La Bu 61

1 O Pathen ka kana neingaipeh in! Ka taona hi ngai in!

2 Lungsung lunghemnan eilonkhum teng leiset kol kimvel a kon’in panpi ngaichan ka hin kou e. Hoidoh na songpi sang chung’ah neipuitou in,

3 ajeh chu nangma hi ka kiselna mun olna pen chu na hi, ka melmate’n ahin phahjoulouna kulpi chu nangma na hi.

4 Na mun theng’a tonsot’in neichensah in hilai chu na lha limnoi kiselna chu ahi.

5 O Pathen ka kitepna chu nei jahpehtai, nangma gingte chan dia na gonpeh na goulona mun chu neipeh ahitai.

6 Lengpa hinkho hi kum tamtah pehben! Khangkit geiin jong hinghoi in!

7 Pathen hoidam na achun vaihom jing hen. Na mi ngailutna longlou le na kitahna chun kaihoi jing hen.

8 Hiteng chuleh nitina ka kitepna suh bulhit ingkating tonsot’in na min thangvah jing tang e.