Nehemiah 13
1 Hiche nikho ma ma hin Mose lekhabu chu mipi ho lah a asimdoh un ahileh Ammon mihole Moab miho chu Pathen houkhom na a lutthei lou diu ahi ti amudoh’un ahi.
那日，當著民眾宣讀梅瑟書時，人們聽到書中寫著說：「永遠不准阿孟人和摩阿布人，加入天主的會眾，
2 Ajeh chu amahon gamthip noiya chun Israelte an le tui anape nom pouvin ahi. Chusangin amahon Balaam chu apa-lah a sapset sah ding ana gouvin ahi, ahin Pathenin hiche sapset na chu phattheiboh na in ana lehei peh in ahi.
因為他們沒有攜帶飲食歡迎以色列人民，反賄賂巴郎詛咒他們，我們的天主卻將詛咒轉為祝福。
3 Hiche danthu kijihna laitah chu akiphah poh tengleh gamchom miho chu apet petna houkhom na a kon chun anodoh jiuvin ahi.
民眾一聽了這法律，便將各外族由以色列人中隔絕。
4 Hiche masanghin i-Pathen’u houin’a thilkeo koina indan ho vesui dinga kinganse Eliashib hi Tobiah inko ana hikhan;
這事以前，厄肋雅史布司祭，曾被派管理天主的倉庫，他是托彼雅的親信，
5 Amahin thilkoina indan lentah khat chu Tobiah khut nah ana pedoh khan ahi. Hiche indan chu tumasang’a houin thil hole chang hopsom lengpitwi thah, Olive thao chuleh thempu ho ding maicham koina kinei anahi (hiche ho hi Levite le, lasa miho, chuleh kelkot ngah hoa dinga ana kigong chu anahi.)
遂為托彼雅準備了一所大倉房，以前其中是存敦供物、乳香、器具、以及肋未人。歌詠者和守門者按法律所應得的什一之榖、酒和油，並司祭所應得的供物。
6 Hiche pet hin keima Jerusalem a kana um'in ahi, ajehchu Babylon lengpa Artaxerxes vaihom kum somthum le kum ni channa a chu akoma kana kile kit na dingin phalna kahin kilah in ahi.
發生這一切事時，我不在耶路撒冷，因為在巴比倫王阿塔薛西斯三十二年，我已回到君王那裏；滿了一個時以後，我又求得君王准許，
7 Jerusalem kahung nung lhun jouvin Eliashib min Pathen houin indan sung khat ana pehdoh jenga hitobanga thildihlou ana bol khah chu kahe doh tan ahi.
回了耶路撒冷；此時我才發覺出，厄雅史布為托彼雅所行的壞事，為他在天主聖殿的庭院中，準備了一所大倉房。
8 Hichu keiman nom mo kasa behseh jeng tan Tobiah thilkeo ho jouse chu indan sunga kon chun kale mangpeh tan ahi.
我感覺十分難受，立即將托彼雅的一切器物，拋出倉房之外，
9 Hijouchun indan sung ho chu kasuhtheng sah in, Pathen houin thilkeo hole, chang hopsom ho chuleh gimnamtui ho chu kale lhohlut kittai.
下命清潔那倉房，將天主聖殿的器具、供物和乳香仍放在裏面。
10 Chuleh keiman Levite chanding anneh kigong sa ho chu ana peh louvu kamudoh tan, hijeha chu Pathen houkhom na a analamkai dingho chu ama loulang cheh a natong dingin ana kinungle tauvin ahi.
我還發覺肋未人應得之分，人們已不繳納，為此供職的肋未人和歌詠者，各回了本鄉。
11 Keiman gangtah in lamkai ho chu kakimaito pin kasei tan ahi; “Ipi dinga Pathen houin hi nahsah moa kikoija hitam?” kati. Hiche jouchun Levite chu kavel koudoh in atohdiu kincheh u chu katohsah kit tan ahi.
