路加福音 7
1 耶稣向民众讲完这一切，就开始向迦百农走去。
Jisasi'ma ana miko veama rempima huzami vagareteno zamatreno Kapaneamu kumate vu'ne.
2 那里的一位百夫长有一名十分器重的仆人，但这仆人快要死了。
Mago 100'a sondia vahete kva nera, vahe'mo'za antahi nemiza ne'mofo, kazokzo eri'za ne'amo'a, kri erino fri'za nehigeno,
3 百夫长听见耶稣的事，就派来几位犹太人长老过来，求他去医治他的奴仆。
ana sondia vahete kva ne'mo'a Jisasinkema nentahino, Jiu ranra vahe'mokizmi huzmantege'za kazokzo eri'za vahe'a eme azeri so'e hunteniegu ome antahigenaku Jisasintega vu'naze.
4 长老们就来见耶稣，恳求他说：“请过来为他做这件事吧，因为他值得你的帮助。
Zamagrama Jisasinte enehanati'za amanage hu'za hanaveti'za antahige'naze. Ana sondia kva nera knare'za nehia nekinka, Kagra amne aza hugahane.
5 因为他爱我们的人民，给我们建造会堂。”
Na'ankure agra tagrikura avesineranteno, osi mono nontinena ki'ne.
6 耶稣就和他们一同前去。在距离百夫长住宅不远的地方，百夫长派几个朋友来说：“主啊，有劳你大驾光临，实在不敢当，
Jisasi'a magoka zamagrane vuno, nontava'onte uravao nehigeno, ana sondia kva ne'mo'a rone'amokizimi huzmantege'za Jisasinte vu'za, huzmante'nea kea ome asami'naze. Ramoka nagri nontegama ezankura amuho osuo. Na'ankure nagri nontega kagrama e'arera knarera osu'noe. E'ina hu'nogu, Kagrite'ma esuana knare osu'noe.
7 我觉得自己实在没有资格去见你，但只要你说一句话，我的仆人就能治愈了。
E'ina hu'nogu, Kagrite'ma esuana knare osu'noe. Hianagi eri'za vahe'nimofo magoke ke hugeno kri'amo'a amne hunteno.
8 我既听命于自己的长官，手下也有士兵。如果我对士兵说‘去吧！’他就会去；对另一个人说‘来吧！’他就会来；我对仆人说‘做这个吧！’他就会做。”
Na'ankure nagranena rankva ne'mofo agoraga'a mani'noge'za, ete sondia vahe'mo'za nagri nagorga mani'nage'na, nagrama anamofonku hu'na, vuo hugeno'a agra nevie. Hagi magomofonku eno hugeno'a, agra ne-e. Kazokzo eri'za vahenigu hu'na, e'ina huo hugeno anaza nehie.
9 耶稣听见这些话，很是惊讶，转身对跟随的众人说：“告诉你们，我在以色列从未见过如此坚定的信心。”
Higeno Jisasi'ma ana ne'mofo kema nentahino'a tusi'a antri nehuno, rukrahe huno avariri'za vu'naza vahekura anage huno zamasami'ne. Magore hu'na Israeli vahepina amanahu amentintine vahera onketfa hu'noe.
10 百夫长的朋友回到家里，发现那奴仆已经痊愈了。
Huzmantege'za e'naza vahe'mo'za rukrahe hu'za nontega ome kazana, ana kazokzo eri'za ne'mo knamreno mani'nege'za ome ke'naze.
11 很快，耶稣开始向拿因城走去，身边跟着他的门徒和一大群民众。
Anama huteno henka Jisasi'a Nainie nehaza rankumate amage'ma nentaza disaipol naga'ane nevige'za, tusi'a veamo'za avariri'za magoka vu'naze.
12 他走近城门的时候，看到另一条路上有个送葬的队伍，那是一家的独子，母亲是个寡妇。城里有一大群人陪着她。
Ana kuma kasante nevigeno, mago fri'nea nera eri'za atirami'zma e'naze. Ana a'mofona magoke mofavregino, kento'a mani'negeno ana kumapi tusi'a vahe krefamo'za ana a'enena e'naze.
