Thutan Vaihom Ho 13
1 Avellin Israelten Pakai mitmun thilse jeng aboltauvin ahi. Hijeh chun Pakaiyin amaho chu Philistine te khut’ah apedoh tauvin ahileh amahon kum 40 sungin asungenthei lheh jengun ahi.
以色列子民又行了上主視為惡的事，因此上主把他們交於培肋舍特人手中四十年之久。
2 Hiche nikholai hin Manoah kiti Daan phungmi khat Zorah khopi sungah anachengin ahi. Ama jinu hin nao avop theipon chanei louvin aum lhonin ahi.
那時，在祚辣有一個人，屬於丹支派，名叫瑪諾亞，他的妻子是個石女，從未生育。
3 Pakai vantil khat Manoah jinu komah ahung kilah in hitin aseije, “Nangma chanei theilou hellin hitih chan’in ana umjong lechun tuahi gangtah a nao nahinvop ding chapa khat nahinding ahi.
上主的使者顯現給那婦人，對她說：「看，你原是個石女，從未生育，但是你要懷孕生子。
4 Hijeh chun chingtheijin, nangin ju hihenlang khamnathei dang ipi hijongleh don hihbeh in chuleh nehding kijahda thil ho chu nehih beh in.
今後要留心：清酒濃酒都不可喝，各種不潔的東西也不可吃!
5 Nangman nao hinvop in natin chapa khat nahin ding ahi, chuleh asam navopeh louhelding ahi. Ajeh chu amachu ahung penna patna athichan geija Nazir khat hina-a Pathenna kikatdoh ding ahi. Aman Philistine tea konna Israelte ahin huhdoh ding ahi,” ati.
看，你將懷孕生子，剃刀不可觸及他的頭，因為這孩子從母胎就是獻於上主的；他要開始從培肋舍特人手中拯救以色列。」
6 Hichun hiche numeinu chu alhai jellin ajipa aga hetsah tan ahi, “Pathen mikhat kakom’ah ahung kilah in, amachu Pathen vantil toh akilouvin, vetding tijat umtah ahi. Hoiya hungkon ham ti kana dongpon amanjong amin eiseipeh pon ahi.
那婦人遂去告訴自己的丈夫說：「有一個天主的人來到我這裏，他的容貌好像天主的使者，極其威嚴；我沒有問他從那裏來；他也沒有告訴我他的名字。
7 Ahinlah aman nao nahinvop ding chapa khat nahinding ahi ati. Jujong nadon louding khamnathei adang, ipi hijongleh nadon louding nehjong nanehlou ding ahi ati. Ajeh chu nachapa chu ahung penna patna athi nichan geija Nazir khat iding Pathenna kikat dohding ahi,” ati.
他對我說：看，你將懷孕生子，從今以後清酒濃酒都不可喝，各種不潔的東西都不可吃，因為這孩從母胎一直到死，是獻於天主的。」
8 Hichun Manoah Pathen hengah atauvin aseitai, “Pakai, lungsettah in Pathen mipa chu avellin hungkit henlang ahung pengding chapang chungchang chu eiseipeh behen” ati.
瑪諾亞就向上主懇求說：「我主! 求你叫你所派的那位天主的人再到我們這裏來! 指教我們對於將生的嬰孩應該作什麼﹖」
9 Pathen’in Manoah taona chu asangin avellin ajinu loulaija atoupetnin Pathen vantil chu ahung kilah kitnin ahi. Ahinla ajipa Manoah chu amanu komma ana umloupet ahi.
天主聽了瑪諾亞的話；天主的使者又來到那婦人跟前；那時她正坐在田間，她的丈夫沒有同她在一起。
10 Hijeh chun amanu chu gangtah in ajia koma alhai jallin agaseipeh in, “Nikhatna kakomma hungkilah a chu avellin ahung kitne” ati.
那婦人就急速跑去告訴丈夫說：「看，那天來我跟前的那個人，又顯現給我了。」
11 Manoah chu ajinu chutoh alelhai lhonnin adongtan ahi, “Nangmahi nikhatna kajinu komma hung kilah chu nahim?” tin ana dongin ahi. Aman ahin donbut nin “kahi” ati.
瑪諾亞就起來，跟著妻子來到那人跟前，對他說：「你就是向這婦人說話的那人嗎﹖」他回答說：「我就是。」
12 Hijeh chun Manoah in hiti i nana dong tai, “Nathusei chu ahung guilhun teng hiche chapang chun ipi atoh dingham? chuleh itobanga hinkho amending ham?” tin ana dong tai.
