路加福音 22
1 逾越節的無酵節近了。
Afei, na Yudafo Apiti Afahyɛ a wɔsan frɛ no Twam Afahyɛ no abɛn.
2 司祭長及經師設法要怎麼消除耶穌，因為他們害怕百姓。
Saa bere no na asɔfo mpanyin ne Kyerɛwsɛm no akyerɛkyerɛfo no hwehwɛɛ ɔkwan a wɔbɛfa so akyere Yesu akum no, nanso esiane nnipa a na wɔwɔ hɔ no nti, na wosuro.
3 那時，撒旦進了那名叫依斯加略的猶達斯的心中，他本是十二人中之一。
Satan kowuraa Yuda a wɔfrɛ no Iskariot a ɔyɛ asuafo dumien no mu baako no mu.
4 他去同司祭長及聖殿警官商議，怎麼把耶穌交給他們。
Yuda kɔɔ asɔfo mpanyin ne Asɔredan no mu awɛmfo mpanyimfo no nkyɛn ne wɔn kosusuw ɔkwan ko a ɔbɛfa so ayi Yesu ama wɔn no ho.
5 他們不勝欣喜，就約定給他銀錢；
Wɔn ani gyei, penee so sɛ wɔbɛma no sika.
6 他應允了，遂尋找機會，當群眾不在的時候，把耶穌交給他們。
Efi saa bere no, Yuda hwehwɛɛ ɔkwan a ɔbɛfa so ama wɔakyere Yesu bere a nnipa dodow biara nni ne ho.
7 無酵節日到了，這一天，應宰殺逾越節羔羊。
Afei, da a wokum twam guan de di brodo a mmɔkaw nni mu no duu no,
8 耶穌打發伯多祿和若望說：「你們去為我們預備要吃的逾越節晚餐吧!
Yesu somaa Petro ne Yohane se, “Monkɔyɛ Twam Afahyɛ aduan a yebedi no.”
9 他問他們說：「你願意我們在那裏預備﹖」
Wobisaa no se, “Ɛhe na wopɛ sɛ yɛkɔyɛ aduan no?”
10 祂回答說：「注意! 你們進城，必一個拿水罐的人與你們相遇，你們就跟著他，到他所進的那一家，
Obuaa wɔn se, “Sɛ mudu kurow no mu a, mubehu obi a wakɔ asu reba. Munni nʼakyi nkɔ ofi a ɔbɛkɔ mu no mu,
11 對那家的主人說：「師傅問你：我同我的們徒吃逾越節晚餐的客房在哪裡﹖
na mummisa ofiwura no se, ‘Yɛn kyerɛkyerɛfo se ɛhe na woasiesie ama ɔne nʼasuafo no sɛ wommedi Twam Afahyɛ aduan no?’
12 那人必指給你們一間鋪設好了的寬大樓廳；你們就在那裡準備。
Ɔde mo bɛkɔ abansoro asa kɛse bi a wɔasiesie mu fɛfɛɛfɛ so. Ɛhɔ na monkɔto pon no.”
13 他們去了，所遇見的，正如耶穌對他們所說的一樣；他們便預備了逾越節晚餐。
Wɔkɔɔ kurow no mu no, wohuu sɛnea Yesu kae no pɛpɛɛpɛ ma wɔyɛɛ twam aduan no wɔ hɔ.
14 到了時候，耶穌就入席，宗徒也同祂一起。
Bere no dui no, Yesu ne nʼasuafo no kɔtenatenaa didipon no ho.
15 耶穌對他們說：「我渴望而又渴望，在我受難以前，同你們吃這一次逾越節晚餐。
Wɔtete hɔ no, Yesu ka kyerɛɛ wɔn se, “Mepɛɛ sɛ me ne mo bɛtena ase, ato nsa adi saa Twam aduan yi, ansa na mahu amane no akyɛ.
16 我告訴你們：非等到它在天主的國內成全了，我決不再吃它。」
Mereka akyerɛ mo se, saa adidi yi akyi no, merenni Twam aduan yi bio kosi sɛ Onyankopɔn Ahenni no bɛba.”
17 耶穌接過杯來，祝謝了說：「你們把這杯拿去，彼此分著喝吧!
Afei Yesu faa kuruwa, daa Onyankopɔn ase na ɔde maa nʼasuafo no kae se, “Munnye na obiara nnom bi.
18 我告訴你們：從今以後，非等到天主的國來臨了，我決不再喝這葡萄汁了。」
Mereka akyerɛ mo se, merennom bobesa yi bi bio kosi sɛ Onyankopɔn ahenni no bɛba.”