13 主看见她便心生怜悯，对她说：“不要哭！”
Ramo ana a'ma ome negeno'a asunku hunenteno, Zavira oto nehuno,
14 然后耶稣上前按着棺材，抬棺人站住。 耶稣说：“年轻人，我要对你说，起来吧！”
anante eno sesenku'are ome avako nehigeza, zafa hu'za nevaza vahe'mo'za anante oti'naze. Jisasi'a anage hu'ne, Nehazavemoka Nagra otio hu'na kagrikura nehue!
15 那死去之人就坐起来，开口说话，耶稣把他交给他母亲。
Anama fri'nea ne'mo'a otino nemanino, agafa huno keaga nehigeno, Jisasi'a ana nera avazuhuno nererana ami'ne.
16 众人都感到敬畏万分，纷纷颂赞上帝：“我们中间出现了伟大的先知！”又说：“上帝眷顾他的子民了！”
Tusi koro nehu'za Anumzamofo agi erisaga hu'za anage hu'naze. Agatererfa kasnampa ne' amu'nontifina efore nehigeno, Anumzamo'a Agra'a vahe'a eno zamaza nehie hu'naze!
17 关于耶稣的消息传遍了犹太和周围各地。
Ama anazama Jisasi'ma hiazamofo agenkemo'a maka Judiane mika megagi'nea kumatamimpina vuno eno hu'ne.
18 约翰的门徒把这一切都告诉约翰，约翰叫来他的两名门徒，
Mono ti frente Jonima amage'ma nentaza disaipol naga'mo'za maka'zama Jisasi'ma hu'neazamofo agenke'a ome Jonina asamizageno, tare amage'manenta'a disaipol ne'tre kehuno,
19 派他们去主那里，说：“你就是我们一直期待的人？还是我们需要继续等待其他人？”
Jisasi ome antahige'ogu huznanteno, Kagra egahiema hu'nea ne Mesaiaga tazama hunka taguvazi ne'pi, rumofonku avega antegahuno?
20 两人来到耶稣跟前，说：“施洗约翰派我们来问你，‘你就是我们一直期待的人？还是我们需要继续等待其他人？’”
Higeno ana netremoke e'ne anage hu'ne Jisasina asami'na'e, Mono ti fre Joni'a amanage huno hurantegeta kantahigenaku neo'e. Kagra egahiema higeta avegama ante'nona tazahu ne' Mesaiagafi, rumofonku avega antegahuno?
21 耶稣这时正在治愈众多患病、遭难、恶鬼附体之人，让盲人可以看到。
Anankna fatgorera hakare rumofo rumofo kri eri'naza vea Jisasi'a zamazeri so'e nehuno, havi avamutmi zmagu'afinti hunezmanteno, rama'a zmurga asu hu'nea vahera zamazeri hari huzmante'ne.
22 耶稣回答约翰的门徒：“你们回去把所见所闻都告诉约翰。盲人可以看见，跛人可以走路，麻风患者被治愈，聋人可以听见，死人复活，穷人听到了福音。
Ana huteno anage huno kenona zanirera, zanasami'ne, Vuta nazano negeta nentahita ha'azana Jonina ome asami'o, zamavu asu hu'nea vahe'mo'za hari nehazageno, zamagia haviza hu'namo'za zamagia refatgo nehazageno, fugonkrima eri'naza vahera neganamrazageno, zamagesa ankanire vahe'mo'za nentahizageno, fri vahe'mo'za onetizageno, zamunte omane vahe'pina Knare Musenkea huama nehie.
23 那些不会因我而感到冒犯的人，有福了。”
Hanki iza'o Nagri'ma ha'ma reonantesimo'a muse hugahie.
24 约翰派来的人走了以后，耶稣开始对众人说：“关于约翰，你们到荒野去寻找他时，希望看到什么？风吹动的芦苇吗？
Joninkema eri'ne e'na'a netremokea vutakeno, Jisasi'a agafa huno tusi'a veapi Joninku huno, Ka'ma kopima vu'nazana na'a kenaku vu'naze? Jaho'mo hakema eri tagosi hu'nea zampi? I'o.