瑪諾亞向他說：「當你的話應驗的時候，我們應該怎樣管教這孩子﹖要怎樣待他﹖」
13 Pakai Vantil chun ahin donbutnin, “Najinun atohding kaseipeh hochu phatah a ajuiding ahi,
上主的使者對瑪諾亞說：「我給這婦人所說的一切，她都當留神：
14 Amanun lengpithei tuija kon poupou chu anehlou ding chuleh ju hihenlang khamnathei adang itobang hijongleh adonlou ding chuleh athenglou poupou chu anehlou ding ahi” ati.
凡葡萄樹所結的，她不能吃；清酒濃酒她不能喝，各種不潔的東西她不能吃；凡我所吩咐她的，她都該遵守。」
15 Hiche jouchun Manoah in Pakai Vantil komma chun aseije, “Lungsettah in keinin naneh ding kelnou khat kahin honlhon tokah in hiche ahin umtadin” ati.
瑪諾亞對上主的使者說：「請容許我留你，為你預備一隻小山羊。」
16 Pakai Vantil chun adonbutnin “anaum nange” ahilah ima kaneh louding ahi, hijeng jongleh Pakai komma kilhaina a pumgo thilto nabolthei lhon ding ahi” ati. (Manoah chun Pakai Vantil chu Pakai ahilam ahetlou ahi).
上主的使者對瑪諾亞說：「你雖然劉我，我卻不吃你得食物；假使你要獻一全燔祭，就當獻於上主。」因瑪諾亞當時還不知道他是上主的使者。
17 Hichun Manoah in Pakai Vantil komma chun “Namin ipi ham?” tin anadongin ahi. Ajeh chu hicheho jousehi ahung guilhun tengleh keinin naming hi kajabol thei lhonna dingin” ati.
瑪諾亞問上主的使者說：「你叫什麼名字﹖當你的話應驗的時候，我們好恭敬你。」
18 Pakai Vantil chun adonbutnin, “Ipi dinga kamin neidoh ham? Nangin nahet dinga kidang val ding ahi” ati.
上主的使者回答說：「你為什麼問我的名字﹖它是奧妙的。」
19 Hichun Manoah in kelnou khat toh lousoh ga themkhat toh ahin choijin song chunga chun Pakai kommah pumgo thilto din atohdoh lhontan ahi. Chutia chu Manoah teni nupan avetpet lhonchun Pakai chun thil kidang tah aboldoh tan ahi.
瑪諾亞取了一隻小山羊和素祭，在一塊磐石上獻於行奇事的上主。
20 Hichea maichamma konna meikong chu vanlanga akontou phat chun Pakai Vantil jongchu meikong lah a chun akaltou tan ahi. Manoah leh ajinun hichu amu lhon phatnin abohkhup lhonnin jana apelhon tai.
當火燄從祭壇上向天升起時，上主的使者也在祭壇的火燄中上升了。瑪諾亞和他的妻子看見這事，就俯伏在地上。
21 Vantil chu Manoah te nupa kommah avellin ahung kilah kittapon ahi. Hichun Manoah chun Pakai Vantil chu Pakai ahiti ahedoh tai.
上主的使者沒有再顯現給瑪諾亞和他的妻子，那時瑪諾亞才知道他是上主的使者。
22 Aman ajinu kommah hitin aseije, “Eini ithi teitei ding ahitai ajeh chu einin Pathen imulhon tan ahi” akiti lhon tan ahi.
瑪諾亞對自己的妻子說：「我們必定要死，因為我們看見了天主。」
23 Ahinlah ajinun, “Pakai chun eitha lhon ding ahilah kelnou leh lhosoh ga chu sangponte, aman eini komma jong hung kilah louding eini komma hitobang hojong abollou ding ahi” ati.
但他妻子對他說：「如果上主有意叫我們死，必定不會悅納我們的手所獻的全燔祭和素祭，必不會使我們看見這些事，也不會使我們聽到像現在這樣的話。」
24 Achapa chu ahungso phatnin amanun jong amin Samson asahtai, chuleh amachu ahung khanlet to kilhonin Pakaiyin phatthei aboh in ahi.
後來那婦人生了一個兒子，給他起名叫三松；孩子漸漸長大，上主祝福了他。
25 Ama Zorah leh Eshtaol khopi teni kikah a Mahaneh-dan munna achen petnin Pathen lhagaovin amachu ahin hatdohsah tan ahi.
在瑪哈乃丹，即在祚辣與厄市陶耳之間，上主的神開始感動他。
