Ka La 3

1 Pakai lunghanna tanggolla kon hungpotdoh thohgimna chu keima tahin kamuchet ahi.

2 Aman vah jouse daltanin, Muthim laha eipuilut e.

3 Nilhum keijin avel vellin keima dounan ka chunga a khut a lamin ahi.

4 Aman kaphe leh kavun agotsah jenge. Kagu kachang jong a sungoi jengin ahi.

5 Aman lunggimna leh gentheina eisun khumin chatmo hellin eilha tai.

6 Aman mithisa ho bangin, Muthim laha eivuiye.

7 Aman pal eikai khumin, Keima ka jamdoh thei tapoi. Thihkhao gihtahin jong eikan chah e.

8 Keima kapengjah jeng vang'in, Aman ka taona adalten del tai.

9 Songpal sangtah in ka lampi akhah tannin; Ka lampi eisuh setpeh e.

10 Keima man dingin, Kei le vompi bang in kiselin eichang lei.

11 Aman ka lampia kon in eimanin eimal tel tel in, Hesoh genthei le panpi beiyin eilhai.

12 Aman athal-pou aloisalin, Keima abidoiyin eineiye.

13 Ka lungchang laitaha, Athalchang chu a kaplut jenge.

14 Kamiten nuisatbepseu kahi tai. Nilhum keijin musetna la eisah khum uve.

15 Aman lunggimna jengin eisu dimin, Lungkhamna khacheh khon chu eidon sah e.

16 Aman songchang eilhai sahin, vutvai laha eilehluttan ahi.

17 Chamna chu eilah mang pehin, Phatthei channa ding chu keidin gelphah ahi tapoi.

18 Ka loupina nikho akichai tan, Pakaiya ka kinepna jouse jong ahomkiu ahitai, tin kakap jah jeng tai.

19 Kathoh gimna leh ka lengvaina hinkho hin eisugim thei val jeng e.

20 Ka thohgimna le in le kagentheina hi, seiya seijou hoi ahita poi.

21 Ahin hiche hi kahin geldoh teng, Kinepna kanei jou jin ahi:

22 Pakai neingailutna dihtah chun beitih anei pon, Amikhotona jong atangdeh poi.

23 A kitahna hi longlou ahin, Ami khotona jong jingkah sehin athah jingin ahi.

24 Kahinna ka lhagaovin aseijin Pakai hi keima gou ahi. Hijeh chun Ama a kakinepna hi umjing ahije.

25 Pakai ging jingte leh hinna dinga hol jing tedinga phatah ahi.

26 Hijeh chun Pakaija konna huhhing na muna dinga thipbeh cha nga hat angaije.

27 Chu leh khan don laiya Ama angsunga kipehlut leh Ami thununna koljon kikhum lut aphai.

28 Ama chu Pakaiyin atohsah nomna dung juiyin thipbeh in aching seh in ngah jing hen.

29 Amaho chun amaijun tollam ngatnu henlang kijammu hen ajeh chu amahon ajona leh akinepna’u dung jui'a amu thei diu ahi.

30 Amaho chun a ngei phe bengho chu alangkhat jong dopeh uhenlang agalmi ten anoise nau jong kisan u-hen.

31 Ajeh chu koi macha hi Pakaiyin apaidoh paipai aum poi.

32 Aman lungkhamna asosahje vang'in ami khotona dimset jeh chun angailutna ahop jinge.

33 Ajeh chu Pakai hi milungkham sahle alungthim sunhat peh ahi along lhaina ahipoi.

34 Mihon gamsunga songkullut hochu akelngoi tol chotpha jongle’u,

35 Hitobang miho chun Pathen douna in midang chan ding dolho lahpeh jongleu,

36 Chuleh aman a thutan nauva achanding dol’u thudih chu chansah hih jong leu, hitiho jouse Pakaiyin amu sohkei hilou ham?

37 Pakai phatsah louva koiham thilho hung soh doh na ding thupeh neithei ding chu?

38 Chungnungpen Pathen in thilpha le thilse ahin sosah ji hilou ham?

39 Chuti ahileh mihon eiho e-chonset jeh uva engbolna e-chan jiuhi i-kiphin thei ding uham?

40 Chuti louvin, eihon e-chonnau hi kikhuol’u hitin chuleh Pakai kom’a iki lehei kit lou diu ham?

41 Eihon e-lung thim ule e-khut’u Van Pathen anga domsangu hitin seiju hite,

42 Keiho nangma dounan ka chonse tauvin nangman nei ngaidam pouvin ahi,

43 Nangman nalung hanna neibuh lhah khum tauvin chuleh khotona beihelin neidel khumun nei that gam tauve.

44 Mei lah’a na kiselin, katao na’u na kom ahung lhung jou tapoi,

45 Nangman chitin namtin laha thet le notthapin nei koitauvin ahi.

46 “Ka melmateuvin Keiho dounan thu asei sei jingun.

47 Keiho kichat le tijatnan Ka dimset tauve, Ajeh chu keiho kimana, kisugepa amang thah kahitauve.”

48 Ka miteu kisuhmang jeh'in, Ka mitlhi’u twilon in along e!

49 Kamitlhiu tanglou helin alonge; Tang lou ding ahi,

50 Pakaiyin Vanna konna ahin vetsuh, Ahin lainatpi tokah un,

51 Jerusalem Chanute khankho gelnan, Ka lungthim hi apohkeh ding akisa jing’e.

52 Keiman kasuhset louhel galmin, Vaacha bangin eideljam e.

53 Kokhuh’a ei nolutun, Ka chunga song eiset khume.

54 Ka luchang geiyin twiyin eichupin, “Athi ding kahitai” tin ka peng jah’e.

55 Ahin kokhuh sunga konin, Pakai, Nangma kahin kouve.

56 Nangman ka kouna najan, “Kataona nei sanpehin, Panpi ngehna a kataona nei san peh e!”

57 Keiman kahin kou chun nangma na hung in “kicha hih in” neiti.

58 Pakai nangman ka thutanpa nahin, ka chung thu neiseipehin! Ajeh chu eihuhdoha Nang na hi.

59 Pakai amahon ka chunga i-chan geija thilse abol’u hitam namu sohkeiye, kathu nei kholtohpihin lang, kadihna neitahlang pehin,

60 Ka galmiten kei douna tohgon aneiyu Nangman nahesoh keiye.

61 Pakai nangin eitaitomnao na jasoh keijin chuleh ka chunga thilse abolgot hou jong na hesoh keiye.

62 Ka galmite ka chunga akihou un Keima dounan akihou lhi jingun ahi.

63 Amaho khu ven! Atoupetu hihen adinpetu hijongle, keima nuisatna la jeng asaove.

64 Pakai ka chunga thilse abol jouseu hi, Amaho chunga chuhsahin.

65 Amaho hi lungtahna leh sei ngailouna lungthim penlang, Achunguva sapsetna chuh sah in.

66 Achung uvah na lunghanna chuhsah inlang, Pakai vansem ho noi jahin amaho khu suhmang tan.