19 耶穌拿起餅來，祝謝了，擘開，遞給他們說：「這是我的身體，為你們而捨棄的。你們應行此禮，為念我。」
Afei, ɔfaa brodo daa Onyankopɔn ase, bubuu mu de maa nʼasuafo no kae se, “Eyi ne me nipadua a mede rema mo. Munnye nni. Da biara a mubedi saa brodo yi bi no, momfa nkae me.”
20 晚餐以後，耶穌同樣拿起杯來，說：「這杯是用我為你們流出的血而立的新約。
Saa ara nso na adidi no akyi no, ɔfaa kuruwa kae se, “Kuruwa yi ne me mogya a merehwie agu ama mo sɛ apam foforo a wɔnam so begye mo nkwa.
21 但是，看，負賣我者的手同我一起在桌子上。
Nanso mo a mo ne me te adidii ha yi mu baako na obeyi me ama.
22 人子固然要依照所預定的離去，但那負賣人子的人是禍的。」
Etwa sɛ miwu, sɛnea Onyankopɔn ahyehyɛ no, nanso nea obeyi me ama no de, onnue.”
23 他們便彼此相問，他們中那一個要做這事。
Asuafo no bisabisaa wɔn ho wɔn ho, pɛɛ sɛ wohu wɔn mu nea obeyi no ama no.
24 在他們中又起了爭論：他們中數著誰最大﹖
Asuafo no gyee wɔn ho akyinnye pɛɛ sɛ wohu wɔn mu nea ɔbɛyɛ ɔkɛse wɔ Onyankopɔn ahenni a ɛbɛba no mu.
25 耶穌給他們說：「外邦人有君王宰治他們，那有權管治他們的，稱為恩主；
Yesu tee no, ɔkae se, “Amanaman mu atumfo hyɛ wɔn a wodi wɔn so no so ma wɔn nso bu wɔn ho sɛ Adehye.
26 但你們卻不要這樣：你們中最大的，要成為最小的；為領袖的，要成為服事人的。
Nanso mo de, nea ɔpɛ sɛ ɔyɛ mo so panyin no nyɛ sɛ mo mu akumaa, na nea odi mo so no nso nyɛ mo mu somfo.
27 是誰大呢﹖是坐席的還是服事人的﹖不是坐席的嗎﹖可是我在你們中間卻像是服事人的。
Merebisa mo se, nnipa baanu yi mu hena na odi ne yɔnko so, nea ɔte didipon ho anaa nea ɔsom nea ɔte didipon no ho no? Nanso me de, mewɔ mo mu sɛ mo somfo.
28 在我的困難中，與我常常相偕的，就是你們。
Me ne mo na afa ɔhaw ne amane mu a, moda so ne me nam.
29 所以我將王權給你們預備下，正如我父給我預備下了一樣；
Mʼagya de ahenni no ama me. Saa ara nso na mede rema mo.
30 為使你們在我的國裏，一同在我筳席上吃喝，並坐在寶座上，審判以色列十二支派。
Na mo ne me ato nsa adidi, na moatumi abu Israel mmusuakuw dumien no atɛn.”
31 西滿，西滿，看，撒旦求得了許可，要篩他們樣篩麥子一樣。
Afei Awurade kae se, “Simon, Simon! Monhwɛ yiye na ɔbonsam pɛ sɛ ɔsɔ mo hwɛ.
32 但是我己為你們祈求了，為叫你信德不致喪失，待你回頭以後，要堅固你弟兄。」
Nanso wo Simon de, masrɛ ama wo sɛnea ɛbɛyɛ a wobɛkɔ so agye me adi. Sɛ wunu wo ho san ba me nkyɛn a hyɛ wo nuanom no gyidi mu den.”
33 伯多祿向祂說：「主，我己經預備同你一起下獄，同去受死。」
Petro buaa no se, “Awurade, ɛyɛ me pɛ sɛ me ne wo bɛda afiase, na sɛ ɛyɛ owu mpo nso a, me ne wo bewu.”
34 耶穌說：「伯多祿，我告訴你：今天雞未叫以前，你要二次說不認識我。」
Yesu nso buaa no se, “Petro, mereka akyerɛ wo se, nnɛ akokɔ remmɔn na woapa me mprɛnsa.”
35 然後又給他們說：「我以前派遺你們的時候，沒有帶錢囊、口袋及鞋，你們缺少了什麼沒有﹖」他們說：「什麼也沒有缺。」
Afei Yesu bisaa nʼasuafo no se, “Bere a mesomaa mo a na munkura sika nkotoku anaa akwantu kotoku na monhyɛ mpaboa no, biribi ho hiaa mo ana?” Asuafo no buaa no se, “Dabi, biribiara ho anhia yɛn.”
36 耶穌向他們說：「可是如今，有錢囊的，應當帶著；有口袋的也一樣；沒有劍的，應當賣去自己的外衣，去賣一把。
Yesu ka kyerɛɛ wɔn se, “Afei de, nea ɔwɔ sika no, ɔmfa; nea ɔwɔ akwantu kotoku no nso, ɔmfa. Nea onni afoa no ntɔn ne ntama mfa nkɔtɔ bi.