我便責斥首長們說：「為什麼又將肋未人召喚起來，又恢復了他們的職務。
12 Hiti chun Judah mipite ho chun achang hopsom hou, lengpitwi thahho chule Olive thaoho chu houin thil koina hoa ahin pelut kit tauvin ahi.
那時，全猶大又將什一之穀、酒和油送入倉房。
13 Keiman thil koina in na vaihom ho: Shelemiah thempupa, Zadok danthu thempa, chule Pedaiah kiti Levi mikhat chu atohnao muncheh a kakoi kitin ahi. Chuleh Mattaniah tupa Zaccur chapa Hanan chu akithopi diuvin kakiojin ahi. Amaho hi seiphat chang cheh ahiuvin hitichun amahon a Levi chan khompi hou chu kitah tahin achandiu achansah soh un ahi.
我派定了舍肋米雅司祭、匝多克經師和肋未人培達雅，作管理倉房的人；委任瑪塔尼雅的子孫，匝雇爾的兒子哈南，作他們的助手，都是忠實可靠的人；他們的職務是將十一之物，分給他們的兄弟。
14 Vo ka Pathen katoh phat nau ho hi geldoh in lang ka Pathen houin dingleh akin kitohna hoa kitah tah a katoh hi neisuhmil peh hih beh in.
我的天主，這了這事，請記憶我! 不要抹去我對我天主的聖殿，和其中的禮儀所做的一切善事。
15 Hiche nikho laihin, Judah mihon cholngah nikhoa lengpiga achil’u kamun ahi. Amahon hange mim ahin pouvin sangan chunga akhangdoh un, alengpitwi’ule lengpiga theichang hole thilsoh jouse Jerusalem’ah ahin pouvin cholngah nia joh dingin ahin pouvin ahi. Hijeh chun hiche khoa atohga soh’u ajoh jeh un kaphoh in ahi.
那時我在猶大，看見有人在安息日踏榨酒池，搬運禾綑，馱在驢上，並把油、葡萄無花果和其他各種重載，安息日運到耶路撒冷；為了他們在此日買賣應用品，我曾警戒了他們。
16 Jerusalem a cheng hon Tyre gam a konin nga ahin, kiveina thil jatchom chom ho ahin polut’un ahi. Amaho hin Jerusalem a Judah mite lah a cholngah nikhon ajoh’un ahi!
有住這裏的提洛人，運來了魚和各種貨物，安息日還在耶路撒冷賣給猶太人，
17 Hijeh chun keiman Judah lamkaite chu kaki maitopin hitin kasei tan ahi; “Ipi dinga nanghon hitobang tah a hi thilse nabol’uva cholngah nikho hi nasuh boh u hitam?”
我遂責斥有權勢的猶太人說：「你們怎麼行這樣的壞事，褻瀆安息日呢，
18 “Ipu ipa teuvin hitobanga hi na anatoh jiu jeh a, Pathenin eiho chungle ikhopiuva hi hahsat na ana chuhsah ji hilou ham? Tuhin nanghon hitobang tah hin cholngah nikho nasuboh un Israel chunga Pathen lunghan na khoh cheh nahin polut tauve.
你們的祖先不是曾這樣行事，而使我們的天主，加給了我們和這城這一切災禍嗎﹖現今你們褻瀆安息日，還要義怒再多加在以色列人身上嗎﹖
19 Hichun keiman cholngah ni masang nilhah kho hungjin phatleh Jerusalem kelkot chu kha jeng ding cholngah ni kichai tokah a honlou ding in thu kapen ahi. Cholngah nia kiveina thilho hung kipoh lut louna dingin keiman lhacha ho phabep chu kelkot kangasah in ahi.
所以在安息日前一天，陰影一來到耶路撒冷城門，我就下令關閉城門，不准開門，直到安息日過去；並派我的僕役守門，安息日不准任何重載運進。
20 Kivei miho le thil jat chom chom joh ho chu Jerusalem khopam’ah khat vei nivei ageh khovah un ahi.
有一兩次，販夫和賣各種貨物的商人，在耶路撒冷外過夜；
21 Amaho chu kahousen, “Nanghon hiche kulpi bang vella hi ibola geh khovah nahiovem? Hitia hi naum kit’ule kamat diu ahi!” kati. Hitichun amaho cholngah ni ahung kit tapouve.
