时候，有玛拿西人的千夫长押拿、约撒拔、耶叠、米迦勒、约撒拔、以利户、洗勒太都来投奔他。
David ziglak a ana kile Manasseh chaten David anajop ho chu ahile Adnah, Jozbed, Jedial, Michael Jozabed, Elihu le Zillethai ahiuve. Amaho lamkai nanoi a Manasseh phung a kon sepai mi sangkhat ahiuve.
21 这些人帮助大卫攻击群贼；他们都是大能的勇士，且作军长。
Hiti chun amaho hin David chung a gal hinbol gamho jouse chu hatah in ana dou un ana kisat piuvin ahi. Chule amahohi mihangsan tah galhang lamkai thei cheh ahiuvin ahi.
22 那时天天有人来帮助大卫，以致成了大军，如 神的军一样。
Chule aniseh in David lang a pang ding le akithopi ding sepai akibe jing in, Pathen sepai tampi bang a ahung umdoh kahsen mi ahung kikhom jing e.
23 预备打仗的兵来到希伯 见大卫，要照着耶和华的话将扫罗的国位归与大卫。他们的数目如下：
Pakai thupeh dungjui a saul lenggam vaipohna pumpi David chansah ding a Hebron khopia hung kikhom doh sepai ami mong monga akihop jat-u hicheng hi ana hiuve.
24 犹大支派，拿盾牌和枪预备打仗的有六千八百人。
Juda phung sung a kon galvon le tengcha thothei cheh mi sang gup le jaget alhing e.
25 西缅支派，能上阵大能的勇士有七千一百人。
Chule Simeon phung a galhang galsat thei cheh agom a mi sang sagi le jakhat alhing e.
26 利未支派有四千六百人。
Levi phung a kon galhang mi sangli le jagup alhing in ahi.
27 耶何耶大是亚伦家的首领，跟从他的有三千七百人。
Hichea hin Aaron insung a kon Jehoaida lamkai nanoi a mi sangthum le jasagi alhing e.
28 还有少年大能的勇士撒督，同着他的有族长二十二人。
Chule Zadok kiti galbol mihang santah insung a kon in jong gallamkai cheh mi somni le ni alhing e.
29 便雅悯支派，扫罗的族弟兄也有三千人，他们向来大半归顺扫罗家。
Benjamin phung a kon a Saul inkote galsat sepai mi sangthum ahiuvin chule amaho lah a atam jo hi Benjamin insungmi a kon Saul lam a pang ana hi jing uve.
30 以法莲支派大能的勇士，在本族著名的有二万零八百人。
Ephriam phung a kon in jong galsat hangsan tah mi sang somnile get alhing in chule ama hung kondoh na phunggui sung a dia jong jaum tah le mi minthang cheh ahiuve.
31 玛拿西半支派，册上有名的共一万八千人，都来立大卫作王。
Manasseh namkeh khat Jordan lhumlam a kon sepai sang somle sang get umho chun David leng ahung hi nading in ana kitho piu vin ahi.
32 以萨迦支派，有二百族长都通达时务，知道以色列人所当行的；他们族弟兄都听从他们的命令。
Issachar mite le a insungmi a kon in jong lamkai mi jani ana lhing e. Hiche miho jouse hi Israel te chung a thil hunglhung ding le phat kihei dan ho hetthem nanei cheh mi ahiuve.
33 西布伦支派，能上阵用各样兵器打仗、行伍整齐、不生二心的有五万人。
Zebulun phung a kon in jong galbol a them tah galhang sepai mi sang nga alhing e. Amaho hi David toh kitho khom a galsat dia galman chah toh kigo sa cheh ahiu vin ahi.
34 拿弗他利支派，有一千军长；跟从他们、拿盾牌和枪的有三万七千人。
Naphtali phung a kon in jong galhang cheh galman chah lhingset a lumpho le tengcha mangcha thei sepai lamkai mi sangkhat le galsat sepai mi sangthum le jasagi alhing uve.
35 但支派，能摆阵的有二万八千六百人。
Dan phung sung a kon in jong galmun a dia kigo sadem a galsat ding mi sang somni le sang get le jagup alhing uve.
36 亚设支派，能上阵打仗的有四万人。
Asher phung a kon in jong galbol dan kichuh sepai sang somli jong galsat dia kigo sa ahiuve.
37 约旦河东的吕便支派、迦得支派、玛拿西半支派，拿着各样兵器打仗的有十二万人。
Chule Jordan vadung nisolam a kon in jong Gad mite le Reuben phung mite chule Manasseh nam kehkhat chu galsat dia manchah chom cheh kichoi lhingset sepai mi sang jakhat le sang somni alhing uve.
38 以上都是能守行伍的战士，他们都诚心来到希伯 ，要立大卫作以色列的王。以色列其余的人也都一心要立大卫作王。
Hebron mun hinjon a galsat dia kigosadem a um sepai tampi ho ahiuvin chule Isareal mipi jousen jong David chu Isareal pumpia a leng ding in adeisah soh kei uve.
39 他们在那里三日，与大卫一同吃喝，因为他们的族弟兄给他们预备了。
Chuin ainsungmi asopiten David chu vailhun na ding thil ijakai agong toh uvin nithum sung in David toh ann nehkhom le lengpitwi donkhom na anei uve.
40 靠近他们的人以及以萨迦、西布伦、拿弗他利人将许多面饼、无花果饼、干葡萄、酒、油，用驴、骆驼、骡子、牛驮来，又带了许多的牛和羊来，因为以色列人甚是欢乐。
Avel a um Isachar, Zebulun le Naphtali ho cheng in jong sangan le sangongsao chule sakol pol le bongchal ho chu neh ding poh nan amang chaovin ahi. Chule nehding don ding changlhah hihen theichang ga changlhah, bongchal, kelngoi le kelcha ho geiyin golnop bol nadin ahinpolut uvin ahi. Hichu Israel pumpia ding a kipa golnop loupi tah ana hin ahi.
