La Bu 37
1 Midihlou te chung a lungkham dan, thildihlou bolte jong thangse hih in.
Don’t fret because of evildoers, neither be envious against those who work unrighteousness.
2 Ajeh chu amaho khu hamhing banga molloi diu, nipilai pahchaho banga goplha loidiu ahi.
For they shall soon be cut down like the grass, and wither like the green herb.
3 Pakai chu tahsa inlang thilpha bollin. Chutileh gamsunga lungmongin chengin natin nakhan touding ahi.
Trust in Adonai, and do good. Dwell in the land, and enjoy safe pasture.
4 Pakai a kipah jingin, chutileh aman nalung sunga nangai chatchan napehding ahi.
Also delight yourself in Adonai, and he will give you the desires of your heart.
5 Nabol natoh jouse Pakai a pelut jengin, ama chu tahsanin chutileh aman nakithopi ding ahi.
Commit your way to Adonai. Trust also in him, and he will do this:
6 Aman nathem na chu khovah banga muthimlah a avahdoh sahding ahi. Chuleh nachanchin jong sunlai nisa banga avahdoh sahding ahi.
he will make your righteousness go out as the light, and your mishpat ·justice· as the noonday sun.
7 Pakai masangah lungneng chan ngahhat in aman ahintoh ding chu ngah hat in. Mi giloute ahaotheiukhu lungkhampi hih un, athilse gon ujong lunghimo peh hih in.
Rest in Adonai, and wait patiently for him. Don’t fret because of him who prospers in his way, because of the man who makes wicked plots happen.
8 Lungchom lunghan bolhih in! Lung sat a kon in jong kihei mangin. Nalung lhaso hih in hichun thilse lamma bou napui lut ding ahi.
Cease from anger, and forsake wrath. Don’t fret, it leads only to evildoing.
9 Ajeh chu migiloute kisumang ding ahin, amavang Pakai tahsan a dingdet ho chun gamsung alodiu ahi.
For evildoers shall be cut off, but those who wait for Adonai shall inherit the land.
10 Migilou hohi gangtah a mangthah diu ahin, amaho chu hol le jonglechun mangthai ding ahitaove.
For yet a little while, and the wicked will be no more. Yes, though you look for his place, he is not there.
11 Kisunem tah a umhon gamsung alodiu ahin, lungmong tah leh ninglhing tah a inchengdiu ahi.
But the humble shall inherit the land, and shall delight themselves in the abundance of peace.
12 Mi gilouten Pathen ngaisah miho douna ahinbol diu; Amahon engset sanna ahin nelpehdiu ahi.
The wicked plots against the just, and gnashes at him with his teeth.
13 Hinlah Pakai in amaho chu ahin nuisat in, ajeh chu aman achungthu kitanna ding nikhou ahunglhun chu amui.
The Lord will laugh at him, for he sees that his day is coming.
14 Mi- engsen honmivaicha ho leh suhgam theija umte thandinachemjam u satdoh un athalpiu hin loisal uvintin, thilpha boltechu ahin suhmang gotdiu ahi.
The wicked have drawn out the sword, and have bent their bow, to cast down the poor and needy, to kill those who are upright on the path.
15 Hinlah achemjam un amaho lungchang asutpai johding chuleh athalpiu chu bong ding ahi.
Their sword shall enter into their own heart. Their bows shall be broken.
16 Ase bola thil tampi neisangin Pathen mite hia lhomcha nei aphachomjoi.
Better is a little that the upright has, than the abundance of many wicked.
17 Ajeh chu migiloute hatna chu kisumang ding, Pahen mite vang Pakai in avenbit jing ding ahi.
For the arms of the wicked shall be broken, but Adonai upholds the upright.
18 Ani ania Pakaiyin themmona neilou hochu avetsui ding, chule amahon tonsotna manglouding gou chu alodiu ahi.
Adonai knows the days of the perfect. Their inheritance shall be forever.
19 Amahochu hahsat nikho jongleh kijumso loudiu kel lhah nikhojong leh ngaichat sanga tamanei teidiu ahi.
They shall not be disappointed in the time of evil. In the days of famine they shall be satisfied.
20 Migiloute mangthai diu ahi, Pakai dougal miho jong loulaija pahcha tobang ahiuve-mei banga hung mang loi diu ahi.
But the wicked shall perish. The enemies of Adonai shall be like the beauty of the fields. They will vanish— vanish like smoke.