我警告他們說：「你們為什麼在城垣前過夜﹖若是你們再這樣做，我就要向你們下手，」從此以後，安息日他們不敢再來。
22 Hijouchun keiman Levite chu amahole amaho kisutheng dingle cholngah ni athenga umsah jing nadinga kelkot ngah dingin thu kapen ahi. O ka Pathen hiche katoh phat nahi geldoh in! Na mingailut na longlou kidangtah jallin kachunga na hepina kaiyin.
我也命令肋未人先聖潔自己，然後去看守城門，為聖化聖日。我的天主，為了這事，也請你記憶我! 照你的大仁慈憐恤我!
23 Hiche phatlai tah chun keiman Judah mi phabep min Ashdod Ammon leh Moab numei ho akichen piuve ti kahin hedoh tan ahi.
那時，我還發見好些猶太人，娶了阿市多得、阿孟和摩阿布人的女子為妻。
24 Hiche banna chun, achateu akeh khat in Ashdod paole paodang athouvin, Judah pao atho theipouvin ahi.
他們的兒子，有一半只會說阿市多得話，或這些民族的一種語言，而不會講猶太話。
25 Hijeh chun amaho chu kakimaito pin kasam sen ahi. Miphabep chu kavon chuleh asammu kabolhah pehin ahi. Keiman amaho chu achateu hiche gamma cheng hou neilou ho toh achateu akichensah louna diuvin Pathen min panin kaki hahsel sah in ahi.
我遂責斥咒罵這樣的男人，其中一些我還打了他們，扯了他們的頭髮，叫他們指著天主起誓，向他們說：「你們不可再把你們的女兒，嫁給他們的兒子，也不可為你們的兒子並為你們自己，娶他們的女兒。
26 Hiche jeh a hi Israel leng Solomon achonset lochu? Keiman kaseijin; “Namdang leng amatoh tekah pithei aumpoi, amachu Pathenin angailun Israelte jouse leng ahisah in ahi. Ahiyeng vang'in gamdang mi ajiten achonset sah in ahi.”
以色列的君王撒羅滿，豈不是在這事上犯了罪嗎﹖在這樣多民族中，沒有一個相似他的君王，他又是天主所愛的，天主使他成為全以色列的君王，但是外方女子竟引他犯了罪。
27 Iti dan a nanghon gamchom a numei ho nakichen piuva Pathen mitmua kitah loutah a na um’uva hitobang tah a chonset na hi natoh dohu hitam?
我們豈能任憑你們行這一切大壞事，娶外方婦女，背棄天主嗎﹖」
28 Thempulen Eliashab chapa Joiada chate lah a khat’in Horon mi Sanballat chanu ana kichenpi jeh in kakom a konin kakai dohtan ahi.
大司祭厄肋雅史布的兒子約雅達，有個兒子是曷龍人桑巴拉特的女婿，我便驅逐他離開我。
29 O ka Pathen amaho hi geldoh in, ajehchu amahon thempu hole Levite gimneitah a akitepnau asuboh tauve.
我的天主，請記住他們! 因為他們褻瀆了司祭和肋未的誓約。
30 Hitichun keiman gamchom mi toh kitimat na jouse chu kasuthengin thempu hole Levite chu akin cheh’u pochil tah a atohna diuvin natoh kagon toh peh cheh in ahi.
如此我清除了一切異類，整頓了司祭和肋未人職守，規定了各人應盡的職務，
31 Chuleh keiman maicham a ding thing aning lhinga ahin peh na diu leh lhosoh masa apha cha cha ahin pohlutna diuvin kagongtoh in ahi. O ka Pathen, hiche hi keima neikhohsah na in hin gel doh teiyin.
劃定了奉獻木柴和什一之物的時期。我的天主! 求你記憶我，使我蒙福!
