Job 8

1 Hichun Shuh mi Bildad in Job chu adonbut e:

2 Hitia hi itih chan naum nah lai ding ham? Nathusei chu kichat umtah huinung gin abange.

3 Pathenin thutah chu aletun ding ham? Hatchungnung pa chun adih chu aletun khah em?

4 Nachate chun ama douna a chonset anabollu hitei ding ahi, hiijeh a chu ahibep seuva ki engbollu ahi.

5 Ahinlah Pathen koma taova chule Hatchungnung pa lunglhaina naholla ahileh

6 Chule atheng nahija, lung thengsella nahin leh aman atahbeh a nakai thouva na inchen kipana a nasem phat peh ding ahi.

7 Chule lhomchan kipan jongle chun tamtah'a nachai ding ahi.

8 Khang masalai chu dongin lang pule paten ana mudoh sao hug ah ngaiton,

9 Ijeh inem itile eiho janhi bepma peng ihiuvin imacha ihepouve. Leisetna ihin nikho u jong nilim cheloi loi tobangbep ahi.

10 Ahin eiho masanga hunghon nahil uvintin, amahon gollui lai thu nahil diu ahi.

11 Doplah hilouva umping sangtah'a khang theija, doplah hampa chu twibeija khang theijem?

12 Satlhah phat lou laiya apah jing laijun jong hampa ho sanga gang jon agoplha ji tauve.

13 Chutobang chu Pathen sumil te chunga jong chu ji ahin, Pathen neiloute kinepna chu twihu banga mang ji ahi.

14 Atahsan nao jong patjanga kikhai ahin, amachu maimom panna kingai ahiuve.

15 Amahon ahoidoh nadiuvin ainnu atuh un ahinlah dding joupoi, amahon hatuh a tuh ding agot vangun adou jou deh poi.

16 Pathen neilou khu nisa noija khangdoh hampa abah ho honsung jamdoh a tobang ahiuve.

17 Song kise thom lah a ajung kholutna, songho kah a hing ahi.

18 Ahinlah akibodoh tengleh anaum khalou bangin te.

19 Hichu ahinkho kichaina ahitan, chule amun lo khel dingin adang hung kehdoh tante.

20 Ahin ven Pathen in milung thengho apaidoh lou ding, migilou dinga jong akhut alhan doh lou ding ahi.

21 Aman khatvei kipah tah a nanuisah kitna, chule nane tenia kipathu nasap doh ding ahi.

22 Nangma vetda ho chun jachatna ponsilla akisilluva chule migiloute chenna in chu kisumang ding ahi.