37 我告訴你們：「經上所載：『祂被列於叛逆之中』的這句話，必要應驗在我身上，因為那有關我的事，快要終結。」
Na bere adu sɛ nkɔm a wɔhyɛ faa me ho sɛ, ‘Wɔbɛkan no afra nnebɔneyɛfo mu’ no bɛba mu. Ɛsɛ sɛ nkɔm biara a wɔahyɛ afa me ho no ba mu.”
38 他們說：「主，看，這裏有兩把劍。」耶穌給他們說：「夠了! 」
Asuafo no ka kyerɛɛ Yesu se, “Awurade, yɛwɔ afoa abien wɔ ha.” Yesu buae se, “Eye, ɛno ara dɔɔso.”
39 耶穌出來，照常往橄欖上去，門徒也跟著去了。
Yesu ne nʼasuafo no fii kurow no mu kɔɔ Ngo Bepɔw no so sɛnea ɔtaa yɛ no, na nʼasuafo no ka ne ho.
40 到了那地方，耶穌便給他們說：「你們應該祈禱，免得陷於誘感。」
Woduu hɔ no, ɔka kyerɛɛ nʼasuafo no se, “Mommɔ mpae na moankɔ sɔhwɛ mu.”
41 遂離開他們，約有投石那麼遠，屈膝祈禱，
Afei ɔtwee ne ho fii asuafo no ho kɔɔ nkyɛn baabi kɔkotow, bɔɔ mpae se,
42 說：「父啊! 你如果願意，請給我免去這杯吧! 但不要隨我的意願，惟照你的意願成就吧! 」
“Agya, sɛ ɛyɛ wo pɛ a, ma saa amanehunu a ɛreba me so yi ntwa me ho nkɔ, nanso ɛnyɛ nea mepɛ, na nea wopɛ na ɛnyɛ”
43 有一位天使，從天上顯現給祂，加強祂的力量。
Ogu so rebɔ mpae no, ɔbɔfo fi ɔsoro bɛhyɛɛ no den.
44 祂在極度恐慌中，祈禱越發懇切；祂的汗如同血珠滴在地上。
Esiane sɛ na Yesu ho yeraw no wɔ Honhom mu no nti, ɔmaa ne mpaebɔ mu yɛɛ den maa ne ho fifiri yɛɛ sɛ mogya atɔwatɔw sosɔ guu fam.
45 祂從祈禱中起來，來到們徒那裏，看見他們都因憂悶睡著了，
Mpaebɔ no akyi no, ɔkɔɔ asuafo no nkyɛn kɔtoo wɔn sɛ awerɛhow ne ɔbrɛ nti, wɔadeda.
46 就給他們說：「你們怎麼睡覺呢﹖起來祈禱吧! 免得陷於誘感。」
Ɔkae se, “Hwɛ! Moadeda? Monsɔre na mommɔ mpae na moankɔ sɔhwɛ mu.”
47 耶穌還說話的時候，來了一群人，那十二人之一，洺叫猶達斯的，走在他們前面；他走近了耶穌，要口親祂。
Yesu gu so rekasa no, nnipadɔm bi a Yuda Iskariot a ɔyɛ asuafo dumien no mu baako di wɔn anim baa ne so. Yuda Iskariot twiw bɛn Yesu few nʼafono.
48 耶穌給他說：「猶達斯，你用口親來負賣人子嗎﹖
Yesu bisaa no se, “Yuda, mfewano na wode reyi Onipa Ba no ama ana?”
49 耶穌左右的人一見要發生的事，就說：「主，我們可以用劍砍嗎﹖」
Bere a asuafo a wɔwɔ ne ho no huu nea ɛreba no, wobisaa no se, “Awurade, yentwitwa wɔn afoa ana?”
50 他們中有一個人用劍砍了大司祭的僕人，把他的右耳削了下來。
Asuafo no mu baako twaa Ɔsɔfopanyin no somfo no aso nifa.
51 耶穌說道：「至此為止。」就摸了摸那人的耳朵，治好了他。
Yesu ampɛ nea osuani no yɛe no nti, ɔka kyerɛɛ wɔn se, “Monnyɛ eyi bi bio!” Ɔfaa ɔsomfo no aso no de taree hɔ bio.
52 耶穌對那些來到祂跟前的司祭長，和聖殿警官並長老說：「你們拿著刀劍棍棒出來，好像對付強盜嗎﹖
Yesu bisaa asɔfo mpanyin ne asɔredan sohwɛfo mpanyin ne Yudafo mpanyimfo ne asomfo a wɔbaa ne so no se, “Midi atuatewfo anim nti na mode afoa ne nkontimmaa aba me so yi?
