路加福音 5
1 有一次，耶穌站在革乃撒勒湖邊，群眾擁到祂前來要聽天主的道理。
A jekhvar but džene gurinde pe uzalo Isus te šunen o lafi e Devlesoro, a ov terdino uzalo e Galilejakoro jezero.
2 祂看見兩隻船在湖邊停著，漁夫下了船正在洗網。
I dikhlja duj čamcija uzalo jezero savendar iklile o manuša kola dolena maćhen adalese so thovena ine pumare mreže.
3 祂上了其中一隻屬於西滿的船，請他把船稍為划開，離開陸地；耶穌就坐下，從船上教訓群眾。
I đerdinđa ano jekh čamco, kova inele e Simonesoro, i zamolinđa le te cidel pe hari e phuvjatar, i bešindoj ano čamco, sikavđa e narodo.
4 一講完了，就對西滿說：「划到深處去，撒你們的網捕魚吧! 」
A kad završinđa o vaćeriba, phenđa e Simonese: “Dža e čamcoja ko hor hem frden tumare mreže te šaj dolen maćhen.”
5 西滿回答說：「我們已整夜辛苦，毫無所獲；但我們要遵照你的話撒網。」
A o Simon phenđa: “Gospodarona, sa i rat trudinđam amen i ništa na dolinđam, te tu pheneja, ka frdav o mreže.”
6 他們照樣辦了，網了許多魚，網險些破裂了。
I kad ćerde adava, dolinde sa edobor maćhen i lengere mreže lelje te pharavđon.
7 他們遂招呼別隻船上的同伴來協助他們。他們來到，裝滿了兩隻船，以玫船也幾乎下沈。
I vastencar mothovde pumare amalenđe, kola inele ko aver čamco, te aven te pomožinen lenđe. I on ale hem pherde soduj čamcija edobor da lelje te pherđon pani.
8 西滿伯多祿一見這事，就跪伏在耶穌膝前說：「主，請你離開我，因為我是罪人。」
A kad dikhlja adava o Simon o Petar, pelo ko kočija anglo Isus vaćerindoj: “Dža mandar, Gospode, me injum grešno manuš!”
9 西滿和同他一起的人，因為了他們所捕的魚，都驚駭起來。
Adalese so i dar prelelja ole hem sarijen kola inele oleja zbog o baro doliba e maćhengoro.
10 他的夥伴，即載伯德的兒子雅各伯和若望，也一驚駭。耶穌對西滿說：「不要害怕! 從今以後，你要做捕人的漁夫!」
Ađahar da i dar dolinđa e Jakove hem e Jovane, e Zevedejesere čhaven, kola inele e Simonesere amala. I o Isus phenđa e Simonese: “Ma dara! Od akana manušen ka dole.”
11 他們把船划到了岸邊，就捨棄了一切，跟隨了祂。
I kad ikalde o čamcija upri phuv, ačhavde sa hem džele palo leste.
12 有一次，耶穌在一座城裏，看，有一個遍體長了癩的人，見了耶穌，就俯首至地求祂說：「主，你若願意，就能潔淨我。」
I jekhvar o Isus inele ki nesavi diz, i nekotar anglo leste iklilo manuš pherdo gubaja. So dikhlja e Isuse, pelo anglo leste mujeja đi phuv hem molinđa le vaćerindoj: “Gospode, te mangeja, šaj te sasljare man!”
13 耶穌便伸手撫摸他說：「我願意，你潔淨了吧! 」癩病就立刻從他身上退去。
I o Isus pružinđa plo vas, dolinđa le hem phenđa: “Mangava, ov sasljardo!” I otojekhvar i guba cidinđa pe olestar.
14 耶穌切切囑咐他不要告訴別人，並說：「但要叫司祭檢驗你，為你的潔淨，獻上梅瑟所規定的，給他們當作證據。」
Tegani naredinđa lese: “Ma vaćer nikase akalestar, nego dža mothov tut e sveštenikose hem de žrtva zako to očistiba, sar so naredinđa o Mojsije, zako svedočanstvo olenđe.”
15 祂的名聲更摶揚開了，遂有許多人齊集來聽教，並為自己治好病症。
A o glaso e Isusestar šunđola ine sa po dur, i but džene čedena pe ine te šunen le hem te oven sasljarde oto pumare nambormipa.
16 耶穌卻退入荒野中去祈禱。
A ov cidela pe ine ko čuče thana hem molini pe.
17 有一天，耶穌正在施教，幾個法利賽人和法學士也在座，他們是從加利肋亞和猶太各鄉村及耶路撒冷來的；上主的德能摧迫祂治病。
I jekh dive o Isus sikavđa ano jekh čher, a o fariseja hem o učitelja e Zakonestar, kola ale oto sa e galilejakere hem judejakere gava hem oto Jerusalim, beštine adathe. A o zoralipe e Gospodesoro inele upro Isus te sasljari.
18 看，有人用床抬來一個患癱瘓症的人，設法把他抬進去，放在耶穌跟前；
I nesave manuša ande upri nosiljka jekhe manuše kova našti ine te phirel ni te mrdini. Mangle te anen le andre hem te čhiven le anglo Isus.