25 身穿华服之人吗？不，那些衣着华丽、生活奢侈的人都生活在宫殿中。
Hianagi Na'a ome kenaku vu'naze? Fru fru huno konariri'ane kukena hu'nea vahe ome kenafi? I'o, knare konariri'ane kukenama hu'za, so'e zampima nemaniza vahera, kini vahe nompi nemanize!
26 你们是在寻找先知吗？是的，约翰是先知。但我要说的是，他比先知重要得多了。
Hianagi na'a ome kenaku vu'naze? Kasnampa nepi? Izo tamage hu'na neramasmue. Ana ne'mo mika kasnampa vahera zmagatere'ne.
27 经文中记着：‘看啊，我派遣使者先你一步，预备你的道路’，说的就是他。
E'i ana nekura avontafepina amanage huno krente'ne, Ko, nagri ke erino vu vahera, huntogeno ugagota huganteno neviankino, agra kana variganteno vugahie. (Mal 3:1)
28 我告诉你们，女人所诞下的人类中，没有谁比约翰更伟大，但他在上帝之国中却是最不重要的那一个！”
Nagra neramasamue, a'nemo'za kase zamante'naza vahepintira mago'mo'e huno Jonima agatere'nea nera omani'ne, ana nehigeno Anumzamofo Kumapina osi hu'nemo, agrira agetere'ne.
29 经过约翰施洗的众人，甚至包括税吏，听到此言便纷纷决定追随上帝的善意正道。
Maka vahe'mo'zane havige hu'za takesi zago eneriza vahe'mo'zanena ana nanekema nentahiza, Anumzamofo avu'avazamo'a fatgo hu'ne hu'naze. Na'ankure Joni'ma mono tifre zmantenegu ana hu'naze.
30 但法利赛人和研究法律的专家未受过约翰的洗礼，便拒绝上帝对他们的美意。
Hianagi Farisi mono vahe'mo'zane, kasegere ugagota hu'naza vahe'mo'za, Anumzamo'ma zamagri'ma zamaza hunaku retro hu'neazana zmefi humi'naze. Na'ankure zamagrira Joni'a mono tina fre ozmante'ne.
31 耶稣又说：“这个世界的人可以比作什么呢？他们像什么呢？
Hagi na'ante huntena ama knafi vahe'mofo avu'avazankura avame kea hugahue. Zamagra nankna hu'naze hu'na hanue?
32 他们就像小孩子坐在巿中心，对彼此说：‘我们给你们吹笛子，你们却不跳舞，我们唱哀歌，你们也不痛哭。’
Zamagra mofavre'ramimo'za maketi kumapi mani'ne'za kehugantigama hiaza nehaze. Nehu'za roane'amokizmigura anage hu'naze, Tagra konke tafe ronanagi, tamagra avoa noraze. Zavite zagame hunanagi, zavira notaze.
33 施洗约翰来了，不吃饭，不喝酒，你们就说他是恶魔附体。
Na'ankure mono tifrente Joni eno, bretine waini tine nonegetma, tamagra hutma havi avamu agripi mani'ne hu'naze.
34 现在人子来了，看他吃喝你们又说：‘你看，这人又贪吃，又贪杯，还与税吏和罪人为伍。’
Vahe'mofo Mofavremo eno ne'zane tine nenegetma, tamagra hutma, keho ne'za nevava nehuno, waini ti neneno, takesi zago eneriza vahe ene kumi vahe'ene raru huno nemanie nehaze!
35 但上帝的智慧之道，已被他的所有追随者所证实！”
Hianagi knare antahintahizana Agri'ma avaririza vahepi eriama nehie.
36 有一个法利赛人请耶稣同他一起用餐，于是他就到那位法利赛人家中赴宴。
Mago Farisi ne'mo'a, Jisasina ne'za agrane ome nesniegu agi higeno vu'ne. Farisi ne'mofo noma'afi ne'zane trate aza tununte anteno mani'ne.
