La Bu 67

1 Pathen lungsetthem hihen lang phatthei eiboh u hen. Amaivah chun eisalvah u hen.

2 Leiset pumpi a na nadeilam kilang hen, muntin a mihemten na mihuhhingna thahat chu heuhen!

3 O Pathen namtin vaipin na thangvah u hen. Henge, namtin vaipin na thangvah u hen.

4 Vannoi leiset pumpin nangma thangvah la a sauhen, ajeh chu namtin vaipi chung a hi thudih'a vain a hom nahin vannoi leiset pumpi hi na puihoi hoi le jinge.

5 Namtin vaipin na thangvah u hen O Pathen. Henge, namtin vaipin thangvah u hen!

6 Hiteng chuleh leiset in chang le mim gasosah intin chuleh Pathen, i-Pathen’un nengchet a phatthei eibohdiu ahi.

7 Henge, Pathen in phatthei eiboh un tin, chule vannoi leiset mihemte jousen Ama chu agindiu ahi.