21 Migilouten asumpa lah u anungsah ngaipouvin, Pathen mite vang hongphal tah peh jeng ahiuve.
The wicked borrow, and don’t pay back, but the upright give generously.
22 Pakai phatthei changhon gamsung alodiu ahin, aman asapset ho vang mangthah diu ahi.
For such as are blessed by him shall inherit the land. Those who are cursed by him shall be cut off.
23 Pathen mite Pakai inkalsondan avetpeh in, ahinkho mandan jouse aman akipapin ahi.
A man’s goings are established by Adonai. He delights in his way.
24 Amaho chu kipal jongleu lhulham loudiu, ajeh chu Pakai in akhutnin atuh jing ui.
Though he stumble, he shall not fall, for Adonai holds him up with his hand.
25 Pahat khat chun khangdong kahin tun kateh tai, ahin Pathen mite paidoh a aumlam kahepon, achateo jong khutdon apangkhapouve.
I have been young, and now am old, yet I have not seen the upright forsaken, nor his children begging for bread.
26 Pathen miten khotona neitah in sumpa ahomjiuvin, chuleh achateojong phatthei aching jiuve.
All day long he deals graciously, and lends. His offspring is blessed.
27 Thilse akonin kiheidoh in thilpha bol in, chutileh tonsot'a gamsunga nachen ding ahi.
Depart from evil, and do good. Live securely forever.
28 Ajeh chu Pakai in thudih bou adei in, Pathen chate jong donlou a akoi louhel ding ahi. Aman ahoibit jing ding, Gitlou bol chate vang mangthah diu ahi.
For Adonai 'ahav ·affectionately loves· mishpat ·justice·, and does not forsake his saints. They are preserved forever, but the children of the wicked shall be cut off.
29 Pathen chaten gamsung alodiu ahin, tonsotna cheng jingdiu ahi.
The upright shall inherit the land, and live in it forever.
30 Pathen mite kamsung'a thudih apotjin adihle adihlou ahilthem jiuve.
The mouth of the upright talks of wisdom. His tongue speaks mishpat ·justice·.
31 Pathen daan chu amaho changval din akisan un, hijeh a chuAma lampi a konna vah lonle loudiu ahi.
The Torah ·Teaching· of his God is in his heart. None of his steps shall slide.
32 Migilou ten Pathen mite achanglhi leuvin, suhmang nading lampi ahol jiuve.
The wicked watches the upright, and seeks to kill him.
33 Hinlah Pakai in migiloute alolhin sah louhel ding Pathen mitejong patepna a aum tengu le themmo achan louhel ding ahi.
Adonai will not leave him in his hand, nor condemn him when he is judged.
34 Pakai ah kinem jingin. Alamlhong achun ching thei tah in lamjot in. Aman nadopsang a agam leiset nalosah ding ahi. Migilou te manthahvang namu ding ahi.
Wait for Adonai, and keep his way, and he will exalt you to inherit the land. When the wicked are cut off, you shall see it.
35 Keiman migilou le khotonabei te Lebanon gam'a Ceder thingphung phatah banga akhantouvu kamui.
I have seen the wicked in great power, spreading himself like a green tree in its native soil.
36 Ahin kanungvet kitle, ana beisoh taove! Ken kahol le vang'in kamudoh joutapoi!
But he passed away, and behold, he was not. Yes, I sought him, but he could not be found.
37 Milungtheng holeh miphaho khu veovin, chamna adei hochu amakhouva thilphatah in angah jing ui.
Mark the perfect man, and see the upright, for there is a future for the man of peace.
38 Hinla thilse bolte suhmanga umdiu ahi; amahon khonung hinkho aneipouve.
As for transgressors, they shall be destroyed together. The future of the wicked shall be cut off.
39 Pakai in Pathen mite chu ahuhdoh ji; boina nikho hoa jong amahi akulpiu ahi.
But the salvation of the upright is from Adonai. He is their stronghold in the time of trouble.
40 Aman amaho chu akithopin, migiloutea kon in ahuhdohjin ahi. Aman amahochu ahuhdoh in, amahon ama a lungmon na anei un ahi.
Adonai helps them, and rescues them. He rescues them from the wicked, and saves them, Because they have taken refuge in him.
