La Bu 149

1 Pakai chu thangvah’un! Pakai vahchoina lathah sauvin. Tahsan chate kikhopna ah avahchoila sauvin.

2 O Israel nasempa chunga kipah’in, O Jerusalem mipite, na lengpau chungah kipah’un.

3 Khongpi gintoh semjang saito thon lampum pum’in Aminchu vahchoijun,

4 ajeh chu amite chungah akipeh’in minnunnem chu jana lallukhuh akhupeh tai.

5 Pathen chate chu hitobang jana achanjeh’un, jankhovah’in avahchoila sauhen,

6 Akhut’in chemjam hemtah kichoiju henlang, akamsunguuvah kipah tah’in Pathen thangvah la sauhen.

7 Chitin namtin ho chunga phulah theina diuleh, namtin chunga engbolna apehtheina diuvin,

8 alengteu thihkhao kola akihen’uva, chuleh alamkaiteu thihkhaova akikan

9 achunguva thu kitanna dungjuija akitohdohna dingin. Hichehi Pathen chate chan loupitah achannao chu ahi. Pakai chu thangvah’in umhen!