53 我天天同你們在聖殿裏的時候，，你們沒有下手拿我；但現在是你們的時候，是黑暗的權勢! 」
Bere a na me ne mo wɔ asɔredan mu no, moankyere me; eyi ne mo bere; nea sum di mu tumi.”
54 他們既拿住耶穌，就帶著解到大司祭的住它。伯多祿遠遠地跟著。
Afei wɔkyeree Yesu de no kɔɔ Ɔsɔfopanyin fi. Bere a wɔde no rekɔ no, Petro gyee ne ho kaa akyi.
55 他們在庭院中間生了火，一起環坐，伯多祿也坐在他們中間。
Petro duu Ɔsɔfopanyin no fi hɔ no na asraafo no asɔ ogya wɔ adiwo hɔ a wɔreto; ɔno nso kɔtoo bi.
56 有一個使女看見他面對火光坐著，便定睛注視他說：「這個人也是同他一起的。」
Abaawa bi huu Petro sɛ ɔreto gya no bi no, ɔhwɛɛ no dinn kae se, “Saa ɔbarima yi yɛ Yesu akyidifo no mu baako.”
57 伯多祿否認說：「女人，我不認識他。」
Petro san se, “Awuraa, minnim saa ɔbarima yi baabiara.”
58 過了不久，另一個人看見他說：「你也是他們中的。」伯多祿說：「你這個人，我不是! 」
Ankyɛ koraa na obi foforo nso huu no kae se, “Woyɛ nʼakyidifo no mu baako.” Petro buaa no se, “Dabi, menka wɔn ho.”
59 約隔一個時辰，又有一個人肯定說：「這個人，確是同他一起的，因為他是加利肋亞人。」
Ɛbɛyɛ dɔnhwerew akyi no, obi foforo nso san huu no ka sii so dua se, “Akyinnye biara nni ho sɛ saa damfo yi ka Yesu asuafo no ho, efisɛ ɔno nso yɛ Galileani, na ne kasa koraa da no adi.”
60 伯多祿說：「你這個人! 我不慬你說的。」他還說話的時候，雞便叫了。
Petro san ne mprɛnsa so se, “Owura, asɛm a woreka yi nyɛ nokware.” Nʼano ansi koraa na akokɔ bɔnee.
61 主轉過身來，看了看伯多祿，伯多祿就想起主對他說的話來：「今天雞叫以前，你要三次不認我。」
Saa bere no ara mu na Yesu twaa nʼani hwɛɛ Petro anim. Ɛhɔ ara na Petro kaee asɛm a Yesu ka kyerɛɛ no se, “Nnɛ, akokɔ remmɔn na woapa me mprɛnsa” no,
62 伯多祿一到外面，就慺慘地哭起來了。
Petro de awerɛhow fii adi kosui.
63 那些繫押耶穌的人，戲弄祂、打祂；
Mmarima a na wɔrewɛn Yesu no dii ne ho fɛw, kyekyeree nʼani, bobɔɔ no,
64 又蒙起祂來，問祂說：「你猜一猜：是誰打你﹖」
san bisaa no se, “Odiyifo, hena na ɔbɔɔ wo? Kyerɛ yɛn.”
65 他們還說了許多別的侮辱祂的話。
Wɔkɔɔ so yeyaw no kaa abususɛm ahorow guu ne so.
66 天一亮，民間長老及司祭長並經師集合起來，把耶穌帶到他們的公議會裏，說：「
Ade kyee no, Yudafo mpanyin ne Kyerɛwsɛm no akyerɛkyerɛfo no hyia ma wɔde Yesu baa wɔn anim
67 如果你是默西亞，就告訴我們吧! 」耶穌回答他們說：「即便我告訴你們，他們也不會相信。
bisaa no se, “Sɛ wone Kristo no a ka kyerɛ yɛn.” Yesu buaa wɔn se, “Sɛ meka se mene Kristo no a, morennye nni,
68 如果我問，他們也決不回答。
na sɛ mibisa mo nso a, moremmua me.
69 從今以後，人子要坐在大能者天主的右邊。」
Na efi saa bere yi mubehu Onipa Ba no sɛ ɔte Onyame Tumfo no nifa so.”
70 眾人於是說：「那麼，你就是天主子了﹖」耶穌對他們說：「你們說了，我就是。」
Ɔkaa saa no wɔn nyinaa bisaa no bio se, “Ɛno de, na wone Onyankopɔn Ba no ana?” Obuaa wɔn se, “Nea moreka no yɛ nokware.”
71 他們說：「我們何必還需要證據呢﹖我們親自從他的口中聽見了。」
Eyi ma wɔkae se, “Adanse bɛn na ehia yɛn bio? Yɛate afi ɔno ankasa anom.”