19 但因人眾多，不得其門而入，遂上了屋頂，從瓦中間，把他連那小床繫到中間，正放在耶穌面前。
I adalese so taro narodo našti ine te arakhen kotar te anen le andre, uklinde upro čher, ćerde rupa ko tavani hem adathar mukle le sa e nosiljkaja ko maškar anglo Isus.
20 耶穌一見他們的信心，就說：「人啊! 你的罪赦了。」
I kad o Isus dikhlja lengiri vera, phenđa: “Manušeja, oprostimei će te grehija!”
21 經師和法利塞人開始忖度說：「這人是誰? 竟說褻瀆話! 除了天主一個外，誰能赦罪? 」
I o fariseja hem o učitelja e Zakonestar pučle pe ana pumende: “Kovai akava so hulini? Ko šaj te oprostini o grehija sem o jekh Devel?”
22 耶穌看透了他們的心思，就向他們說：「你們心裡忖什麼呢?
A o Isus džanđa lengere mislija, i phenđa lenđe: “Sose ađahar mislinena?
23 什麼比較容易? 是說：你的罪赦了，或是說：起來行走吧!
Soi po lokhe te phenel pe: ‘Oprostimei će te grehija’ ili te phenel pe: ‘Ušti hem phir’?
24 但為叫你們知道人子在地上有權赦罪─便對癱子說：我給你說：起來，拿起你的小床，回家去吧!
Ka dokažinav tumenđe da man, e Čhave e manušesere, isi pravo ki phuv te oprostinav o grehija.” Tegani phenđa e manušese kova našti ine te phirel: “Tuće vaćerava! Ušti, le ti nosiljka hem dža čhere!”
25 那人立刻在他們在面前站了起來，拿著他躺過的小床，讚頌天主，回去了。
I o manuš odmah uštino anglo lende, lelja i nosiljka hem dželo čhere slavindoj e Devle.
26 眾人十分驚奇，並光榮天主，滿懷恐怖懼說：「今天我們看見了出奇的事。」
I sare začudinde pe, hvalinde e Devle, pherdile dar hem vaćerde: “Avdive dikhljam bare čudesija!”
27 此後，耶穌出去，看見一個稅吏，名叫肋未，在稅關那裡坐著，便對他說：「跟隨我吧!
I palo adava, o Isus iklilo adathar hem dikhlja e cariniko palo anav Levije sar bešela ko than kotar čedela pe o porez, i phenđa lese: “Phir pala mande!”
28 他便捨棄一切，起來跟隨了祂。
I ov uštino, ačhavđa sa hem dželo palo leste.
29 肋未在自己家中擺設了盛筵，有許多稅吏和其他的人，與他們一同坐席。
I o Levije spreminđa lese baro hajba pese ano čher, hem adari inele but carinici hem avera kola beštine olencar uzalo astali.
30 法利賽人和他們的經師就憤憤不平，對祂的門徒說：「你們為什麼同罪人和稅吏一起吃喝? 」
Tegani o fariseja hem lengere učitelja e Zakonestar lelje te buninen pe vaćerindoj e Isusesere učenikonenđe: “Sose tumen hana hem pijena e carinikonencar hem avere grešnikonencar?”
31 耶穌回答他們說：「不是健康的人需要醫生，而是有病的人。
I o Isus phenđa lenđe: “E sastenđe na valjani doktori, nego e nambormenđe.
32 我來不是召叫義人，而是召叫罪人悔改。」
Me na aljum te vičinav ko pokajiba e pravednikonen, nego e grešnikonen.”
33 他們又對祂說：「若翰的門徒屢次禁食，行祈禱，法利賽人的門徒也是這樣；而你的卻又吃又喝。」
A on phende lese: “E Jovanesere e Krstiteljesere učenici but postinena hem molinena, ađahar hem e farisejengere učenici, a te učenici hana hem pijena.”
34 耶穌回答說：「伴郎和新郎在一起的時候，你們豈能叫他們禁食?
A o Isus phenđa lenđe: “Sar šaj te terinen e mladoženjasere amalen te postinen kadi olencar o mladoženja?
35 但日子將要來到，當新郎從他們人疲劫去時，在那些日子他們就要禁食了。
Ali ka aven o dive kad o manuša ka len lendar e mladoženja. Tegani, ko adala dive, ka postinen.”
36 祂又對他們講比喻說：「沒有人從新衣服撕下一塊作補釘，補在舊衣上的；不然，新的撕破了，而且從新衣上撕下的補釘，與舊的也不相稱。
I vaćerđa lenđe akaja uporedba: “Niko na sivela o kotor e neve fostanestar ko purano fostani sar te pherel i rupa; adalese so hem o nevo ka pharavđol, a ko purano naka avel o kotor e nevestar.
37 也沒有把新酒裝入舊皮囊的，不然，新酒要漲破舊皮囊，酒要流出來，皮囊也破了。
I niko na čhorela i nevi mol ano purane morćha. Te ćerđa pe ađahar, kad i nevi mol ka zreloni, ka pharaj o morćha hem ka čhorđol, a o morćha ka oven uništime.
38 但新酒應裝入新皮囊。
Nego, i nevi mol valjani te čhorel pe ano neve morćha.
39 也沒有人喝著陳酒，願意喝新酒的，因為他說：「還是舊的好。」
I nijekh, kova pilja i purani, na mangela i nevi, adalese so vaćeri: ‘dovoljnoi i purani’.”