37 城里有一个女人，是个罪人。得知他在法利赛人家里吃饭，就拿着一瓶香膏来到这里。
Anante ana kumateti mago kumi a'mo'a, Farisi ne'mofo nompi Jisasima nezama nene nehazankema nentahino, mago mananentake masave aravasta have tafempi me'negeno erino eno,
38 她跪在耶稣身边，眼泪沾湿了他的脚。于是她用自己的头发把泪水擦干，然后亲吻他的脚，抹上香膏。
amefiga'a agare emaniteno, zavi neteno avunuteti agia sese nehuno, azokanu eri ho'mu nehuno, rama'a zupa agia antako nehuno, mana nentake masave tagino agare frente'ne.
39 请耶稣吃饭的法利赛人看见她，心想：“这人若真的是先知，必定知道是谁在触摸他。这是怎样的女人，她是个罪人！”
Hagi Jisasima ke higeno e'nea Farisi ne'mo'a anazana negeno, amanage huno agu'afina agesa antahi'ne, ama kasnampa ne'ma mani'neresina, kumi' hu'nea a'mo avako Agrira nehiankino, agafa'a keno antahino nehuno kumi are huno hisine.
40 于是耶稣开口说：“西门，我有话要对你说。”他说：“老师，请讲。”
Jisasi'a Saimoni antahintahia negeno kenona'a huno, Saimoniga, naneke kasminaku nehue higeno, Saimoni'a huno, knareki Rempi hurami ne'moka amne kea huo.
41 耶稣说：“有两个人欠了一个债主的钱，一人欠 500 银币，一人欠 50 银币。
Higeno Jisasi'a amanage hu'ne, Magora nofihu zago netrea ne'mo'a, tare ne'tre zagoa zanami'ne. Magomo'a 500ti zago nofi huno erigeno, mago'mo'a 5fu'a zota erine.
42 他们都无力偿还，于是债主就免了两人的债务。这两个人哪一个人会更爱他？”
Hanki ana zagomofo nona'a hu'ne amiga osakeno, knareki atre'o, huno huzanante'ne. Iza agtereno ana zagoma nofitema netrea nekura avesinenteno tusi musena huntegahie?
43 西门回答：“我想是那个欠债多的人会更爱他。”耶稣说：“你说对了。”
Saimoni'a kenona anage hu'ne, nagesama antahuana rama'a zagoma nofi'ma hu'nemo'e. Higeno Jisasi'a huno, Tamage hufatgo hunka hane.
44 于是他转身向着那女人，对西门说：“你看到这女人吗？我走进你家，你没有给我水洗脚，但她却用眼泪湿了我的脚，用头发擦干。
Anante rukrehe huno ana ara negeno, Saimoninku huno, Kagra ama'i ara negano? Nagra nonka'afi emarerugenka nagia sese hanua tina afi onami'nane. Hianagi ko, ama a'mo'a avunuteti nagia sese nehuno, azokateti erihomu hunante'ne.
45 你没有亲吻我，但这女人自我进来，就一直在亲吻我的脚。
Kagra nonka'afi enefrogenka nantako hunka onavre'nane. Hianagi nonka'afi efroregatira ama amo'a agafa huno nagiamofona antako huvava hu'ne.
46 你没有在我的头上涂抹香膏，但这女人却用香膏抹我的脚。
Kagra masavena taginka nanumpina freonante'nane. Hianagi ama a'mo mananentake masevena tagino nagiamofona masavena frenante'ne.
47 所以我告诉你，因为她的很多罪都被赦免了，所以她心中的爱多。如果被赦免的少，心中爱的也少。”
E'ina agafare Saimoniga anage kagriku nehue, rama'a kumi ama amo hu'nege'na eri atrentogeno rama'azampi avesinenante. Hianagi osi'a kumi'ma atrente'nomo'a osi'a avesinenante.
48 然后耶稣对女人说：“你的罪被赦免了。”
Ana huteno Jisasi'a ana a'ku anage huno asami'ne, Kumika'a eritregantoe.
49 一同进餐之人心里说：“这是谁啊？竟然可以宽恕罪过？”
Hianagi trate'ma agrane zamaza tununte ante'za mani'namo'za, zamagra'a anage hu'naze. Iza'e ama nera, kumi'ma erinetreana?
50 耶稣对那女人说：“你的信任已经拯救了你，安心地去吧。”
Jisasi'a amanage huno ana ara asami'ne, Kamentintimo kaguvazianki, krimpa frune vuo.
